اساطير شائعة جدا في طب الاطفال .. التهاب الحلق و اللوزتين

[dr.wael7yran]

المشاركة الأصلية كتبت بواسطة Eng/salwa الف شكر يا دكتور ربنا يبارك لك يا رب موضوع مفيد جدا سؤال لو سمحت هل اللوز لها علاقة بنمو الطفل و هل عملية استئصال اللوزتين يساعد الطفل او الشاب بقة فى مرحلة المراهقة على مثلا زيادة الطول و خلافه ام لا؟

ربنا يبارك فيك يا باشمهندسة ..
اما بالنسبة لللوز و النمو فميش علاقة مباشرة بينهم ..
انما الموضوع بيبقى انه لو جسم الطفل بيبقى فيه اي التهاب مزمن في اي حتة من جسمه ده طبعا بيأثر على نموه بصفة عامة ..
و التهاب اللوز المزمن طبعا بيأثر على النمو و الشهية ..
بس ناخد بالنا انه بيأثر على النمو ككل .. يعني على الوزن و الطول الاتنين سوا ..
و التهاب اللوز المزمن يعني وجود التهاب دائم باللوز و لا يستجيب للمضادات الحيوية ..
و ده موش تشخيص اكلينكي بس ده لازم يبقى مسنود بالتحاليل الطبية كمان..
و ده مالوش حل الا استئصال اللوز ..
و فعلا بتحصل طفرة في النمو بعد استئصال اللوز ..
و يارب اكون افدتك ...

[Torn@doo]

المشاركة الأصلية كتبت بواسطة dr.wael7yran ا .. .. اسمحلى اعرفك بنفسك اولا د/طارق شغال ف الدعاية الطبية واشتغلت مع دكاترة اطفال وع مضادات حيوية فترة طويلة 3-المضادات الحيوية : موش كل حالة التهاب في الزور يبقى لازم تتعالج بمضاد حيوي .. في حالات كتير بيبقى سبب الالتهاب فيروسي .. وده بيجي و يروح لوحده و المضاد الحيوي ده ضد البكتيريا موش الفيروس و موش هيعمل حاجة للفيروس.. و كقاعدة عامة اذا كانت حالة الطفل جيدة و مفيش ارتفاع جامد في درجة الحرارة يبقى موش محتاجين مضاد حيوي .. و كتر المضادات الحيوية غلط على الكبد و الكلى .. كما انه غلط على مناعة الطفل ذات نفسه .. و هيخليه عرضة اكتر للالتهابات و العدوى .. و اذا كان فعلا الالتهاب بكتيري و محتاجين مضاد حيوي يبقى لازم ندي مضاد حيوي فعال و قوي ضد البكتريا المسببة .. و دي غلطة بيقع فيها كتير من الاطباء و الصيادلة الصراحة .. يعني اقوى مضاد حيوي هو Ospen يليه Zithromax و عائلته .. و يليهم Duricef و عائلته .. انما مثلا ادوية زي Augmentin و عائلته هي قوية اوي في التهابات الجهاز التنفسي العلوي و السفلي بس موش اد كده في التهاب اللوز .. و لا بد من اكمال فترة العلاج بالمضاد الحيوي من 7 الى عشرة ايام كاملين .. حتى يتم القضاء تماما على الميكروب و ميقعدش ينطلنا كل اسبوع .. خدنا مضاد حيوي يبقى ناخده صح .. موش خمس ايام و الكلام ده ( طبعا فيما عدا ال zithromax ده له نظام تاني ) ممكن توضح النقطة دى يادكتور اعتقد ان مدة العلاج بالمضاد الحيوى بتعتمد ع نوع المرض اللى بيعالجة ونوع البكتريا زى مثلا AOM بتبقى 10 ايام صح ولا انا غلطان و من اكتر الطلبات اللي بتطلب مني في العيادة الحقن .. يا دكتور ادي ابني حقن مبيجيش غير عليها .. و تبص على الطفل تلاقيه نحلة في العيادة عامل ياكل في المصاصات بتاعتي و يدشدش في ام اللعب و طبعا ده مرفوض ..في الالتهابات البسيطة يا ريت نبعد عن الحقن.. و بكده احنا بنخلى الحقن فعالة اكتر في مواجهة التهابات اكثر قوة مثل الالتهاب الرئوي لا قدر الله ..و بنساعد على تقوية مناعة الطفل الطبيعية .. موش حقن و اضعاف لمناعة الطفل كده عمال على بطال ..علشان نريح الزبون و خلاص كلام حضرتك صح ودة بيأدى ل resistance عند الطفل او المريض عموما وبالتالى بنجد ان المضادات الحيوية مبتجبش نتيجة حضرتك اكيد عارف ان augmentin نزل منة 2جرام بس مش موجود ف مصر وبيحاول يزود المواد المضافة ل amoxicillin clavulenic acid عشان يقلل resistance .. و كده ابقى خلصت معظم الاساطير و الاخطاء الشائعة .. و صدقوني .. معظم حالات التهاب الحلق كل اللي بتحتاجه شوية راحة و شوربة و دوا يخفض الحرارة و هي هتروح لوحدها في 3 ايام .. من غير حقن و من غير قصص .. و معلومة بسيطة اخيرة .. انه الاطفال طبيعي يجيلهم التهاب في الحلق من 6-7 مرات في السنة ( امال احنا هناكل عيش منيين يعني ).. و ده شيئ طبيعي و موش معناه نقص المناعة .. اكيد وانا كمان هشتغل ازاى اكل عيشى من روشتة الدكتور مضاد حيوي .. و يا رب اكون افدتكم .. و انا على اتم استعداد للاجابة عن اي سؤال او استفسار .. و لو عجبكم الموضوع انتظروا الموضوع القادم عن نزلات البرد .. و تقبلوا سلامي جميعا ..:1463B6~153 :

