#1
|
|||
|
|||
موضوع جديد خالص بس محتاج متخصصين وفنانين
منقول للامانة وعايزين لو حد يعرف يقول
كتير مننا سأل نفسه السؤال ده ليه انا عربيتي بعد ما عملتلها عمرة او جبت موتور استيراد مش بتجيب مثلا 150 او 180 زي ساعة لما كانت نازلة او عربية زي ال132 المفروض تجيب 180 عادي ما بتجبش واعمل كل التظبيطات و مش هترجع زي ما كانت والرد الوحيد الي هتلاقيه دي عربيات عجوزة وبتاع وكلام كدا طيب ما فكرتش ازاي كاننت العربيات دي بتجمع السرعة دي ازاي وماكنتش بتواجه مشاكل المشاكل الي هتواجه اي حد هيقدر يخلي عربيته تجيب سرعة زي دي يقفل عداد يعني هتبقي ف ف الصاج لان بلدنا فيها تفكير عقيم انك ما ترشش دواخل لاكن الصح انها لو اترشت كلها واتعزلت عمرها ما هتطلها الباروما وكنت هتحس انها جديدة نرجع لموضوعنا الموتور ليه مش بيديك قوته الكاملة الموضوع يكمن في جزئين 1- الكاربراتير وده حكايته حكاية من ساعة ما العربية اتصنعت وهو تعبان ويتفك ويتصلح والحل مش ف الاستيراد الحل ف الجديد وطبعا بتحس بفرق وبيكون الجواب انه بيبوظ بسرعة ومش اصلي وما تسمعش كلام حد هات جديد بس يكون نوع كويس والعمة والفلتر بتاع الهوا مهمين جدا لو العمة مش موجودة او الفلتر مترب وما بتنضفهوش يبقي ظبط الحجات دي ---------------------------- 2- ودا بقي الجديد الي ما فيش كتير يعرف عنه حاجة وانا سمعت عنه بالصدفة و اتاكدت منه ومن فايدته دا جزء موجود في جنب الاسبراتير ومش متوصل عندنا دا كان متوصل بخرطوم بالعمه وفايدته انه لما الموتور بيعدي مثل المية بيسحب هوا جامد ف الجزء دا بيستشعر كدا ويقوم مقدم كهربة الاسبراتير ويخلي كفائة الحريق اعلي علشان سرعة دوران الموتور العالية ولما تهدي في سوسته بترجع كل حاجة لوضعها زي ما كانت وقبل ما توصلها لازم تتاكد ان الجزء ده سليم وكمان ليه ظبطه وانا ما اعرفش ازاي يا رب حد يكون يعرف معلش طولت عليكم بس الموضوع لازم يتشرح كدا ياريت حد يرد |
#2
|
||||
|
||||
رد: موضوع جديد خالص بس محتاج متخصصين وفنانين
حد يشرحلنا اكتر عن الموضوع ده ياجماعة !؟
__________________
إللي حابب يعمل سياحة داخلية أو خارجية يشرفنى أني أخدمهُ
ده الاكاونت بتاعي ع الفيس بوك إضـغـط هِـنـا تقدروا تتواصلوا معايا عن طريق وآتس آب أو فايبر أو SMS من خلال الرقم ده ( 00201111808480 ) سُبحان الله و بحمدهُ سُبحان الله العظيمّ |
#3
|
|||
|
|||
رد: موضوع جديد خالص بس محتاج متخصصين وفنانين
الجزء الأول :أنا معاك إن إصلاح الكربراتير مبيرجعوش زى الأول لأن أغلب صنايعية الكبراتير بيفتوا و شغالين بالبركه و مقاسات الأكس و الباب بالنظر (أيام ما كان فيه نظر). و الحل الجديد ده برضه مكلف جداً, يعنى عندنا فى اللادا الكربراتير الأصلى بتاعها روسى بـ 1200 ج, طبعاً
بالنسبة للوصلة الثانية دى, الميكانيكى عندى لما جبت العربيه طبعاً مكنتش أعرفها و كانت ملغيه, قالى إشتريها و ركبهالى و شرحلى موضوعها إيه. فيه خرطوم رفيع إسمه الأبانص الخرطوم ده واصل من الإسبراتير للكربراتير (مخرج للهوا فى الكرباتير بالقرب من مسمار ضبط الهوا) الخرطوم ده وظيفته لما ضغط خروج الهوا يزيد بيقدم صينية الإسبراتير لواحده (بيضغط على سوسته جواه ) و طبعاً وظيفته بتظهر على السرعات العاليه فقط. بس عاوز أقول إن العربيات القديمة مبتقفلش العداد لأن العربيه فعلاً بقت عجوزة بدليل القائمة التى لا تنتهى من الإصلاحات و قطع الغيار. يعنى حالة المكنه و العفشة و آلات الجر و .... أكيد إختلف مع الزمن, و كتر مليون خير العربيات دى إنها لسه شغاله أصلاً. فى أى بلد تانية كان زمانهم ماتوا و إتدفنوا من زمان.
__________________
|
#4
|
|||
|
|||
رد: موضوع جديد خالص بس محتاج متخصصين وفنانين
الله ينور عليكم يا جماعة
وياريت صورة اوضح او صورة على الطبيعة لطريقة توصيله |
|
|