سواقه عربيه اللادا 2107

[مودى بودى]

ياجماعة العربية ولله الحمد كويسة
وخصوصا للى مجربنها بيحسوا بعشرة وحنين ليها
كفاية انها مستحملة مطبات مصر ولا داعى للتعليق على المطبات بتاعة مصر
ولا حفر مصر
ولا سواقين التاكسى بتوع مصر
ولا عربيات الكارو اللى فى مصر
انت بتتكلم عن بلدوز بيتعامل مع عوامل تعرية تنحت صخر ptmnlo123per181
والعربية مستحملة
لازم نقول فيها كلمة شكر برضه
صحيح مفيهاش تكييف اهو نفتح الشباك بديل التكييف والهوا طبيعى
صحيح مفيهاش باور بس ممكن يتركبلها بس ملوش لزمة
صحيح مفيهاش فرامل abs بس مش مشكلة الشوارع توقفك لوحدها
صحيح مفيهاش زجاج كهرباء بس مش مشكلة نركبلها مكنتين كده لزوم الشياكة


ياجماعة العربية دى بتاعة كلو اى حاجة ممكن تعملها ptmnlo123per1 12

[daliaali2003]

بصراحة ربنا
اللى عايز السيارة اللى بتتحمل كل شئ .... سفر ..... مطبات ..... صدمات .....
هى اللادا 2017
كانت معاى لادا 2017 بصراحة ربنا ماشلتش منها هم ابدا كانت مطيعة ومكنتش بصرف عليها غير انى احط بنزين وكل فترة اشوف الميه بتاعة الراديتير والزيت ...... سنتين على هذا الحال ..... مطبات .... سفر.... ما حسيتش ف يوم منها بتعب .... الله يذكرها بخير ... بس الشئ الوحيد اللى كان تاعبنى الدركسيون تقيل شوية .... ودا سبب انى بعتها.....
ولقيت عربية موديل شكلها شيك جدا وباور ... ومش حقول على اسمها علشان ماحدش يقول انى متحامله على العربية دى .... المهم بعت اللادا واشتريت العربية الشياكة دى
ومن ساعتها ...... مصاريف ..... مصاريف ...... سواء ف البنزين ... سواء ف قطع الغيار ... سواء ف اجرة الميكانيكية ...... سواء ف كثرة الاعطال المعقدة .....ptmnlo123per111. طبعا ندمت كتير على انى بعت اقوى وافضل سيارة ركبتها ف حياتى واشتريت المظاهر ...... وحاليا بعد ما عرفت انه ممكن يتركبلها باور .... بفكر ابيع اللى معاى واشترى لادا واركبلها باور وتكييف وارجع اريح دماغى من العناء الاسبوعى المتكرر ......
وفيه مثل ف مصر عندنا يقول "اللى ما يرضاش بالكف ياخد بالشومة "
ptmnlo123per1106

[luckyman]

انا حصل ليا موقف سخيف جدا معاها كنت شارى عربية جديدة لانوس وخايف عليها احسن حد يحك الاكصدامات وانا نازل بعد ما ركنت العربية لقيت سيدة محترمة داخل لادا بيضا عايزة تركن امامى طبعا عملت اكتر من محاوله وانا واقف زى السايس بديها اشارات ورا قدام الخ لانى بصراحة خايف على عربيتى المهم الست اتبرجت غير الدركسيون كان مبهدل الدنيا معاها المهم بكل ذوق سالتنى ان كنت ممكن اركنها وعلى الفور استلمت مقعد وعجله القيادة وياريتنى ما استلمتها كان موقف محرج جدا لية لانى طول عمرى بسوق باور يعنى بصبع ايدى الصغير بركن المهم كان موقف محرج اول مرة اسوق عربية لادا واعرف ان الدركسيون كدة اول ما لسة جاى المسة فجئت بالطامة الكبرى وفعلا حقيقى بقيت مش عارف احركة ولما حاولت حسيت انى بلعب حديد او ضغط وبصراحة اتكسفت ووشى احمر وعرقت وحسيت انى جالى شد قلبى وازمة قلبية من تقل الدركسيون بصراحة تغور العربية بالطريقة دى لان العربية اتخلقت علشان تريح الانسان مش تجهدة اعتقد ان سواقة الدبابة اسهل الله يكون فى عون اصحاب اللادا واللى راكبين اللادا كفاية صوت قفله الباب حديد كان مفيش كوتش ولاه لو قاعد فى بيت دور اول او تانى وحد شغل لادا تحت البيت بيسخن الصبح تحس برجة وصوت خلخله كان البيت بيتحرك انا بحب شويا اللادا نيفا واللاداء بتاعة زمان ام اربع عيون على كل الاحوال هى محبوبة جدا فى اسكندرية
اسف على الاطاله ودمتم بود كن يقظا .... تصل سالما ان شاء الله تعالى

[waelfarid]

انسب عربية لشوارع مصر وسلوكيات الناس يعني بتستحمل قعدة الشباب عليها علي الناصية باليل او بالنهار كانها دكة مرمية في الشارع بس طبعا بتحتاج مراعية لعفشتها الامامية وتعود واحسن من الجيمنازيوم تربي عضلات صحيح ويتعملك الف حساب وانت ماشي وسط العربيات الورق التانية عيبها الدبرياج محتاج عضلات والدريكسيون تقيل بس احسن من بهدلة المواصلات نعمة من عند ربنا ربنا يبارك للجميع

[hoba_m]

جديد ولسه بتعلم اسوق اللادا 2107 مو2006 وخت العيلة معايا وخدت مطبين حلوين بس عشان جديد فى السواقة ومعرفش حصل ايه ومش فاهم الحكة الجامدة تحت عملت ايه فى العربية ومش فاهم والحمد لله اى مش فاهم اغير زيت امتى فين اصلا النقصات والعفشة والبيض