العودة   مصر موتورز مجتمع السيارات > منتديات السيارات العامة > موضوعات متميزة

موضوعات متميزة لا يسمح للأعضاء بنشر موضوعات بهذا القسم


إضافة رد
 
أدوات الموضوع
  #1  
قديم 01-05-2009, 08:33 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي العربية اللى حيلتى ماتت (اغرب موقف حصلى مع عربيتى)

صباح الخير يا جماعة

امبارح حصلى موقف غريب جددددددددددداً ولحد دلوقتى مش عارف حصل ازاى ولا العمل فيه اية

حوالى الساعة 3 بليل كنت مع جماعة اصحابى وركب معايا منهم اتنين اوصلهم فى سكتى ودورت العربية ومشيت

العربية كانت دايرة وماشية عادى مجرد ال rpm كان عالى شوية وقولت اكيد طبيعى علشان العربية باردة لسه

مشيت بالعربية 5 دقائق عادى والكاسيت شغال والنور شغال وكلة تمام التمام وفجاءه العربية بطلت خااااااااااالص

بطلت وقطعت كهرباء تماما

وفجاءة لقيت نفسى فى شارع جانبى والدنيا كحل والعربية قاطعة تماماً

نزلت بثقة وطمنت الناس اللى معايا خليكو يا جماعة مفيش حاجة وكلى ثقة ان هزة ولا رجة خلت قواشيط البطارية تتزحزح ولا حاجة هايفة كده

فتحت الكابوت حركت القواطيش مفيش حاجة والقواطيش مبتشرزش حتى كان البطارية ميتة وكل حاجة ماتت

قولت يمكن حاجة عاملة قفلة

شيلت فيش الكنترولر والانجكشن وفصلت وركبت وبصيت على الفيوز العمومى وكل الفيوزات الصغيرة مفيش

ايه العمل

وانا بحاول مع العربية لقينا عربية تانية جاى فى وشنا واحنا واقفين فى شارع جانبى ميساعش غير عربية واحدة طبعاً شاورنالة ارجع ياعمنا العربية عطلانة وطبعاً كان الكابوت مفتوح والشكافات والموبيلات منورة وعمالين ندعبس فى الضلمة وباين اننا ناس عطلانين فعلاً بس صاحبنا دخل علينا برضو

ياعم بنقولك عطلانة لف من شارع تانى معلش ..

الراجل قالنا طيب خلاص انا هقف ياعم تقف ليه .. الراجلة ببلاهة طيب مش عايزين اعمل معاكو حاجة

لاء شكراً طيب وفضل واقف

سيبناه واقف .......

العربية لسه مش عايزة تنطق وانا ايدى اتحشرت فى علبة الفيوزات ومش عارف اطلع فيوزين فى الاخر مزنوقين

حد معاه مفك ...... مفيش

اى حاجة رفيعة يا جدعان ..... مفيش

فاستخدمت مفتاح العربية علشان اشد بيه الفيوزات ....

جربت كل الفيوزات وفضل معايا مفتاح العربية عاملة زى مفك .....

قولت كده مفيش غير البطارية افتح ابص عليها كده ...

وباستخدام مفتاح العربية فكيت اول عين ابص على البطارية لقيت اول عين فيها مية يادوبك

قولت يبقى احتمال كبير فعلا البطارية طيب نجيب بطارية منين مفيش غير الراجل اللى واقف متنح ده بس محرج اقولة ومش عارف معاه كابل اصلاً ولا لاء والعربية بتاعتة 127 فشكيت انة ممكن ممكن يعنى يكون معاه

لو سمحت معاك كابل ناخد وصلة من البطارية
ptmnlo123per1127


الراجل قال ايوه .......

يا فرج الله كده زى الفل

الراجل راح يدور على الكابل فى عربيتة وانا بحاول افتح عين تانية من عيون البطارية باستخدام مفتاح العربية برضو المفتاح سنة اتحشر وتك اتقطم
ptmnlo123per1106

مفتاح العربية اتقطم .......


ptmnlo123per155

بقت العربية عطلانة ومعييش مفتاح اصلا ادورها بيه ده لو اشتغلت اصلاً

قولنا للراجل خليك خلاص هيا خربت خالص يلا يا جدعان نزقها بره على الشارع ونركنها فى حتة زى الناس

زق يا جدع يمين شمال هووووووووب الدريكسيون تربس والعجل معووج

وبقت العربية قاطعة كهرباء ومفتاح العربية مقطوم والعجلل معووج والدريكسيون متربس وهيا واقفة بزواية بالعرض فى نص الشارع

طبعاً العربية نزقها قدام تمشى يمين نزقها ورا تمشى يمين وفى كل الاحوال وقفتها خزعبليه فى وسط الشارع ومينفعش تتساب كده

طيب الفجر اذن علينا والنهار طلع هنعمل ايه هبات فيها للصبح طيب انهارده الجمعة واكتر الناس مبتفتحش الا بعد الصلاة يا خبر ......

