عايز ابطل سجائر . اعمل ايه؟؟؟؟

[aymangalal]

المشاركة الأصلية كتبت بواسطة Ahmed Salah ahmed التدخين ما هو الا عاده ، حاجه اتعودت تعملها في وقت معين في مكان معين.

تجربة حضرتك مفيدة جدا وفعلا التدخين ماهو الا عادة لكن لما يوصل للتعود الشديد يبقى ادمان لا قدر الله اى نعم مش من المخدرات كنبرضه بيبقى فى تأثيرات (الاعراض الانسحابية) للنيكوتين من الجسم
وللأسف انا مرتبط بالتدخين لان نومى قليل جدا لا يتجاوز 5 ساعات يوميا ممكن انام طول النهار يوم الاجازة لكن نوم بالليل اللى بصحى منه على الشغل بيبقى كله ارق وعدم راحة لذلك السيجارة بالنسبالى (وسيله) للتنبية طبعا مع فنجان القهوه وكل ما احس ان با سقّط اديها فنجان قهوه وسيجارة وبرضه مع التفكير او الضيق او الزهق
فعلا زى ما حضرتك قولت السيجارة مرتبطة بافعال اتعودنا عليها وربطناها بالسيجارة وانا حاولت اعمل كده اهو على الاقل اكسر العادات دى بقيت اشرب السيجارة لوحدها والقهو لوحدها ماقدرتش اواصل طبعا وربنا يعافينا
ومبروك وربنا يثبتك على عدم التدخين

[aymangalal]

المشاركة الأصلية كتبت بواسطة m.genedy وهو ماحدث بالفعل استاذ ايمن فجأة .. قررت ان اقلع عن التدخين بعدها لم اشعربتغييرات واضحة غير انى شهيتى اصبحت مفتوحة بشكل كبير وزاد وزنى بشكل لم اكن اتصورة وبعد فترة حدث العكس تماما ونقص الوزن ولم يعد هناك شهية لأى طعام بالاضافة الى اعراض اخرى كثيرة.. بأختصار توقعت انى احتاج الى اجازة لأراحة اعصابى وبالفعل نزلت مصر ولم يتغير فى الأمر شئ ذهبت الى اطباء كثر تخصصات مختلفة ولم يتوصلوا لشئ بعد اسبوع واحد قررت العودة الى هولندا وذهبت بعدها الى طبيبى الخاص وكنت لم اذهب له من فترة نتيجة انى لا اشكو من شئ.. اما هذة المرة فالوضع مختلف خاصا انى كنت قد فقدت الكثير من وزنى.. وعندما اخبرتة انى اقلعت عن التدخين طلب منى فى الحال اجراء تحليل دم وقال لي انا عندي شك فى شئ ما ولكن بعد نتيجة التحليل سوف نرى واتضح فيما بعد ان شكة فى محلة..هناك خلل حدث فى عمل الغدة الدرقية ونتيجة ذلك اصبحت تعمل بشكل اسرع او تفرز هيرمون اكثر ما يحتاجة الجسم ..ونتيجة لهذا لا يستفيد الجسم من الغذاء لهذا كان نقص الوزن بالاضافة الى اعراض اخرى كثيرة تختلف جزائيا من شخص لأخر.... والسبب كما وضحة لي الطبيب لا يوجد علميا سبب واضح لأمراض الغدة الدرقية فى حالة نقص الهرمون او زيادتة ولكن قد يتعرض المريض لصدمة ما بمعنى ان هناك اسباب نفسية..او ان يحدث خلل نتيجة تغييرات تكون قد حدثت فى داخل الجسم تؤثر على طريقة عمل الغدد بوجة عام وبالنسبة لي لم يتغير اى شئ الا انى قررت فجأة الاقلاع عن التدخين وهو الخطاء الثانى الذى وقعت فية.... اما رحلة العلاج فأستغرقت نحو عامان ونصف... ولهذا انصح اى احد يريد ان يتوقف ان يتابع مع طبيب.

ياااااااااااااااااااااااا ه كل ده عشان حضرتك بطلت التدخين
سبحان الله عشان تتخلص من ضرر تواجه ضرر تانى مختلف المهم انك وصلت لسبب المشكله وربنا يسلمك ويعافيك
فكرتنى بوالدى لما طلع ع المعاش وقال يبطل بقى اول ما بطل تعب قوى لان التدخين كان عامل زى مسكن لالام كتير وخصوصا ان عنده القرحة وزى ماتكون المعدة زعلانه انه منع الدخان هههههههههه القرحة تعبته اكتر من الاول ونظام المعدة اتخلبط وعمل مشاكل طبعا هو مارضيش يقول عليها عشان مانفتكرش ان الامتناع عن التدخين مضر هههههههههههههه
والحمد لله دلوقتى بقالة 11 سنة بدون تدخين
يارب ابطل زيه ويكون عندى الارادة والعزيمة الكافية

[lRatedl]

انا بقالى اسبوع ماشربتش سيجاره بس بشرب شيشه كل يوم بالليل

[m.genedy]

المشاركة الأصلية كتبت بواسطة aymangalal ياااااااااااااااااااااااا ه كل ده عشان حضرتك بطلت التدخين سبحان الله عشان تتخلص من ضرر تواجه ضرر تانى مختلف المهم انك وصلت لسبب المشكله وربنا يسلمك ويعافيك فكرتنى بوالدى لما طلع ع المعاش وقال يبطل بقى اول ما بطل تعب قوى لان التدخين كان عامل زى مسكن لالام كتير وخصوصا ان عنده القرحة وزى ماتكون المعدة زعلانه انه منع الدخان هههههههههه القرحة تعبته اكتر من الاول ونظام المعدة اتخلبط وعمل مشاكل طبعا هو مارضيش يقول عليها عشان مانفتكرش ان الامتناع عن التدخين مضر هههههههههههههه والحمد لله دلوقتى بقالة 11 سنة بدون تدخين يارب ابطل زيه ويكون عندى الارادة والعزيمة الكافية

الله يبارك فى والد حضرتك استاذ ايمن
بلغة سلامنا ودعواتنا بدوام الصحة
بالنسبة للاحداث التى رويت جزء بسيط جدا منها كانت
من 10 سنوات تقريبا...

[nktis]

الموضوع عايز اولا ان الواحد ينوي وكمان عزيمه من حديد وان ربنا يقويك علي هذه الخطوه...