معنى الى مكتوب على المواتير زى V TEC CVVT VVT I

[MEMOO_1ST]

موضوع ممتاز وتسلم ايدك يا جميل على العرض الرائع.

[Ahmed ELderiny]

السلام عليكم ورحمة الله وبركاتة
شكرا على المجهود والمعلومات القيمة دى وانا فعلا كنت عاوز اعرف ايه معنى الحروف المكتوبة على العربية وادينى فهمت وعرفت

[احمد على 1999]

المشاركة الأصلية كتبت بواسطة Ahmed ELderiny السلام عليكم ورحمة الله وبركاتة شكرا على المجهود والمعلومات القيمة دى وانا فعلا كنت عاوز اعرف ايه معنى الحروف المكتوبة على العربية وادينى فهمت وعرفت

شاكر اتقدير حضرتك

المشاركة الأصلية كتبت بواسطة sa3dawy بجد تسلم كيبوردك وماوسك كمان علشان متزعلش مننا ptmnlo123per122 معلومات هايلة هايلة ... ارجو التثبيت

العفو يا باشا مستحيل ازعل ان شاء الله

المشاركة الأصلية كتبت بواسطة د0تامر محمد شكرا جزيلا على الموضوع وطريقة العرض المرتبة والبسيطة

شكرا لتقدير حضرتك يا دكتور

المشاركة الأصلية كتبت بواسطة wsa الله ينور عليك هايل

شكرا لحضرتك

المشاركة الأصلية كتبت بواسطة matmm موضوع جميل يا باشا تسلم ايدك فعلا موضوع جميل جداااا

ده من ذوق حضرك

[aly zafer]

المشاركة الأصلية كتبت بواسطة احمد على 1999 الموضوع طويل جدا فانا حاختصر و المناقشات حتكمله بالتدريج مبدأيا V اختصار ل VALVE صمام ( سحب او عادم) و كمان اختصار ل VARIABLE يعنى متغير فلما تشوفها مكتوبة يبقى تعرف ان الماتور ده فى تكنوجيا التحكم فى توقيتات فتح الصمامات و ده طبعا بيدى اداء افضل (عزم عالى على مدى RPM واسع) و توفير بنزين و قدرة حصانية عالية و سعة لترية اقل العزم و ال rpm و علاقتهم بالقدرة (الحصان) القدرة = العزم rpm X ( علشان تتخيلها جرب سوق عجلة ببدال حتلاقى فى الطلعة الاولانية محتاج عزم عالى من رجلك و بتكون لسة بطىء يعنى عدد لفات رجلك قليلة rpm قليل و لما سرعتك تزيد تلاقى البدال بيخف تدريجيا لغاية لما توصل لاقصى rpm الى هى اقصى سرعة تقدر تبدل بيها تلاقيك مش قادر تقدى عزم على البدال و مش بعيد فى منزل تلاقى البدال عزمة صفر لان قدرتك كده يا توزعها عزم عالى مع rpm قليل يا rpm عالى مع عزم قليل ) لذلك تجد فى مواصفات بعض السيارات انها تحقق اعلى قدرة حصانية عند RPM عالى (و ده يترجم الى قدرة وصول السيارة الى سرعات عالية) و تحقق اعلى عزم عند RPM اخر متوسط ( و ده يترجم الى قدرة العربية على التسارع (اكتساب السرعة فى وقت قصير)) و ده يفسر مواتير الجاز زى النص نقل تلاقيها 80 حصان بس عزمها جبار يخليها تقدر تجر اوزان ثقيلة بس متقدرش توصل لسرعات عالية زى الملاكى ( مواتير البنزين ) و فى المواتير المتطورة زى ال V-TECH و ال valvetronic دى بتدى اقصى عزم على مدى rpm واسع يعنى بالبلدى العربية تبقى فايقة من اول النقلة لاخرها و ده نتيجة لان الكامات الموجودة على عامود الكامة بتغير وضعها على العامود ( و ده بيدى توقيتات متغيرة لفتح و قفل صمامات السحب و العادم و كذلك زمن متغير للتراكب ما بين فتح الصمامان و بكده بيحقق اعلى عزم من مثلا rpm 2000 حتى rpm 4500)عكس المواتير العادية الكامات متخلقة مع العامود فاعلى عزم عند rpm واحد فقط مثلا 3400 المحركات العادية زى E TEC الموجود فى اللانوس مثلا عامود الكامة مخلق عليه الكامات فده حيدى اعلى عزم عند RPM محدد مثلا 3400 فى اللانوس و يعطى اقصى قدرة عند RPM عالى مثلا 5600 و ده نتيجة ان توقيت فتح و قفل الصمامات ثابت و عيب المواتير دى انها متقدرش تحقق اعلى استفادة من عملية الحرق فبالتالى استهلاك بنزين عالى لان هما لما صمموا الكامات حاولوا يستفيدوا بوضع وسط لتحقيق اعلى استفادة ممكنه عند RPM متوسط (لان لو خلوها كويسة على RPM منخفض يبقى حيخسرو الاداء على ال RPM الوسط و العالى و هكذا لو عملوها على العالى حيخسروا الاداء على ال RPM الواطى علشان كده اختاروها فى النص) اما المواتير VVT-i Variable Valve Timing with Intelligence زى الموجودة مثلا فى الكورولا 1300CC (مع اختلاف المسميات) مثلا بالرغم انه اصغر من ماتور اللانوس بس اداؤه متفوق عنه لان الكامات المركبه على عامود الكامة ممكن تغير وضعها بالنسبة لعامود الكامة مع تغير ال RPM فبالتالى حيبقى توقيت فتح و قفل صمامات السحب و الطرد متغير دائما للوصول بعملية الحرق لاقصى استفادة و توليد اكبر عزم على مدى RPM واسع بعكس ما قلناه سابقا و فى تسميات متعددة للموضوع ده نتيجة لاختلاف الشركات المنتجة و اشهرهم صاحبة السبق هوندا V TEC تويوتا لما غارت منها عملت VVT I و ال I اختصار WITH INTELLIGENCE يعنى (بالذكاء) بيلسنوا على هوندا كان هوندا عملاه بغباء و ده طبعا مش صحيح انا بهرج كلهم كويسين وفى Continuous variable valve timing CVVTهو بالعربى التوقيت المتغير الدائم للصمامات و فى حاجات تانيه كتير يعنى مثلا بيفكرو يلغوا عامود الكامة و يعملو ماتور كهربائى لكل صمام و يبقى التحكم فيه من خلال الكمبيوتر و ده حيبقى طفرة فيه حروف زى TSI Turbocharger Supercharger Injection فى الفولكس و ده موضوع تانى خالص وده يخلى ماتور 1400 CC يوصل ل 170 حصان باستهلاك بنزين منخفط و الى عايز يزود او يسأل يبقى شكرا جزيلا و الله اعلم

رجاء وطلب شخصى ان تشرح لى موتور الزوتى اكسبلوجن 2 اوتوماتيك 1300سى سى وشكرا مقدما

[Egy News]

موضوع ممتاز و تسلم ايدك