تجاربنا مع الصيانة و قطع الغيار

[xabi]

ياترى ياجماعه 16 لتر على 220 كيلو على سرعات عاليه فى اغلب الاحيان بعد100كم...كويس ولا كده العربيه بتاكل بنزين

[mr_astra]

المشاركة الأصلية كتبت بواسطة xabi النهارده اخيرا روحت بورسعيد..كنت رايح علشان اجيب شويه قطع غيارواظبط العربيه شويه واخليها تنطق..انا اتصدمت صدمه حياتى النهارده من كل حاجه. انا كنت عامل حسابى انى اروح اشترى شويه فلاتر وسيركاتينه وكمان تيل فرامل وشويه حاجات اساسيه صغيره وبعد كده باقى الفلوس كنت ناوى امنجه نفسى واظبط العربيه كمان. قلت لما اروح لبتاع العفشه علشان يركبلى تيل الفرامل وبعدين ابقى الف واجيب باقى قطع الغيار.. طبعا فك العجلتين ولقى التيل كتر الف خيره انه فضل شغال لغايه اللحظه دى والحمد لله انه مبوظش الطنبوره..انا اتفاجأت ان العفشه بتاعه العربيه مدمره تماما من من مساعدين وجلب وكمان بيض وصدادات وكمان كرسى من كراسى المكنه وكمان البلى والكوبلن وكل حاجه كانت بتقول ابوس ايديك ارحمنى.. ياريت محدش يسألنى انت كنت ماشى بيها ازاى!!! حلم حياتى اللى كنت رايح علشان لقيته بيبخر بسرعه وانا عمال بدفع للميكانيكى علشان يجيب حاجات للعربيه...انا فى حاجات كتيره انا جبتها ومعرفش بتاعه ايه ولا جايه ليه..انا هكتبلكوا انا جبت ايه بالظبط والاسعار..وربنا يستر 90 جنيه كرسى للمكنه(استيراد) الجديد ب 400 جنيه بليه ب 110..الجديده غاليه جدا 2 جلبه اسكتراب 30 جنيه تيل فرامل90 جنيه(أسبانى) 180 مساعد استيراد(المانى) علبه شحم 17 جنيه 70 بيضه وصدادتين بوجيهات 60 جنيه(3 شعله سن تخين يابانى) 250 جنيه جلب كوبلن على مصنعيه مكبس ومخرطه وصنايعيه وكمان شويه حاجات صغيره كده .. 100 جنيه للميكانيكى بالعافيه 25 جنيه دخان للى كان شغال فى العربيه 25 جنيه ظبط زوايا وترصيص.. وكده تمام اوووى للشغل العفشه فضل شويه فكه صغيرين جبت بيهم: 100 فرن 15 كوريك 60جنيه اكره بمفتاح للشنطه اللى ورا..وكويس ان لعربيه كان فيها بنزين يروحنى لانى مكنش معاياولا جنيه فى جيبى وانا مروح. ملحوظه:انا ممكن اكون بكتب بعض المصطلحات غلط لانى مفمهش اووى فى الحاجات دى..بس كان معايا واحد قريبى كان فاهم كل حاجه وبقى بيفاصل ولولاه كان زكمانى متقلب فى الفين تلاته اقل واجب. اغلب الحاجات اللى انا جبتها كانت المانى واسعارها نار نار نار ذى ما انتوا شايفين..مفيش الا البوجيهات. عندى سؤال اخير:انا بعد ما ظبطت زوايا بساعه كده لقيت العربيه فيها حدفه يمين شويه والطاره جايه ناحيه اليمين..تفتكروا دى من ايه..مع العلم ان قبل التظبيط مكنش فيه الحدفه دى. محدش يقلى دفعت كام فى الليله دى كلها علشان انا كل لما بعد اللى انا دفعته بتعب نفسيا!!! واسف انى طولت على حضراتكوا

السلام عليكم ورحمة الله
العربية بقت تحدف يمين دة شىء طبيعى لانك غيرت كوبلن واحد مش الاتنين ولو كنت غيرت الاتنين يبقى فى واحد اجدد من واحد والمشكلة دى هاتفل اسبوع مثلا وبعدين تعدل لوحدها والطارة بقت نحية اليمين لان بعد ما ظبط زوايا كان لازم تفك الطارة وانت واقف على جهاز ظبط الزوايا وتخليها مستقيمة
بس انا لى سؤال يعنى اية غيرت جلبة كوبلن انا الصراحة معرفش حاجة اسمها جلبة كوبلن الكوبلن لة كاوتشة شحم وافيزين وتيلة للاكس وصامولة ربط وتحتها وردة حديد تخينة ما فيش اى جلب للكوبلن او فهمنى

[mr_astra]

المشاركة الأصلية كتبت بواسطة xabi ياترى ياجماعه 16 لتر على 220 كيلو على سرعات عاليه فى اغلب الاحيان بعد100كم...كويس ولا كده العربيه بتاكل بنزين

يا اخى امسك الخشب انت داخل فى 14 كيلو لللتر الواحد كويس بس ما تقلش لحد لحسن تتحسد

[mr_astra]

يوم الخميس رحت غيرت مقص شمال بـ 50 جنية تركى ،،،،،كوبلن شمال بـ50 جنية صينى ،،،ظبط زوايا بـ20 جنية مصنعية عفشة 30 جنية وطبعا حطيت كيلو زيت فتيس ب12 جنية

[xabi]

المشاركة الأصلية كتبت بواسطة mrastra السلام عليكم ورحمة الله العربية بقت تحدف يمين دة شىء طبيعى لانك غيرت كوبلن واحد مش الاتنين ولو كنت غيرت الاتنين يبقى فى واحد اجدد من واحد والمشكلة دى هاتفل اسبوع مثلا وبعدين تعدل لوحدها والطارة بقت نحية اليمين لان بعد ما ظبط زوايا كان لازم تفك الطارة وانت واقف على جهاز ظبط الزوايا وتخليها مستقيمة بس انا لى سؤال يعنى اية غيرت جلبة كوبلن انا الصراحة معرفش حاجة اسمها جلبة كوبلن الكوبلن لة كاوتشة شحم وافيزين وتيلة للاكس وصامولة ربط وتحتها وردة حديد تخينة ما فيش اى جلب للكوبلن او فهمنى

لو حضرتك خدت بالك ان قلت فى حاجات ممكن انا ممكن اقولها غلط او حاجات مش موجوده لانى الصراحه تهت امبارح وجبت حاجات كتيره ومش عارف لايه!!فاعذرنى لانى ممكن اقول حاجات بمسميتها غلط