رجة ملحوظة في يارس 2007

[dr_eslam_66]

ألف شكر لكل عضو قري الموضوع وشارك ورد أو ماردش أنا كل قصدي إننا تبقى فيه بينا تجاربوخبرات نتبادلها مع بعض علشان بحس إني مصر موتورز زي قهوة وكل الي فيها إصحاب.
ممكن حد يفيدنا بس لأني شاكك في حاجة؟
هوا لما يكون البوجيه مش بيطلع شرارة هل محتاج أغير كل الي هوا بيتكلم فيه دا؟
إزاي ياعني عرف إني كل دول فيهم مشكلة ممكن يكون العيب من الفيشة بس أو البوجيه بس أو السلك بس بس أنا مش عارف هوا كان بيستسهل ولا دا كان ضروري يتغير؟؟؟؟
وهل كان هيبقى فيه ضرر من إني أمشي على العربية فترة كدة بنص ماتور؟؟؟

[mr_astra]

معرفش هل اليارس سلك البوجية غير فيشة البوجية ولا لا؟
المفروض سلك البوجية من البوبينة الى البوجية على طول ...ما فيش وسيط فى النص
واكيد لو فى بوجية بيحرق ضعيف بياثر على العربية كليا وكمان ممكن يفصل خالص والعربية تشتغل على 3 بس
لكن كان مفروض حضرتك تغير طقم بوجيهات كامل وطقم سلك بوجيهات
على فكرة يا دكتور
انا لما حد بيسال عن عيب لازم اشوف شخصية صاحب المشكلة وابدا افكر فى الاجابة
ولما لقيت حضرتك اللى بتسال كان مفروض اول الحلول نقول بوجيهات وفلاتر لكن حضرتك عضو بارز واخ كريم فى المنتدى فقلت اكيد انت مشيك على الحاجات دى لانها اول الخيط
مبروك التصليح بس اعرفلنا عندك فية وسيط بين البوجية والسلك ولا حاجة واحدة
لو صورتهم حتى ممكن نعرف

[dr_eslam_66]

أولا ياباشا دي شهادة اعتز بيها والله، دا انا الي ليا الشرف اني عضو مع حضرتك وناس كتير قوي في مصر موتورز.
اخب اوضح حاجة بس انا عضويتي هنا قديمة آه ولاكن لسوؤ حظي بقي اني خبرتي في الميكانيكا اقل من ناس كتير قوي هنا وعايز اقولك هل حاجة اني كل المشاكل الي قابلتني كان حضرتك واخواتنا هنا في مصر موترز هما اول ناس بسألهم ويمكن اي معلومة ليا عن اي عطلاو مشكلة ازاي بتتحل كان اغلبها هنا من المنتدي الجميل دا.
انا من اول عربية ركبتها كانت زيرو والحمد لله ماكنتش بعاني كتير انا حتي افتكر من ايام الشاهين كانت زيرو برضو وانا من النوع الي ماليقاوحش كتير ياعني لو العربية بدئت تعملها معايا اول حاجة بفكر فيها البيع.
بالنسبة لموضوع البوجيهات هصور الموضوع كله بس محتاج شوية وقت بس افك فيه وش الماتور البلاستك وكمان فاتورة قطع الغيار هتوضح كل حاجة.
احب اشكر حضرتك جدا جدا جدا علي اهتمامك دايما.

[ahmed_eng2001]

شكرا يا جماعة على الافادة

[mr_astra]

المشاركة الأصلية كتبت بواسطة dr_eslam_66 أولا ياباشا دي شهادة اعتز بيها والله، دا انا الي ليا الشرف اني عضو مع حضرتك وناس كتير قوي في مصر موتورز. اخب اوضح حاجة بس انا عضويتي هنا قديمة آه ولاكن لسوؤ حظي بقي اني خبرتي في الميكانيكا اقل من ناس كتير قوي هنا وعايز اقولك هل حاجة اني كل المشاكل الي قابلتني كان حضرتك واخواتنا هنا في مصر موترز هما اول ناس بسألهم ويمكن اي معلومة ليا عن اي عطلاو مشكلة ازاي بتتحل كان اغلبها هنا من المنتدي الجميل دا. انا من اول عربية ركبتها كانت زيرو والحمد لله ماكنتش بعاني كتير انا حتي افتكر من ايام الشاهين كانت زيرو برضو وانا من النوع الي ماليقاوحش كتير ياعني لو العربية بدئت تعملها معايا اول حاجة بفكر فيها البيع. بالنسبة لموضوع البوجيهات هصور الموضوع كله بس محتاج شوية وقت بس افك فيه وش الماتور البلاستك وكمان فاتورة قطع الغيار هتوضح كل حاجة. احب اشكر حضرتك جدا جدا جدا علي اهتمامك دايما.

اشكرك جدا جدا على كلامك الرقيق واللى بيدل على شخصية مهذبة وانا لى الشرف التواصل مع حضرتك
بس انا مش قصدى تفك الوش البلاستيك عشان تصور فيشة السلك وانما من القدام اللى الميكانيكى جبهملك وقالك دول القدام
ما تتعبش نفسك فى وقت يبقى كتر خيرك ما فيش وقت يبقى اللى يكون فى عونك
دمت بود