BMW 318i // 2001,ولا اوكتافيا A5 // 2007

[Stolzer Aegypter]

المشاركة الأصلية كتبت بواسطة AboNoRa لو حالتها انت ضامنها فعلاً تبقى افضل طبعاً من الاوكتافيا بس خد بالك برضو ان (124 الف كم ) ديه عايزة مصاريف عاجلة واجله برضو علشان تحافظ عليها وتأنيها بجد لان ان فيه حاجات بتجيب عمرها الافتراضى بعد المية ( سيور وفلاتر وجونات واويلسيلات ومكونات عفشه وكاوتش وخلافة ) واكاد اجزم ان فى خلال سنتين هتحتاج تصرف عليها من 5 الى 15 الف صيانات بس + بالسعر اللى انت هتشترى بيه ده = لو حبيت تبعيها بعد السنتين دول هتخسر فيها فيا تاخدها منه من غير مصروف خالص وده بعد الكشف عند ميكانيكى متخصص او مركز خدمة او حتى التوكيل يا تنزل فى سعرها شوية يا متفكرش تبيعها قريب ( اقل من سنتين ) علشان هتخسر فيها وربنا ما يجيب خسارة لحد

كلام حضرتك مظبوط .. مافيش عربيه مستعمله حتى لو كانت كسر الزيرو مش محتاجه مصاريف حتى بعد فتره.. القصه ان صاحبى مكنش ناوى يبيع اساسا انا اللى طلعت فى دماغه الفكره بتاعت البيع دى هوه كان بيفكر معايا بصوت عالى ان العربيه بتاعته مش نقصاها اى حاجه غير فاتحت السقف انا قولتله ايه المشكله اخد انا منك دى وانت تجيب الهاى لاين بتاعتها مودليات بعد 2002 واكيد هتلافى حاله كويسه برضه فعجبته الفكره خصوصا انه معاه عربيه تانيه بتاعت الجماعه ممكن يقضى بيها لحد مايوقع قدامه حاجه نضيفه.. الخلاصه هوه كان اتكلم فى 110000 الف بس انا طبعا هحاول اكسر معاه شويه بقى بحكم الصداقه والعشره.
انا لوخلصت فى العربيه دى طبعا مش هافكر فى البيع قبل 3 او 4 سنين وربنا مايجش خساره للجميع ان شاء الله

[semmsem]

بالتوفيق يا باشا
بس من الواضح ان حضرتك مقتنع تماما بالـ bmw
وانا مقتنع زيك برضه توكل على الله

[Stolzer Aegypter]

المشاركة الأصلية كتبت بواسطة semmsem بالتوفيق يا باشا بس من الواضح ان حضرتك مقتنع تماما بالـ bmw وانا مقتنع زيك برضه توكل على الله

على المشاركه... انا كنت مقتنع بنسبة 70% دلوقتى الاقتناع زاد بقى 95% بدليل انى لما عملت الموضوع كتبته فى منتدى البى ام دابليو مش منتدى السكودا.
ربنا يجيب اللى فيه الخير ان شاء الله... تحياتى

[Elsebily]

أنا ارشحلك البي ام طبعا ومعتقدش اني موضوع المصاريف ده هيبقي مشكله ثم انت زي ما بتقول اني صاحبك محافظ عربيته فأكيد عاملها صيانة المية ألف ده غير طبعا اني احساس البي ام حاجه تانيه مع العلم اني مش من مشجعين ركوب عربيات قديمه بمبالغ كبيره بس مع البي ام بغير رأيي لاني سوقتها مره وكان احساس تاني لكن لازم تحط في بالك انك هتصرف جامد في قطع الغيار فيما بعد وان شاء الله مادام انت مقتنع بيها كده يبقي مش هتحس بانك مضايق معاها

بالتوفيق