لو عايز اعدل الـ 128 ذى دى تكلفنى كام ؟

[mohamed ellithy]

[IMG]file:///C:/Users/User/AppData/Local/Temp/moz-screenshot.png[/IMG][IMG]file:///C:/Users/User/AppData/Local/Temp/moz-screenshot-1.png[/IMG]الصوره الاخيره انا ملاحظ ان الباب بدون قفل
طيب بيقفل ازاى ده ؟

[new.man]

شوف حضرتك ال 128 مش عايزه غير 4 حاجات بالظبط علشان تبقي عربيه مميزه فعلا و شبابي

اولا هتجيب جنوط 13 سبور شكلها محترم و عندك احسن شكلين هما النجمه و النوع الاخر اللي هو 18 ريشه ده جامد جدا عليها م طبعا توطي العربيه من قدام و الخلف

ثانيا هتديها رشه نضافه من بره لمعه او مطفيه حسب متحب و تشوف الصور و ده هيدي العربيه رونق جامد جدا

ثالثا تدي العربيه كام استيكر جانبي علي الكبوت علي الابواب حسب متحب بس مش كتير علشان المرور ميرخمش

رابعا تدي العربيه فرش من جوه نضيف برضوا يكون منظره شبابي

طبعا تكاليف الحاجات دي

1000 جنوط بالكتير و 800 جنيه مثلا رشه نضيفه و 100 جنيه استيكرات مثلا و فرش داخلي كامل هيعمل 300 جنيه مثلا بأجره السروجي

يعني التكلفه الكليه 2200 و هتلاقي العربيه حاجه تانيه

[joou]

والله شديده ربنا يباركله

[sad-bird]

المشاركة الأصلية كتبت بواسطة hossamhussein0 لو كنت ضابط ،،، التكلفة هتفرق كثييييير بس عموما لو كنت من الغلابه زي حالاتنا كده ،، اعتقد هتبقي في حدود 10000 ج شد صاج و بويه و تقوية شاسيه 2000 جنوط و كاوتش 2500 تابلوه كورسا 1000 موتور (انا مش عارف الموتور ده سعره كام بس انا هفترض انه موتور لانشيا او ريجاتا 1500 سي سي 2500 سروجي 1000 فوانيس و اسبويلر و فتحة سقف 600 نثريات و مصنعيات 400

كلامك كده تمام لو هيسقط ماتور ريجاتا او لانشيا هيجي الماتور لوحدة في حدود 2500 او 3000 والماتور بالفتيس في حدود 4000 لكن ده ماتور تربو يعني سعره هيعدي 5000 مرتاح لوحده اعتقد معدي 160 حصان

لكن فيه مشكلة هو بيقول العربية عاملة 8500 يعني دي كده داخله في موديل 75 او 76 هل الشاسية هيتحمل جر الماتور ده لو ركب عليها اذا كان فيه ناس بتقول غلط يركب عليها ماتور الريجاتا 85 حصان يبقى هتتحمل ماتور التربو ال 160 حصان واللي بيفكر يسقط ماتور رجاتا علشان يركب عليها تكييف وفرق الاحصنة هيسحبه لاتكييف ومش هيأثر قوي عليها لكن المصيبة 160 حصان ده

بالنسبة للكراسي اللي قدام ريكارو هتضيف تمنها على السروجي ودول لوحدهم الاصلي بيعلم 800 تقريبا يعني كده السروجي يوصل 1500 مرتاح

بما ان الماتور اللي هيتسقط هيبقى اقوي يبقى لازم العفشة كمان تتحمل الماتور يبقى هيحتاج عمل عفشة نضيفة شوية ومساعدين نضاف وطبعا فرامل اقوي علشان تقدر توقف القوة اللي بتجرها

وباقي اخر حاجة التكييف لو تحب تركب تكييف وده تكلفته تقريبا 3000
يبقى بعد الاضافات وبدون الماتور التربو هتبقى عاوز حوالي 15 ألف علشان تبقى عربية فيها كل اللي تحتاجه

[sad-bird]

المشاركة الأصلية كتبت بواسطة mohamed ellithy [IMG] الصوره الاخيره انا ملاحظ ان الباب بدون قفل طيب بيقفل ازاى ده ؟

الباب الخلفي والباب الأمامي يمين بيتفتح من جوه
اما باب السواق بيتفح مع الريموت فيه قطع بتركب على القفل مع الريموت والباب نفسه بيقفل على سوستة صغيرة بحيث مجرد ما تدوس على الريموت والقفل يفتح تروح السوسته ناطرة الباب حاجة بسيطة تفتحه باديك بعد كده

لكن بتتعمل فين وعند مين
الله اعلم
انا كنت شوفتها قبل كده في برنامج تعديل سيارات