اساطير شائعة جدا في طب الاطفال .. التهاب الحلق و اللوزتين

[د.كمال]

شكرا د.وائل على المعلومات الهايله وجزاك الله كل خير

[star2008]

الله ينور يدكتور وربنا يبارك فيك

[dr.wael7yran]

المشاركة الأصلية كتبت بواسطة akerima والله يا دكتور كون بس انك تعمل موضوع عن طب الاطفال دي حاجة تشكر عليها جدا جدا جدا وشرف لينا ان يبقي في دكتور اطفال في وسط عيلتنا الصغيرة علي المنتدي وعندي استشارة بنوتي عندها 3 سنوات وبلاحظ دايما ان فية بقعة لونها فاتح هي كبيره شوية علي لسانها هي مابتشتكيش منها بس انا مش عارف دي عبارة عن اية وهل في منها خطر ولا عادي وبشكرك مرة اخري علي الموضوع الهايل

يا باشا تسلم و ربنا يكرمك ..
من اشهر اسباب البقع على اللسان ما نسميه باللسان الجغرافي .. و ده بتبقى البقعة دي عاملة زي شكل من اشكال الخريطة و بيبقى مفيش اي الم و لا تقرحات و لا دم معاها .. و دي حالة طبيعية و موش محتاجة اي علاج خالص ..
و تاني اشهر سبب هو الفطريات .. و هي بتكون مصحوبة بالم خصوصا عند محاولة ازالتها ..
و الفطريات بتيجي اساسا للاطفال من نقص المناعة من كتر استخدام المضادات الحيوية ..
و انصحك انه لو بنتك موش متعودة على استخدام فرشاة الاسنان تعودها من دلوقتي ..
و انها تنضف لسانها كمان بفرشة الاسنان ( في فرش مخصوصة لكده )
و من اكثر الاساطير الطبية المنتشرة بخصوص البقعة دي انه في فطريات او ديدان في الامعاء هي اللى حماوتها بتطلع البقع دي ..
و ده كلام قديم اوي اوي و غير صحيح طبيا ..
و لو تعرف تبعتلي صورة ان شاء الله افيدك اكتر ..
و تقبل سلامي ..

[nktis]

موضوع جميل جدااا يا دكتور...
وللاسف كصيدلي تجيني رشته الاطفال وانا مغمض عارف ان الدكتور فلان كاتب علي 4 الي 6 حقن لمده 3 ايام ومضاد حيوي تاني شرب بجانب خافض حراره لبوس او شرب.؟؟؟؟

بلاحظ ان اطفالنا بياخدوا جرعات عاليه وكتيره من المضادات الحيويه....

[Eng/salwa]

الف شكر يا دكتور ربنا يبارك لك يا رب
موضوع مفيد جدا
سؤال لو سمحت
هل اللوز لها علاقة بنمو الطفل و هل عملية استئصال اللوزتين يساعد الطفل
او الشاب بقة فى مرحلة المراهقة على
مثلا زيادة الطول و خلافه ام لا؟