|
#6
22-02-2012, 10:09 PM
|
||||
|
||||
رد: كيف يتم تشخيص وعلاج مشاكل الكربوراتير
رجه أو ذبذبه مع التحميل الرجرجه التى تحدث مع التحميل على السياره يمكن أن يكون سببها عيب فى بلف الحمل من داخل الكربوراتير حيث يقوم الكربوراتير بأستخدام هواء التخلخل لسحب بنزين خلال دوائر تحديد كمية البنزين المسحوبه من غرفة العوامه ومع زيادة الحمل على المكنه وضغط السائق على البنزين لفتح بوابة جسم الخانق يحدث هبوط فى كمية التخلخل داخل زور الكربوراتير وهذا قد يؤدى إلى نقص عملية سريان البنزين وسحبه من خلال بلف الحمل مما يؤدى إلى جعل الخليط فقيرا وبالتالى لإضعاف حمل المكنه ولذا فإن بلف القدره له رق على سوسته للإحساس بالحمل حيث يقوم البلف بالفتح فى حالة هبوط هواء التخلخل فى هذه الحاله لعدم حدوث رجه أو تنخيع مع الحمل على المكنه فإذا تلف الرق أو أصبح مكان البلف مسدودا بسبب الرواسب الشمعيه المتواجده بالبنزين فيجب الكشف وعمل اللازم ولو تواجد أطقم إصلاح للكربوراتير خاصتك فستجد من ضمن مكونات الطقم ( بلف قدره ) أيضا كمعلومه فإن الرجه والنخعه مع الحمل قد يكون لها سبب آخر مثل ضعف البوبينا أو شروخ بالبوبينا أو وش الأسبراتير أو بوجيهات سيئه أو كابلات بوجيهات سيئه . رجه على السلانسيه المكنه يمكن أن تتعرض للإرتجاج على السلانسيه لو كانت سرعة السلانسيه منخفضه عن المقنن وغير قادره على أنتاج دورة حريق ثابته ومستقره فحينما يكون خليط الهواء والبنزين يشتمل على نسبه ضئيله جدا من البنزين فهنا يسمى الخليط بالخليط الفقير وقد لا يحدث حريق وعلى التتابع قد تتوقف الماكينه وعملية صيانة الكربوراتير بتفويره لن تحل تلك المشكله إلا بعد التأكد من كفاءة دورة الأشعال وكفاءة كل من طلمبة البنزين وفلتر البنزين وعدم وجود إنسداد فى خطوط البنزين ومع الضبط البسيط لخليط السلانسيه يمكن علاج سلانسيه المكنه لزيادة غنى الخليط لكن لو كانت المكنه تقوم بشفط هواء من أى منطقة تخلخل سواء من مكان تركيب الكاربوراتير على المانيفولد أو من خلال جوان المانيفولد فهنا لن تكون عملية ضبط خليط السلانسيه بالوضع الأمثل لعلاج الرجه على السلانسيه وهنا يجب علاج هروب الهواء للمكنه من الخارج للحصول على وضع سلانسيه جيد قبل أن يتم الضبط الدقيق لسرعة السلانسيه وقد يحتاج الكربوراتير للتفوير لو كان هناك تسريب داخلى للهواء داخل نسيج الكربوراتير ظاهرة الفيضان للبنزين تحدث هذه المشكله أحيانا ونادرا فلو دخلت الملوثات لبلف الأبره المتواجد على مخرج بنزين غرفة العوامه ومنعت الأوساخ البلف من الغلق الكامل فسيحدث طوفان من البنزين داخل زور الكربوراتير ومع تواجد تلك الحاله قد لاتستطيع من إدارة المحرك لإمكانية تلوث البوجيهات وترطيبها بكميه كبيره من البنزين النىء تحذير هاااااااااام يلاحظ أن ظاهرة الفيضان تلك مع تفاقمها يمكن أن تكون خطيره للغايه حيث قد يحدث حريق داخل غرفة المحرك لو طفح البنزين بشده من زور الكربوراتير على أجزاء المحرك الساخنه أيضا قد يتعرض الكربوراتير لفيضان البنزين لو كان مستوى منسوب العوامه عاليا بنسبه كبيره عن الحد المسموح أو لو حدث تلف وثقب للعوامه نفسه وغاصت العوامه لأقل منسوب وهنا يلزم تغيير العوامه بأخرى جديده يلاحظ أن خامة العوامه المجوفه قد تكون من البلاستيك أو من خامة النحاس الأصفر قد يحدث الفيضان أيضا مع زيادة ضغط البنزين فى الدايره وخصوصا مع عدم تواجد خط راجع للبنزين أو خلل ما فى الخطوط أو طلمبة البنزين .
