ما هو اسوأ مرور ممكن تتعامل معاه فى مصر؟

[M.TONSY]

مرور فيصل زفت على قطران
وكان زمان مرور الدقى (بين السرايات) بس نظف والحمد لله

[Moh.Osama]

صراحة والشهادة لله مرور فيصل اتغير هو اه لسه في ناس من بتوع اخلصلك بس لو عملت حاجتك بنفسك مش هتتعب عادى يعنى شغل الحكومة الروتينى يعنى انا اتعملت معاهم قبل الثورة وبعد الثورة لا فى فرق يعنى انا جددت فى شهر 5 اللى فات خلصت فى حوالى ساعتين لا وكنت رايح متاخر مش بدرى يعنى كونت هناك على 11 ولحقت الخزنة قبل ما تقفل وخلصت بقيت الحاجات ده كمان فى نفس اليوم كنت عايز اطلع شهادة مخالفات قالولى تاخد ورقة من هنا وتروح مرور الجيزة علشان النيابة اللى هنا اتحرقت وتجبها من هناك وروحت والحمد الله طلع معالش مخالفات وخدوا 5 جنية تمن الاستعلام ورجعت تانى وخلصت الاجرات وخدت الرخصة وروحت
وتوته توته خلصت الحدوتة ههههههههههههه

[M.TONSY]

يا مسهل اهو فى بارقة أمل للتغير للاحسن

[طارق عبد السلام]

مرور السلام أعوذبالله من شياطين الانس
ده كان يوم اسود يوم ماأشتريت عربيه مرور القاهره
ومرور المحله طلب منى شهاده بيانات غتاته كده لانى كنت بايع العربيه
لواحد غاوى شكاوى وكان شاكى ضابط مرور لمدير الامن
والضابط لما شاف اللافندى معايا كأنه لقى لقيهلأ وانا عامل فيه بتاع ومش راضى أكلم ضابط هناك علشان يخلص لى المسائل
والضابط المشكو فى حقه صمم أجيب شهاده بيانات ورحت مرور السلام
ايه كميه النصب والبلطجه دى
وموظفين كارهين حياتهم 3 ايام من المحله للقاهره يوميا
السلام قال السلام قال
كرهت العربيات واللى عايزين العربيات

[Eng/salwa]

المشاركة الأصلية كتبت بواسطة tarek/ مرور السلام أعوذبالله من شياطين الانس ده كان يوم اسود يوم ماأشتريت عربيه مرور القاهره ومرور المحله طلب منى شهاده بيانات غتاته كده لانى كنت بايع العربيه لواحد غاوى شكاوى وكان شاكى ضابط مرور لمدير الامن والضابط لما شاف اللافندى معايا كأنه لقى لقيهلأ وانا عامل فيه بتاع ومش راضى أكلم ضابط هناك علشان يخلص لى المسائل والضابط المشكو فى حقه صمم أجيب شهاده بيانات ورحت مرور السلام ايه كميه النصب والبلطجه دى وموظفين كارهين حياتهم 3 ايام من المحله للقاهره يوميا السلام قال السلام قال كرهت العربيات واللى عايزين العربيات

فعلا عندك حق يا أ/طارق يوم التعامل مع السلام مش سلام خالص