العودة   مصر موتورز مجتمع السيارات > السيارات الأوروبية > بيجو PEUGEOT

بيجو PEUGEOT بيجو PEUGEOT الفرنسية انشأت فى عام 1880 وهى من اقدم السيارات استخداما فى مصر وتمتلك حاليا شركة ستروين الفرنسية ايضا من اهم موديلاتها بيجو 307 و 307SW و 407 و 607


إضافة رد
 
أدوات الموضوع
  #1  
قديم 14-10-2010, 06:22 PM
عماد زيدان عماد زيدان غير متواجد حالياً
 
تاريخ التسجيل: Jul 2010
المشاركات: 11
عماد زيدان will become famous soon enoughعماد زيدان will become famous soon enough
افتراضي تصحيح وجه نظر الناس فى بيجو 305

الناس بتقول على العربية دى وحشه اللى عارف واللى ما يعرفش حسيت انها مظلومة .

عرفت ان العربية دى كبالن مش كرونة وهى من اول العربيات اللى فيها كبالن ونزلت مع ال
504 فكان الضوء كله على 504 مع ا305 شكلها يضرب 504 بالجزمة فطلعت عليها سمعة وحشه
علشان مش اى ميكانيكى يفهم فيها والغريب ان سعرها ما بين 10و15 .

جمعت الاراء دى من منتديات ومواقع كتيير.

كان عندي 128 موديل 1987 وفجأه قررت اغامر وابيعها واشتري بيجو 305 علي عكس نصائح اصدقائي ومعارفي..وها هو يمر 6 اشهر وما شاء الله حسيت اني ما كنتش راكب عربيه!! وجدت 305 عربيه فائقه النعومه علي الطريق وموتورها هادئ هدوء الدايو والهيونداي الجديده..وسرعه صاروخيه وثبات علي الطريق ما حصلش.. استهلاك بنزين معتدل جدا ورغم ان موتورها 1300 او 1500 سيسي الا ان استهلاكها للبنزين يعادل ال 128 ام 1100 سي سي ..اول الاكاذيب التي قيلت عن 305 : 1
-ان قطع غيارها مش موجوده..والحقيقه انها موجوده و مرطرطه في حتت كثير
2-ان قطع غيارها نار نار بشكل مبالغ فيه..والواقع ان اسعار قطع غيارها صحيح اغلي بعض الشيئ عن ال 128 ولكن ليس بهذا الشكل التعجيزي..
فمثلا ترس المارش 128 ب 40 جنيه وبتاع 305 ب 60 جنيه..المارش كله بتاع 128 ب 180 جنيه وبتاع 305 ب 230 جنيه..يعني مش هو الفرق الكبير اللي يخلي الواحد يستلف او يموت من الجوع..وهناك نقطه هامه ان قطع غيار ال 305 معظمها اصلي وبيعمر..(حط 100 خط تحت كلمه يعمر) اما قطع غيار 128 فهي مضروبه وبتتعمل في بير السلم في ايطاليا عشان كده مش بتعيش..من الاخر نصيحه اخويه..البيجو 305 سرعها يتراوح من 10لف الي 15الف حسب حالتها..وهتركب عربيه تكيفك وفيها ريحه الجديد..اما ال128 احسن موديلاتها من 1989 الي 1992 الجراند لوكس تلاقي صاحبها بيتعوج عليك ويقولك 26 و27 الف وهي لا تساوي 27 قرش..ال128 اللي سماها عربيه ظلمها.. مهما كانت حالتها حلوه وموديلها عالي تلاقي الاتي: تقفيل زباله (خصوصا المصري) --قياده خشنه-- صاج ضعيف تسرح فيه البارومه مثل نهش الدود في بطن العمود( علي رأي فيلم الكيف)--صالون ضيق--عفشه مزعجه مع المطبات ومهما صرفت عمر ما الصوت المزعج يروح--قطع غيار غير معمره (والله سعرها ابتدي يغلي ومعادش رخيص زي ما الناس فاكره)--الموتور صوته عالي( حتي لو حالته كويسه) ولو زودت السرعه عن 100 تلاقي العربيه ترج..اخي العزيز لا تردد..بيجو 305 تضرب 128 بالجزمه

