مطب عملى مشاكل عاوز ليها حل سريع

[Ebrahim Osman]

السلام عليكم
وكل عام وانتم بخير
الحمد لله انا لسه شارى عربية ابيزا 1998 وكنت باعمل فيها بعض الصيانات والاصلاحات
المهم
اول يوم العيد وانا ماشى بالليل حدت مطب جامد شوية انا قلبى اتخلع من مكانة من خوفى على العربية يكون حصل فيها حاجة المهم روحت وركنت العربية وثانى يوم الصبح وانا بنظر تحت السيارة لقيت بقعة قطرها حوالى 30 سم وحاجة عمالة بتنقط لون اخضر وعلى ما اظن ان ده المياه الخضراء علشان انا لما كنت بعمل صيانه للعربية حطيط 2 كوز مياه خضراء خام فى القربة المهم قولت اتأكد بصيت على القربة لاقيتها شبة مفضية المياه الموجودة فيها تركت السيارة ولم اخرج بيها حتى اكلم الميكانيكى وبالفعل كلمته وقالى لازم يشوف العربية بس قالى ازود العربية مياه عادية والاحظ مؤشر الحرارة وانا ماشى المهم انا رجعت بالليل وزودت العربية مياه ومشيت بيها شوية وثانى يوم ببص تحت لاقيت بقعت المياه قلت والتنقيط قل وكان قطرها حوالى 10 سم وبصيت فى القربة لقيت المياه اعلى من المستوى العالى الموجود فى القربة
المهم بصيت تانى لقيت فيه ماسورة شبة الخرطوم داخلة على حاجة تحت الماتور وعند الزور بتاعها فيه شرخ وبترشح زيت وبينقط خفيف وحسيت ان ده ممكن يكون الباور لان الدريكسيون بقى تقيل فى حركتة والميكانيكى لسه قافل ومسافر
وبصراحة مش عاوز اوديها لحد يخربها ومش عارف اعمل ايه
وعاوز لو سمحتوا حد يقلى اعمل ايه علشان مفيش حاجة تانى تبوظ بسبب انى مشيت بيها على الحال ده
يعنى انا عاوز حل مؤقت لحد مأول للميكانيكى
جزاكم الله خيراً

[كمال....]

خير ان شاء الله
الحمد اللة على كل حاجة
ممكن تراجع على منسوب زيت الباور فى القربة
لو ناقصة ممكن تزودهاعادى
وأهم انك تتابع مستوى الزيوت والسوائل فى العربية ضرورى يوميا او مرتين فى اليوم لحد لما تروح للميكانيكى بتاعك وخلى بالك من عداد الحرارة
ارجو ان اكون افدتك

[Ebrahim Osman]

جزاك الله خيراً ومتشكر جداً لحضرتك