التهبيط هوه الاساس فى التعديل

[sad-bird]

المشاركة الأصلية كتبت بواسطة Injection أنا هرد. التهبيط بيتم عن طريق حاجتين, الأولى طقم عفشة سبور كامل مساعدين وسوت من كونى أو eibach أو أى شركة تانية وتمنها غالى فوق 4000 جنيه, بس هو ده الحل الصح. الحل التانى تقصير السوست, وده بيتم عن طريق قص لفة أو أكثر من كل سوستة على حسب الوطى اللى أنت عايزه, وبتتعمل عند أى حد فى الحرفيين. بس السوست لازم تتقص على البارد, لأن السخونية بتغير من خصائص الحديد عامة, وهتخلى السوست أنشف أو أنعم وممكن تكسر كمان. وقص السوست مش الطريقة السليمة لتوطية العربية, لأنك بقص السوست وعدم تغيير المساعدين هتبهدلهم لأن الضغط عليهم هايزيد, والعفشة هتنشف بغباء, وهتلاحظ زيادة الثبات لقرب العربية من الأرض بس العفشة هتبوووووظ. فيا تجيب طقم كامل وتغير العفشة القديمة, ياتجنط وخلاص علشان الثبات.

الجنوووووووط علشان المنظر بس
لكن لو بتدور على الثبات يبقى الكاوتش عريض على حسب نوع العربية
وكاوتش واطي يعني سمك الكاوتش بين الجنط والارض يكون اقل دول من عوامل الثبات طبعا بعد العفشة والاسبويلر

[sameh samer]

بس أنا أعرف بردو ان الكاوتش العريض بيضر العفشة
ف
انهى أحسن من حيث أقل ضرر و أكثر ثبات
1)جنوط عريضة
2)تهبيط عنطريق القص

[sad-bird]

المشاركة الأصلية كتبت بواسطة sameh samer بس أنا أعرف بردو ان الكاوتش العريض بيضر العفشة ف انهى أحسن من حيث أقل ضرر و أكثر ثبات 1)جنوط عريضة 2)تهبيط عنطريق القص

انا عن نفسي مجربتش لكني قريت كتير في الموضوع ده لاني كنت ناوي اجيب 28 تعبانه واشدها على ايدي
وكان اغلب الكلام في الاتزان والثبات زي ما قلتلك وهقولك بالتفصيل
1. عفشة رياضية ( ماسعدين كوني او اي ماركة قريبة منها وسوست نفس النوع )
2. تقص لفة من لاسوست على البارد علشان خواص الحديد متتأثرش
3. كاوتش عريض حتى لو مش هتركب جنوط لان الجنوط زي مقلتلك للمنظر وبس مبتعملش اي حاجة في الثبات
4. لو تضحي بالراحة في المطبات يبقى الكاوتش يكون واطي يعني المسافه بين الجنط وبين الارض واطية مش عاليه شعنش ارتفاع الكواتش مش عرضه لكن في الحالة دي هتحس بكل المطبات اللي تعدي عليها لو عاوزة راحة في المطبات وتستغني عن الثبات شوية يبقى الكواتش عادي لكن عريض قصة الجنط دي بقى انت وذوقك لانه للمنظر بس
5. سبويلر واجناب العربية
ده ثبات العربية


لكن السؤال
العربية نوعها ايه وانت هتمشي على كاااااااااااااااااااااااا اااااام
لان اغلب العربيات ثابته على السرعات القانونية لكن لو انت عاوز تجري وغرز والكلام ده يبقى محتاج تدور على ثبات افضل للعربية