المهم انا عارف نظرياً وعن تجربة فى مواقف قبل كده ان ممكن خمس ست انفار يشيلو العربية من الشنطة ويحركوها ده لما يكون العربية متعشقة ومينفعش تتزق بنعمل كده

فقولت للناس اللى معايا الفكرة ديه ومعلش نحاول الناس طبعاً كان طلعان عنيها من الحوارات وبيدعوا على نفسهم اكيد انهم طلبوا منى اوصلهم فى سكتهم

المهم حاولنا ومعرفناش نحركها سنتميتر واحد

ptmnlo123per191
وطبعاً تريقة من الشباب على اقتراحى وياعم انت فاكرنى شمشون واللى يقولى انت بتهرج عايز 3 يشيلو العربية هيلا هوب ازاى ؟ وانا اقولهم والله يا جماعة تتعمل بس محتاجة تركيز وكلنا نزق مرة واحدة نمرجح العربية فوق وتحت بتاثير المساعدين وهوووووب نزق

المهم قعدنا نقاوح بعضينا واذا بواحد رفيع جدا معدى يا كابتن يا كابنت ممكن زقة

اوى اوى من عنيا (قولت فى سرى يجعل سرة فى ارفع خلقة )

يلا يا جماعة ننطط العربية الاول فوق وتحت مع المساعدين والمساعدين وهى رافعة العربية فوق هوووب نزقها فى اتجاة الرصيف

1- 2 - 3 هووووووووب زق اتحركت

عملناها يجى 5 مرات لحد ما العربية اتعدلت بمحاذاة الرصيف والحمد لله ان الارض كانت اسفلت والا كان هيبقى زحزتها بالطريقة ديه مستحيل

سوجرت العربية باب باب من جوة (لان السنتر طبعاً فاصل زى كل حاجة ما بقت فاصلة)

وهبتدت الباب الاخير بكل مشاعر الغيظ والكراهية فى الدنيا للعربية وسيبتها زى الكلبة فى الشارع ومشيت

وانا دلوقتى فى البيت دورت على المفتاح التالت بتاع العربية مش لاقية خالص والمفتاح التانى كان مقطوم برضو وانا كسلت اصلحة

يعنى عندى دلوقتى مفتاحين مقطومين والسنة اللى مقطومة مش موجودة والعربية قاطعة كل حاجة كهرباء (وبالتالى مش هتفتح بالسنتر) ومسوجرة من جوة

اعتقد مفيش نحس فى الدنيا اكتر من كده

ptmnlo123per1100


((ملحوظة هامة))

ديه مش فزورة رمضان ولا كدبة ابريل
الكلام ده حصل فعلاً والمشكلة مازالت قائمة


حل المشكلة
المشاركة 64
http://www.masrmotors.com/vb/showpost.php?p=43640&post count=64

__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش


التعديل الأخير تم بواسطة AbOnOrA ; 12-05-2009 الساعة 02:51 AM
رد مع اقتباس
  #2  
قديم 01-05-2009, 08:38 AM
الصورة الرمزية ayman abdelrazek
ayman abdelrazek ayman abdelrazek غير متواجد حالياً
التخصص العملى: sales director
 
تاريخ التسجيل: Jul 2008
الموقع: القاهــــــــــــرة
المشاركات: 1,008
ayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond reputeayman abdelrazek has a reputation beyond repute
افتراضي رد: اغرب موقف حصلى مع عربيتى

يكون فى عونك ربنا يا وائل
__________________

أبو الفتوح رئيسأ
رد مع اقتباس
  #3  
قديم 01-05-2009, 08:43 AM
الصورة الرمزية MosTafaFox
MosTafaFox MosTafaFox غير متواجد حالياً
 
تاريخ التسجيل: Jun 2008
المشاركات: 570
MosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond reputeMosTafaFox has a reputation beyond repute
افتراضي رد: اغرب موقف حصلى مع عربيتى

والله يا باشا انا قولت فى الاول ديه قصة منافسة لقصص الدكتور تامر

وبعدين حسيت انها فزورة وبقيت نفسى اوصل للاخر علشان اعرف الحل

وبعدين طلعت مش فزورة ومش كدبة ابريل

فعلا ربنا يكون فى عونك ptmnlo123per1127
__________________




رد مع اقتباس
  #4  
قديم 01-05-2009, 08:59 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: اغرب موقف حصلى مع عربيتى

شكراً يا جماعة على شعوركم ptmnlo123per144

منجيلكوش فى حاجة وحشة ptmnlo123per144
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #5  
قديم 01-05-2009, 09:53 AM
الصورة الرمزية lancer.style
lancer.style lancer.style غير متواجد حالياً
من انا؟: Mohamed Osama
التخصص العملى: Futuer Academy
هواياتي: CaR RiDe
 
تاريخ التسجيل: Nov 2008
الموقع: مــ عين ـصـ شمس ـــــر
المشاركات: 1,877
lancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond repute
افتراضي رد: العربية اللى حيلتى ماتت (اغرب موقف حصلى مع عربيتى)

هههههههههههههه

ربنا يكون فى عونك يا وائل شوف انت عملت اية فى اليوم دة يستاهل النحس دا كلة

فعلا دى تنفع قصة يوم منحوس
__________________







رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:09 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017