راى تانى

فأنا أمتلك 305 من حوالي 6 سنوات و أمتلكت من قبل كذا 128 أحدثهم كانت موديل 1989 بينما ال 305 موديل 1979
و الحق أن المقارنة ظالمة بين الأثنين لصالح ال305 طبعا في النعومة و الثبات و استهلاك البنزين الذي يضعها في مصاف السيارات اليابانية الحديثة وكذلك العفشة التي هي الميزة الأساسية في عموم سيارات البيجو مع بساطة تكوينها و المساعدين القابلة للملو كلما ضعفت و يحدث هذا كل 3 سنوات و يكلف حوالي 70 جنيه.
و لكن هي قطع غيارها غالية شوية بس معمرة جدا و أحيانا بعض الحاجات بتلاقيها بصعوبة و لكن في المجمل العام هي أدائها أحسن من عائلة الفيات المعاصرة لها في السبعينات و الثمانينيات خاصة في النعومة و استهلاك البنزين و طول عمر المحرك.
هذه السيارة ظلمت من أول ما جت مصر في أواخر السبعينات نتيجة أنها من أوائل السيارات البيجو التي جرها أمامي و طبعا كان العرش كله تحت شقيقتها الكبرى الرائعة 504 ذات الجر الخلفي, فظهرت اشاعة ان ال305 عربية وحشة و ظلت هذه السمعة ملازمة لها حتى وقتنا هذا ولذلك ممكن تلاقيها أرخص من ال128 مع أنها تفوقها بمراحل كثيرة جدا جدا جدا بل تفوق ال 131 و ال132 و الشاهين بدون مبالغة و الحق أقول أنها سيارة متميزة و ناعمة و أنا أذهب بها يوميا من حلوان الى المنيل و العكس و عمرها ما قلت بأصلها حتى أثناء أن كان موتورها تعبان

راى تانى
جربت ال 128 أيام الجامعه
ومعايا دلوقتى ال 305
لا توجد مقارنه نهائيا بين الإثنين
ال 305 بتديك اللى العربيه الزيرو بتديهولك
كفايه ان ما فيهاش مشاكل فى الزوابا والحمد لله نهائيا
لكن العربيه محتاجه اللى يشترى بعض قطع الغيار الغاليه لكن الحاجات دى معمره كثيييييييييييييييير عن ال 128 وبالحساب تكون ارخص
ال 305 بالنسبه للاداء والراحه ونظافه الصناعه تعتبر احسن من اللادا والشاهين اللى على الزيرو

مكنتش عارف اصدق ولا لا قلت اسال خبير فى اوتو موتو اللى بيقرا الشريط ممكن يكون شافه

قلولى العربية ناعمة استهلاك بنزين قليل عائلية تستحمل السفر عالية عن الارض وعيوبها قطع الغيار غالية بعض الشئ و بطيئة فى التداول

ودى صور من العربية

















مستنى رايكم
رد مع اقتباس
  #2  
قديم 20-10-2010, 03:54 PM
عماد زيدان عماد زيدان غير متواجد حالياً
 
تاريخ التسجيل: Jul 2010
المشاركات: 11
عماد زيدان will become famous soon enoughعماد زيدان will become famous soon enough
افتراضي رد: تصحيح وجه نظر الناس فى بيجو 305

مقلتوش ايه رايكم
رد مع اقتباس
  #3  
قديم 20-10-2010, 05:03 PM
الصورة الرمزية hossamhussein0
hossamhussein0 hossamhussein0 غير متواجد حالياً
من انا؟: مهووس بالعربيات
التخصص العملى: محاسب
هواياتي: العربيات
 
تاريخ التسجيل: Feb 2010
الموقع: مصر الجديدة - القاهرة
المشاركات: 354
hossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant futurehossamhussein0 has a brilliant future
افتراضي رد: تصحيح وجه نظر الناس فى بيجو 305

عندك حق عربية ممتازة و هي افضل من الفيات القديم مما لا شك فيه
__________________

سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته

الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
رد مع اقتباس
  #4  
قديم 23-10-2010, 11:44 AM
ahmedgm ahmedgm غير متواجد حالياً
 
تاريخ التسجيل: Feb 2010
المشاركات: 15
ahmedgm will become famous soon enough
افتراضي رد: تصحيح وجه نظر الناس فى بيجو 305

سيارة عملية وجميلة عن تجربة
رد مع اقتباس
  #5  
قديم 23-10-2010, 12:24 PM
مهند سالم مهند سالم غير متواجد حالياً
من انا؟: أعشق السيارات من صغري، ولهذا تعلمت القيادة سريعا
التخصص العملى: باحث شرعي ولغوي
هواياتي: طبعا أحب السيارات، جيدا جدا في لعبة الشطرنج، جيد في البنج بونج
 
تاريخ التسجيل: Feb 2010
الموقع: في شبرا
المشاركات: 1,300
مهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond reputeمهند سالم has a reputation beyond repute
افتراضي رد: تصحيح وجه نظر الناس فى بيجو 305

مش دي بس إلا مظلومة، في عربيات كثيرة مظلومة في مصر بسبب سوء الدعاية وغلو قطع الغيار وقلتها.
دائما المصري عايز لما يحتاج قطعة غيار يروح عند البقال يلاقيها، و هو ده إلا بيغلي عربيات كثير تعبانة، ويرخص عربيات كثيرة حلوة.
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:49 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017