تسلم ايدك ع الموضوع الجميل دة وشكرا جدا ع بعض المعلومات اللى مكنتش اعرفها ومنتظر الموضوع القادم

تحيااااااااااتى

[akerima]

المشاركة الأصلية كتبت بواسطة dr.wael7yran يا باشا تسلم و ربنا يكرمك .. من اشهر اسباب البقع على اللسان ما نسميه باللسان الجغرافي .. و ده بتبقى البقعة دي عاملة زي شكل من اشكال الخريطة و بيبقى مفيش اي الم و لا تقرحات و لا دم معاها .. و دي حالة طبيعية و موش محتاجة اي علاج خالص .. و تاني اشهر سبب هو الفطريات .. و هي بتكون مصحوبة بالم خصوصا عند محاولة ازالتها .. و الفطريات بتيجي اساسا للاطفال من نقص المناعة من كتر استخدام المضادات الحيوية .. و انصحك انه لو بنتك موش متعودة على استخدام فرشاة الاسنان تعودها من دلوقتي .. و انها تنضف لسانها كمان بفرشة الاسنان ( في فرش مخصوصة لكده ) و من اكثر الاساطير الطبية المنتشرة بخصوص البقعة دي انه في فطريات او ديدان في الامعاء هي اللى حماوتها بتطلع البقع دي .. و ده كلام قديم اوي اوي و غير صحيح طبيا .. و لو تعرف تبعتلي صورة ان شاء الله افيدك اكتر .. و تقبل سلامي ..

تسلم ايدك يا دكتور ربنا يخليك ويباركلك باذن الله ححاول اصورها وابعتهالك متشكر ليك جدا

[Eng/salwa]

ربنا يبارك لك يا د/ وائل و يبارك لك فى اولادك يا رب
و لا يريك فيهم مكروه

عاوزه اسال حضرتك فى سؤال عن موضوع النمو هذا
ابنى الصغير 1ث ما شاء الله اصبح اطول من اخوه و حتى اطول منى و من والده و قد لاحظت ان هذا مؤثر الى حد ما على اخوه الكبير 3ث تنصحنى بإيه علشان اهتم بالموضوع ده انا بحاول احث الكبير على المداومة
على الرياضة مثل اخوه و الجيم و التغذية السليمة بس للاسف هو اكثر كسلا و عدم الشهية للاكل رغم انى قمت باجراء عملية (اللوز و اللحمية ) برغم انها كانت لا تلتهب كثيرا مثل اخوه قلت يمكن جسمه يفوق و دى من المعتقدات الخاطئة
فماذا افعل زيادة بالاهتمام به مع انى بحاول لا اظهر زيادة الاهتمام قوى امام اخوه حتى لا يغير منه
شكرا على اهتمامك جدا يا دكتور وائل
و على فكرة نحن نقوم بعمل نصائحك فى موضوع الكمبيوتر ووالدهم يشكرك كثيرا على النصائح
و كل الاخوة المحترمين اعضاء المنتدى اللى اعطونا افكار رائعة

[dr.wael7yran]

المشاركة الأصلية كتبت بواسطة Torn@doo تسلم ايدك ع الموضوع الجميل دة وشكرا جدا ع بعض المعلومات اللى مكنتش اعرفها ومنتظر الموضوع القادم تحيااااااااااتى

اتشرفت جدا بمعرفتك يا دكتور طارق ,,,
و بالنسبة لمدة علاج التهاب اللوز البكتيري او ال strep pharyngitis فهي برده المفروض 10 ايام زي ال AOM او التهاب الاذن الوسطى و ده لضمان القضاء تماما على الميكروب ..و لازم تكملة العلاج مع اعلة انه معظم الاعراض بتختفي بعد 24-48 ساعة و الموضوع ده بيبقى تقيل على الامهات اوي ..
اما عن ظهور المقاومة للمضادات الحيوية .. فدي مشكلة كبيرة و محدش حاسس بيها .. حضرتك انا لما كنت شغال في ابو الريش ظهرت بكتيريا اسمها pesudomonas resistant for Tienam .. انت متخيل .. حتى التينام اقوي الجرام نيجاتيف موش قادر عليها .. و دلوقتي احنا بندي مضادات حيوية غريبة على الاطفال زي السيبرو مثلا و التازوسين علشان الحاجات التانية شكرا ..و دي مشكلة صعبة عندنا في مصر .. انا اشتغلت في طابا لفترة مع الاطفال الاجانب .. و موش عايز اقولك اهبل مضاد حيوي عندنا كان بيجيب نتايج رهيبة معاهم و سريعة جدا ..لان جسمهم موش متعود علي المضاد الحيوي ..

اما بالنسبة لموضوع الروشتة دي .. فمصائب قوم عند قوم فوائد
و شكرا لمرورك و اهتمامك