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#7
23-02-2012, 06:14 PM
|
||||
|
||||
|
رد: كيف يتم تشخيص وعلاج مشاكل الكربوراتير
جزاك الله خيرا يا بشمهندس
وعندى استفسار صغير بعد اذن حضرتك دلوقتى انا عندى مسمار الهوا لازم يبقى مفتوح على اخرة عشان العربية تتظبط وبعانى من استهلاك عالى للبنزين فهل دة ممكن يكون سبب الرجرجة على السلانسية اللى بعانى منها خصوصا لو الار بى ام بقى اقل من 1 عشان الرجرجة بتروح بنسبة كبيرة لو الار بى ام فوق ال 1 بحاجات بسيطة ودة اللى انا عاملة دلوقتى وعلى طوول المكنة عالية ومعلش هل فى طريقة لاختبارالكفأة الطرمبة ؟؟ (طرمبة كهربا)
|
|
#8
24-02-2012, 12:59 PM
|
|||
|
|||
|
رد: كيف يتم تشخيص وعلاج مشاكل الكربوراتير
السلام عليكم ورحمة الله وبركاته
شكرا على الموضوع القيم ليا شوية استفسارات (1) بالنسبة لبيك السلانسية الكهرباء ياترى لما بيتقصف ويتلغى ويشتغل بدون كهرباء ايه الاضرار الجانبية للموضوع ده عندى البيك الكهرباء حصل فيه مشكلة وكان بيقطع الميكانيكى قصف جزء منه بالقصافة وفصله عن الكهرباء وبقى شغال عادى والمشكلة اتحلت بس انا من النوع الموسوس وبحب كل حاجه تكون فابريكة روحت اشتريت بك سلانسية كهرباء جديد وركبته اشتغل يومين تلاته زى الفل وبعدين بدأ يقطع والعربية تطفى على السلانسية فأضطريت ارجع البيك الأصلى المقصوف بدون كهربا (2) انا عندى فى الشاهين شفاط اتوماتيكى بيشتغل لما العربية تكون بارده بيرفع rpm لحد ما العربية تسخن وبعدين تهدى ومفيهوش مشاكل ... وعندى شفاط يدوى كمان بشده بإيدى من جوه العربية لاحظت من فترة انى لما بشده المحرك بيتخنق وبيطفى .. الميكانيكى فك عمة الكرابراتير وعوج البوابة بالبنسة والمشكلة اتحلت ... ياترى التصرف ده صح ولا غلط ؟ (3) انا عاوز اجيب منظف كاربراتير اللى بيتحط على التفويلة للوقاية (معنديش مشكلة والحمد لله) وللحفاظ على نظافة الكرابراتير بقول للميكانيكى قالى يبقى انت كده هتبوظ الدنيا وهتنقل كل الأوساخ اللى موجوده فى التانك على الكرابراتير !!!!! ايه رأيك فى الكلام ده وتنصح بإيه  وجزاكم الله خيرا
|
|
#10
24-02-2012, 09:39 PM
|
||||
|
||||
رد: كيف يتم تشخيص وعلاج مشاكل الكربوراتير
فمسمار الهواء له تقنين معين فى درجة فتحه وبالشكل الموجود عندك حاليا فممكن المسماريقع من الكربوراتير مع الهزه وخصوصا لو كان ماسك على الهواء وكده أنت عندك حاجه من إثنين ممر الهواء النازل من بيك السلانسيه مسدود جزئيا وعلشان كده أنت مضطر تحل مسمار الهواء على آخره أو بيك السلانسيه مش نظيف أو فلتر الهواء منتهى الصلاحيه وغالبا أنت معلى الكهرباء علشان المكنه متبطلش منك على السلانسيه وزيادة الكهرباء عن الآزم بتقلل قدرة المكنه وتسخنها عن الآزم وبالتالى هذا يتبعه زياده فى أستهلاك البنزين ( كما تشكو من هذا )
بس هتحتاج عداد ضغط وشوية تجهيزات لكن أبسط طريقه هو الأعتماد على جس نبض البنزين فى الخرطوم قبل الفلتر ............للإحساس بضغط الطلمبه مقارنة بوضع جيد سابق كما يمكنك الإطمئنان على كفاءة الفلتر من خلال جس نبض البنزين ( بعد الفلتر ) ومقارنة هذا الوضع مع تواجد فلتر جديد وبالنسبه للطلمبه أيضا يمكن الإستماع لنغمة الطلمبه وقت فتح الكونتاكت ووقت التشغيل المفروض أن تكون ألحانها ثابته الآداء بوضع طلمبه جديده
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
رد: كيف يتم تشخيص وعلاج مشاكل الكربوراتير
دلوقتى انا عندى مسمار الهوا لازم يبقى مفتوح على اخرة عشان العربية تتظبط
