اسلامي vs ليبرالي vs خدماتي

[dr.wael7yran]

حتى الان ..
فيما عدا الاسلاميين ..
محدش عنده برنامج بجد ..
و لذلك .. انا معاهم ..

[تامر ديزل]

المشاركة الأصلية كتبت بواسطة د.كمال الإختيار حسب تاريخ المرشح ومدى تقديمه لخدمات أهل دايرته وحسب البرنامج الانتخابى .

بس حضرتك ليه ما شاركتش في الاستطلاع ووليه ما اديتش صوتك لتيار الخدمات ؟

المشاركة الأصلية كتبت بواسطة abdo_2828 طبعا الاسلاميين وهم باذن الله اللى هيطلعوا بينا من النفق المظلم ده واحنا جربنا الليبرالى مره والماسونى مره ومعملوش حاجه وانا بختلف مع احمد انور عشان بيقول على الجماعات الاسلاميه المتطرفين وده هو اللى نجح النظام السابق فى ترسيخه فى ذهن المجتمع المصري ويطلعلك اى واحد بدقن ارهابى وشايل الرشاش فى جيبه وانه واحد مفتر وبيقتل الناس مع انه على العكس تماما هم اكتر ناس اتعذبو واتسجنو فى الفتره اللى فاتت .

نتعشم في التيار الاسلامي خير بس فيه استفسار برضه علشان مش واخد بالي : مين الماسوني اللي جربناه قبل كده ؟

المشاركة الأصلية كتبت بواسطة الكشفى انا ماليش حزب معين انا اللى احسة هيفيدنى بمقترحاتة وخدماتة للبلد انا معنديش مشكلة حتى لو كان اخوان بس المهم فكر واعى واصرار على عمل التغيير الفعلى اللى احنا بنضحك على نفسنا بيه

بحترم راي حضرتك جدا ولكن حضرتك برضه ما اخترتش من الاستطلاع
لو ما فيش قدامك الا دول هتختار مين ؟ ولا مش هتختار خالص ؟ هوا ده الموضوع

[تامر ديزل]

المشاركة الأصلية كتبت بواسطة Ahmed Anwer الجماعة الإسلامية

المشاركة الأصلية كتبت بواسطة Ahmed Anwer أقصد بالجماعة الإسلامية ليست الجماعات الإسلامية عامة و لكن الجماعة الإسلامية قاتلة السادات و صاحبة أكبر قدر من العنف في التاريخ الحديث المصري بقه ليهم حزب بس أنا مش فاكرأسمه و نشط جدا في محافظات الصعيد خاصة و عامة أنا مؤيد لمشاركتهم في الحياة السياسية لأن لو سدينا عليهم منافذ المشاركة لن يكون لديهم بديل آخر سوي العنف مرة آخري

طيب ممكن سؤالين : ايه الدليل على ان الجماعه الاسلاميه حاليا من المتطرفين ؟
والتاني ليه الليبراليين مش نشيطين زيهم في الصعيد يعني هما غلطوا علشان نشيطين وغيرهم مش نشيط ؟ برضه اسئله استفساريه لتنشيط الحوار بس

[تامر ديزل]

المشاركة الأصلية كتبت بواسطة young..pharaoh انا عايز اختار الاولي و الاخيره في الاستطلاع بس بما ان منفعش فــ اخترت التيار اسلامي بس لازم يكون عنده برنامج انتخابي محترم .. مش هختاره لمجرد ان عنده دقن في وشه لو واحدة من الصفتين مش موجوده .. هقعد في بيتنا عشان مديش صوتي لشخص غلط اتحاسب عليه

راي ممتاز بس فيه توضيح صغير الاختيارات التلاته مش متقاطعه او متشابهه علشان نقدر نختار اتنين لان التصنيف مستمد من فكر رجل الشارع يا اما بيقيم المرشح حسب فكره او منهجه يا اما بيقيمه حسب خدماته بغض النظر عن المنهج وكذلك المرشح بيكون مجهز( عدته للشغل ) يا اما بيروج لنفسه من خلال منهج يا اما بيروج لنفسه من خلال خدمات

المشاركة الأصلية كتبت بواسطة dr.wael7yran حتى الان .. فيما عدا الاسلاميين .. محدش عنده برنامج بجد .. و لذلك .. انا معاهم ..

راي محترم والاختيار على اساس البرنامج اصح من الاختيار على اساس ايديوليجيه او منهج افتراضي مكون مبادئ عامه لان البرنامج بيبقى ملزم للمرشح ومن خلاله نقدر نحاسبه

[sam ram]

اهم حاجه .. ميكونش فلول
بعد كده السمعه و البرنامج
يطلع بقى بدقن .. يطلع بشنب .. يطلع اصلع ...
المهم يطلع بضمير حي ويتقي ربنا فينا وفي البلد