اية اكتر حاجة ممكن تستفزك وانت سايق؟؟

[hal71]

المشاركة الأصلية كتبت بواسطة الهولندى الطائر اقتراح منه اجابة على عنوان الموضوع ومنه تعديل خليه إيه أكثر حاجة ممكن تبسطك وتريحك وأنت سايق هو فيه فى مصر حاجة غير التعب وقلة الذوق والبلطجة المرورية ياراجل دى بقت عيشة تزهق الموت راحة على الاقل مش هتشوف الاشكال اللى بنشوفها كل يوم وعجبى

[ahmed_eng2001]

المشاركة الأصلية كتبت بواسطة ahmed_zamalek7 موضوع ان حد يرمى عليك ديه عادى عشان كده نفسى اجيب فور باى فور واركب شبكه ولو رمى هو الخسران انهرده حصل معايا موقف حرق دمى قوى تاكس طالع من شارع جانبى على العمومى من غير ميبص طالع وخلاص وانا ضغط على الكلاكس جامد وهو ولا هنا واقسم بالله لو عندى شبكه من قدام مكنت هدوس فرامل وكنت هخش اطبقه واليحصل يحصل

انا كنت بقول لنفسى زى حضرتك كدة بالظبط .... بس لما اشتريت عربيتى ... و ركبت اكصدام حديد امامى و خلفى .... اصبحت بخاف على الناس اكتر من الاول و اسيب مسافة اكبر بينى و بين الى ماشى امامى ....
لكن و الحق يقال ... معظم الحاجات الى ذكرها الاعضاء الافاضل مبتنرفزنيش خالص ....
الى عاوز يكسر ... يتفضل .. و انا حدوس فرامل بس لو ملحقتش .... محدش يزعل

الى يضرب النور العالى و يدوس على الكلاكس ورايا ... براحته خالص ... نوره مبيجيش فى المرايات اوى

الى ييجى معاكس قصادى فى الشارع مخالف .... صعب جدا انى ارجع بالعربية ... بس لو لقيت طريقة اتفادى الموقف ده بتفاداه ببساطة
سواقين الميكروباص و التاكسى الى بيقف ادامى يحمل ..... معلش ... انا اصبر شوية لوجه الله
اكتر حاجة تضايق فعلا .... لما حد يزعق او يشتم .... ربنا يعفو عنا و يرحمنا

[zamanan2000]

المشاركة الأصلية كتبت بواسطة Marlborooo واللع انا قريت موضوعك وهو حلو بجد واقعدت افكر ايه اكتر حاجة بتدايقني في السواقة ملقتش مفيش اي حاجة بتدايقني خاااااااااالص وانا سايق بكون بارد و ريلكس مشغل اغاني ولو الجو حر بشغل التكيف وعايش حياتي اللي عايز يكسر عليا براحته معنديش مشكلة اللي عايز يخبطني براحته ولا في الدماغ انا بكون عامل حساب كل الناس اللي ماشية وانا اللي باخد بالي ولما حد بيخبطني بنزل اقوله حصل خير : Wkiss5:

وانا متفق معاك جدا ومبخرجش من المود ده الا لو واحد اتبارد والاقيه يهدى فى طريق علشان يكلم واحد ولا بيتكلم فى التليفون غير كدة بتاقلم

[hyundai 2005]

انا بقي اللي بيزهقني
ابقي سايق في طريقي ومريح شويه من الجري يعني 60-70 كم /س والاقي توك توك طاير من ورايا وبيرعش نور وعايز يعدي من فوق العربيه بقي من تحتها مش مهم عنده كل اللي يهمه انه يعدي وخلاص مع انه لو فكره ثانيه واحده حيعرف انه راكب مكنه واحد بستم قد غطاء برطمان الصلصه والعربيه دي 4 بستم قد غطاء علبه السمنه ههههههههههههههههههههههههه ه
اروح بقي فارك علي امه ورادم التوك توك واللي فيه واحيانا يوزني الشيطان ويقوللي لبسه فعربيه ولا اقلبه علي جنبه
وللاسف سمعت الشيطان مره واحده بس ولابست توكتوك فحائط مسلح

[yaa]

اكتر حاجة مستفزة اللى بيشتم ويزعق وتانى حاجة استعجال الميكروباصات والتاكسيات وسرعتهم ويمشوا عكس ويقلبوا نور وكلاكس تحسن انهم وراهم مشوار ما هم كده كده ماشيين فى الشوارع