نوبيرا 2001 استهلاك زياده في البنزين

[svneleven]

هي التانك بتاعها 60 لتر؟

[محمد العقابي]

شكرا لكل الردود
التانك 60 لتر اه
يا استاذ احمد انا مش فاهم ايه هو الكانستر هل هو دوة الحساس المكسور ولا الكانستر دوة بيتوصل بالحساس المكسور طيب الحساس دوة عاوز اعرف اسمه ايه علشان اروح ادور عليه واشتريه واركبه انا اصلا مش عارف اروح اسال عليه يا ريت شرح . هو حساس تحت المانيفولد وتبيتوصل بيه خرطومين .

[احمد على 1999]

الصراحة موضوع الكانيستر دا غريب عن السوق و الصنايعية و المهندسين كمان
ححاول الخص اللى انا فاهمه على قد فهمى
طبيعى ان تنك البنزين يكون ابخرة بنزين فوق البنزين السائل لعدة اسباب

1. اثناء التفويل نتيجة للتقليب
2. نتيجة لتسخين الشمس للتانك
3. نتيجة لتسخين الشاكمان و صهد الطريق للتنك
4. مشى العربية نفسها و التقليب المستمر

زمان كان غطا التانك ينفث البخار للهوا الخارجى
فى العربيات الجديدة فى نظام لحماية البيئة من الابخرة ديى
اللى اسمه EVAP emission control system

ببساطة علبة فحم ملاصقة للتانك متوصل بيها خرطوم تنفيث من التانك و طالع منها خرطوم رايح للثروتل بدى عشان يتحرق
الابخرة تطلع من التانك تدخل العلبة تتحوش ( الفحم يمتصها ) و بعد وقت مشى معين صمام يفتح و يسمح للابخرة تتسحب للماتور

و للتحكم فى الموضوع دا بيبقى فى صمام كهرباء ( سولونويد ) بياخد اشارة تشغيل من كنترول الماتور ال ECM و الصمام دا بيسموه CANISTER PURGE VALVE

فى عربيات بس متهيأليش الدايو منهم بيبقى فى حساس ضغط للتانك FTP

الدايو ال ECM بتاعته اللى هى الكنترول بتاع الماتور بيحسب لو العربية مشيت شوية يقوم يخلى الصمام يفتح و يقفل على شكل نبضات سريعة فى الثانية محسوبة بناءا على عوامل زيى بيان حساس كمية الهوا الداخل للمانيفولد و درجة حرارته و كمية البنزين


انا مش متأكد من النوبيرا بالظبط بس حسب قراءة السكان توول فهل كانت قارية كلمة كانستر بس ؟
و لا كانستر بيرج فالف ؟

[m.dardir]

المشاركة الأصلية كتبت بواسطة احمد على 1999 الصراحة موضوع الكانيستر دا غريب عن السوق و الصنايعية و المهندسين كمان ححاول الخص اللى انا فاهمه على قد فهمى طبيعى ان تنك البنزين يكون ابخرة بنزين فوق البنزين السائل لعدة اسباب اثناء التفويل نتيجة للتقليب نتيجة لتسخين الشمس للتانك نتيجة لتسخين الشاكمان و صهد الطريق للتنك مشى العربية نفسها و التقليب المستمر زمان كان غطا التانك ينفث البخار للهوا الخارجى فى العربيات الجديدة فى نظام لحماية البيئة من الابخرة ديى اللى اسمه EVAP emission control system ببساطة علبة فحم ملاصقة للتانك متوصل بيها خرطوم تنفيث من التانك و طالع منها خرطوم رايح للثروتل بدى عشان يتحرق الابخرة تطلع من التانك تدخل العلبة تتحوش ( الفحم يمتصها ) و بعد وقت مشى معين صمام يفتح و يسمح للابخرة تتسحب للماتور و للتحكم فى الموضوع دا بيبقى فى صمام كهرباء ( سولونويد ) بياخد اشارة تشغيل من كنترول الماتور ال ECM و الصمام دا بيسموه CANISTER PURGE VALVE فى عربيات بس متهيأليش الدايو منهم بيبقى فى حساس ضغط للتانك FTP الدايو ال ECM بتاعته اللى هى الكنترول بتاع الماتور بيحسب لو العربية مشيت شوية يقوم يخلى الصمام يفتح و يقفل على شكل نبضات سريعة فى الثانية محسوبة بناءا على عوامل زيى بيان حساس كمية الهوا الداخل للمانيفولد و درجة حرارته و كمية البنزين انا مش متأكد من النوبيرا بالظبط بس حسب قراءة السكان توول فهل كانت قارية كلمة كانستر بس ؟ و لا كانستر بيرج فالف ؟

يا باشا تسلم والله على الرد اللى زى العسل ده أنا من مدة كبيرة وأنا نفسى أعرف إيه عمل العلبة دى رغم إنى غيرت التنك قبل كده ووصلتها زى ما هى بس من غير ما أعرف إيه فايدتها ولا أى حد من الصنايعية اللى حواليه عرف إيه هى دى

[محمد العقابي]

مش عارف والله يا استاذ احمد الواحد يقوللك ايه علي تعبك دوة ..
انا مش عارف بصراحه القرايه كانت قاريه ايه بس انا تقريبا الصمام دوة ملغي عندي لانه في مكان فيشه متشال ومش لاقيلها حاجه بتاعتها .... ومن بحثي علي النت تقريبا دوة اللي حضرتك قصدك عليه ودوة فعلا مش موجود عندي . ممكن يكون حد كان لاغيه .


daewoo nubira pcv valve

وتقريبا مكان الفيشه اللي عندي مناسب ليه ..

وانا كده عندي 2 صمام ملغيين واحد بتاع ال egr ومتوصل دايركت علي المانوفيلد من تحت ناحية فلتر الهواء والوصله التانيه خرطوم تخين كده تقريبا هو بتاع الكانستر برده متوصل دايركت مش علي صمام جمب خرطوم ال egr ...