استفسارات فى التامين 2009

[maiali]

السلام عليكم
هذه اول مشاركه لى معكم
لانى اريد مساعده اهل الخبره فى هذا الموقع الرائع
اريد التامين على سيارتى ولكن تامين حلال فسمعت عن التامين التكافلى
وسمعت عن بيت التامين المصرى السعودى انه تكافلى وحسب الشريعه
فهل احد لديه معلومات عنه
من حيث المصدقيه _ شروط الوثيقه _ وقيمتها علما بان سيارتى زيرو
اتمنى احد من المشتركين فيه الرد عليه او من لديه معلومات مؤكده ارجو الرد سريعا للاهميه
وجزاكم الله خيرا

[vortec]

أولا :السلام عليكم
ثانيا:أنا عندي كورولا 2008 اشترتها في شهر 7 \2008 من الوكيل (جنوب أفريقي ) الهاي لاين وكان سعرها 160.000 ج ولقلة خبرتي في سوق السيارات في مصر ما أمنتش عليها وحاليا عايز أأمن عليها للأهمية القصوي وعايز الناس تفيدني وتجاوب علي أسئلتي لأن اراء الناس متضاربة ومختلفة جدا في موضوع التأمين.

1-ايه هي أفضل شركة ممكن أأمن عندها وأكون مطمن اني مش هيتنصب عليا وكمان أكون متأكد انهم هيعوضوني في حالة وقوع أي حادث لاسمح الله والأهم من ده كله تكون بتصلح في التوكيل ؟؟

2-ايه هي أهم مميزات وعروض لشركة دي؟؟؟


3-ايه الكلام بالنسبة لمحاضر الشرطة؟؟؟


4-ايه الكلام بالنسبة للتأمين ضد الغير(يعني لقدر الله لو كنت أنا اللي خابط عربية تانية)؟

5-ايه الشركات اللي بتدي ريبليسد كار وبتتحمل تكاليف نقل السيارة للوكيل؟؟؟


6-في حالات التوتال لوست لاسمح الله هتكون ايه قيمة التعويض من المبلغ اللي كتبته لحضراتكم في الأول؟؟؟


7-هل قيمة التأمين علي السيارة بتقل مع مرور الوقت أم أن النسبة ثابتة ؟؟؟

8-وأخيرا المعلومات اللي هتمكني من الاتصال بالشركة وياسلام لو اسم شخص معين ممكن أكلمه ؟؟؟؟

دي أسئلتي وبتمني أسمع أجوبة من السادة الأعضاء في أسرع وقت ممكن وهكون عاجز عن الشكر


ENG:Moh Essam
mmoo2006@hotmail.com

[ramadan sayed]

رد: افضل عرض فى شركة مصر للتامين =افضل خدمة بصفتى عضو فى الجهاز التسويقى لشركة مصر لتأمين أتشرف بأن أقدم لكم أفضل العروض و الخدمــــــــــــــات من خلالى و التى تقدمها شركة مصر للتأمين فى مجــال التأمين التكميلى (الشامل ) على السيارات و كذلــــــــك تجديد التأمين فى اى منطقة من مناطق الجمهورية لو كنت سعرمميزجدا - الاصلاح بالتوكيل او مراكز الخدمة المعتمدة صرف التعويضات فى خلال 15 يوما من تاريخ ابلاغ الشركة بالحادث شركة مصر للتامين معتمدة فى جميع التوكيلات للصيانة و فيما يلى المزايا التى تقدمها وثيقة تامين السيارة 1-الانقلاب او التصادم 2-الحريق او الانفجار او الاشعال الذاتى 3-السرقة او السطو كليا او جزئيا 4-محاولة السرقة و التلفيات الناتجة عنها 5-التلف المتعمد من الغير 6-الحوادث الجسيمة 7-الحوادث الجزئية 8-المسئولية المدنية قبل الغير حتى مبلغ 10,000 جنية مصرى 9-يمكن التامين على السائق والركاب ضد الحوادث و الوفاة (لا قدر الله) 10نيجي بقي لأهم حاجه في موضوع الـتأمين هو خطوات المطالبه بالتعويض عند حدوث حادث لا قدر الله. 1- يجب تقديم اخطار الحادث 2- اختيار مكان الاصلاح و هنا يقابلنا خياران اولهم التصليح في التوكيل و ده يتم فيه اصلاح العربيه طالما لم يتم علي سنه الصنع اكثر من خمس سنوات و في هذه الحاله فالمؤمن له هو اللي بيدفع و بعد كده يطلع الشيك . تاني حاجه الاصلاح في المراكز المعتمده بكل شركه و في هذه الحاله المؤمن له لا يدفع اي شيئ و المركز المصلح يحاسب شركه التأمين بمعرفته. ما يتم دفعه عند اي حادث فقط. 1/ من 5 الي 20% من قييمه قطع الغيار المستبدله نتيجه الحادث و هي عباره عن قيمه الاستهلاك بين قطع الغيار الجديده و قطع الغيار التالفه .( يتوقف علي سنه الصنع) 2/ تسليم قطع الغيار التالفه للشركه او خصم 5 % من التعويض. 3/ اذا نتج عن الحادث تلف للايرباج يتحمل المؤمن له ما قيمته 25% من قيمه الايرباج المفتوحه 4/ للحوادث اكتر من 5 الاف جنيه يجب عمل محضر شرطه و اذا لم يتم عمل المحضر يتم خصم 25 % من قيمه التعويض. ( علي فكره يا جماعه عمل المحضر ده حاجه سهله جدا مش زي ما كل الناس فاكره انه شيء عويص) ديه بس كل التكاليف اللي ممكن تدفعها بعد تصليح السياره و لا يتم دفع اكتر من كده مليم واحد نأتي للمرحله التالته و هي المعاينه قبل الاصلاح و يتم فيها معاينه السياره من قبل خبير معتمد من الهيئه المصريه للرقابه علي التأمين لتقدير قيمه التليفات و اعطاء امر بالاصلاح 11- التامين يكون بالقيمة السوقية للسيارة (يقل مبلغ التامين للسيارة للقيمة السوقية للسيارة حاليا 12-تكاليف نقل السيارة لمركز الصيانة فى اغلب شركات التامين حوالى 50 جنية 13- تحصل السيارة على خصم عدم مطالبة كل عام فى حالة عدم حدوث اى حوادث للسيارة رمضان سيد مصرللتامين الدقى 0162276337 0161781316 zamilamal@yahoo.com ] التعديل الأخير تم بواسطة ramadan sayed ; 08-06-2009 الساعة 12:22 AM.

[vortec]

ألف شكر يا سيد باشا أنا حاليا في الكويت وان شاء الله هيكون بيننا تليفون أول ما أنزل مصر..

[mariamjacob]

اشتريت نيواكسنت اليوم وعاوزة تامين جيد يتعامل مباشرة مع غبور او مودرن موتورز (مركز معتمد) وبدون تحمل او اى مشاكل
ممكن نصيحة من واحد مجرب وبسرعة من فضلك