اى معلومات عن الfrv انا تحت امركم

[khaledazizeg]

المشاركة الأصلية كتبت بواسطة Nissan يا ريت يا أ/خالد توضح لنا مواعيد تغيير كلا من سير الكاتينة و البوجيهات و زيت الفتيس سواء مانيوال أو أوتوماتيك و فلتر البنزين؟

بالنسبة لسير الكاتينة بيتغير كل 80000كم بس انا برجح انه يتغير عند ال75000 كم وداه زيادة فى الامان لاننا بنقف كتير فى الزحمة فداه يعتبر استهلاك غير محسوب
بالنسبة للبوجيهات كل 20000كم
زيت الفتيس للمانيوال كل 40000كم وياريت ماحدش يهمله عشان لو اهملتة بيعمل مشاكل وسيبكم من الناس الى بتقول ان المانيوال مابيتغيرش انا عملت كدة وبوظلى حاجات كتيرة زى الدبرياج بس الحمد لله لحقتة وحساس السرعة وخلوا بالكوا الزيت رقمة 90
بالنسبة للاتوماتك بصراحة مش عارف بس اكيد اقل والزيت رقمة 140
بالنسبة لفلتر البنزين كل 20000كم
فلتر الهوا كل 20000كم
فلتر التكييف كل 30000كم

[khaledazizeg]

المشاركة الأصلية كتبت بواسطة waelbaha استاذنا العزيز خالد في بداية الخطوات الجديه لشراء ال frv ذهبت للبافارية اللي في الدائري علشان اشوف العربية واعمل تست درايف طبعا لقيت حاجه غريبة ضايقتني جدا الفول اوبشن اوتوماتيك مافيهاش فوج لايت - ولا جنوط - ولا مرايات كهرباء - ولا جهاز انذار بالريموت - ولا زجاج خلفي اوتوماتيك - ولا باركينج سينسور ولما سالت المسئول قاللي انها موجوده بس في موديل المانيوال ؟؟؟!!!!!!! طيب ليه يا جماعه كده الحاجات اللي تضايق دي؟ بصراحه بعد ماكنت رايح ونفسي مفتوحه لقيت نفسي قفلت منها جدا على الرغم من ان العربية حلوة جدا بس الحاجات الناقصه دي تضايق فعلا واللي يضايق اكتر انها موجوده في المانيوال ومش موجوده في الاوتوماتيك قلت طيب اجرب اسوق العربية يمكن يطلعلي حاجه تانيه مش حاسس بيها او شايفها ولما جربت الفرامل علشان اشوف امكانيات ال abs و ebd بصراحه لقيت نظام الفرامل يعمل بكفاءة عاليه ولكن ....................... لما ضغطت فرامل بقوة حسيت ان في حديد بيحك في حديد لدرجة اني خفت على الديسك ليكون من قوة الضغط يكون حصل حاجه ولما سالت المسئول قاللي ده شيء عادي لان الاطارات تعتبر قريبة من السائق فلازم يسمع الصوت ده وهو صوت ال abs والصوت ده موجود في كل العربيات التانية حتى الكبير منها بس مش بيتسمع في العربيات الكبيرة لان الاطارات بتكون بعيده عن السائق !!!!!!!!!!!!! طبعا ده كلام المسئول هناك رديت عليه وقلتله اني كان معايا هوندا اكورد موديل 2008 لما كنت في دبي وعمري ماسمعت صوت الحديد ده حتى مع الفرامل المفاجئه قاللي ان الاكورد كبيرة واكيد فيها الصوت ده بس ماسمعتوش علشان الاطارات بعيده عن السائق!!!!!!!!! طبعا ماحبيتش اجادله في الموضوع ده لاني مش مقتنع بالرد اصلا وسؤالي للاستاذ خالد او اي حد مجرب العربية والفرامل دي هل فعلا الكلام ده صحيح ومافيش مشكله في الصوت ده؟ ولا الفرامل بتكون عادية ومافيهاش الصوت ده؟ ويكون العيب عيب عربية؟ وياريت برده يا استاذ خالد تقوللي رايك ايه في موضوع الكماليات الناقصه دي؟ وهل في حد عنده اي معلومه بخصوص الدفعات القادمه هل ممكن ينزل فيها هذه الكماليات ام مافيش امل؟ افيدوني جزاكم الله خيرا نفسي اشتري عربية لاني استويت من العربيات الايجار

كدة يبقى حضرتك شفت الهاف اوبشن وبالنسبة للصوت داه برضة اكيد الهوندا اكيد هتعمل حاجات تخفض الصوت وبعدين فارق سعر كبير مابينهم وبالنسبة للكماليات ممكن تركبهم برا بسعر رخيص

[khaledazizeg]

المشاركة الأصلية كتبت بواسطة waelbaha انا جربت ال 1600 اوتوماتيك بس ماجربتش ال 1300 بس انا رايي الشخصي لو عاوز عربية قوية ومايفرقش معاك استهلاك البنزين قوي يبقى تبدأ تفكر ابتداء من ال 1600 لان ال 1300 تعتبر ضعيفه شوية وبالذات لما تكون محتاج التكييف علطول لاني جربت الموضوع ده في اللانسر 1300 لما باشغل التكييف بالاقي العربية بدات تسخن شوية وده مش حلو وعل العموم لو سالت الاستاذ خالد عن النقطه دي اكيد حتلاقي عنده اجابه ادق مني لانه جرب الاتنين وهو اكتر واحد يقدر يفيدك بمعلومات صحيحه مليون في الميه عن معلوماتي لان اللي باقولهولك معلومات عامه مش خاصه بال frv

بالنسبة لل1600 فعلا فرق شاسع لصالحها فى الشد واستجابة الموتور وطبعا بتستهلك بنزين عالى بس فى الزحمة لكن السفر سحبها اقل من ال1300 وطبعا التكييف لما بيشتغل فى ال1600 عادى مايأسرش فيها
بالنسبة لل1300 لاستخدام حريمى او استخدام هادئ مع العلم انها بتجرى وبتشد بس مش زى ال1600 وبالنسبة للتكييف بيأثر شوية بالنسبة للبنزين فى الزحمة موفرة جدا لكن فى السفر مش موفرة لو بتجرى بعد 100كم\س
ملحوظة هامة جدا :الزيت المستخدم فى التوكيل هوا shell وانا لما جربت زيت mobil1 بصراحة العربية ال1300 حسيت انها بقت 1500 بقت بتشد جامد جدا عن الاول ومافرقتش كتير عن ال1600

[khaledazizeg]

المشاركة الأصلية كتبت بواسطة taiko السلام عليكم انا محمد وبردو واقع في نفس المشكلة وعايز اشتري FRV ومحتار اشتري 1600 ولا 1300 وكمان مانول ولا اوتو انا عاجبني تصميم البرليانس وشكلها وبالزات ان الجنط بتاعها 16 معنا كدة ان العفشة جامدة بس خايف شوية منها وبالزات من قطع الغيار انا شاب وكونت راكب عربية امريكي فالسعودية وعشان كدة عجباني البرليانس عشان السرعة والسبات بس كونت عايز اسال حضرتك على قطع الغيار وهل العربية مريحاك ولا لا وانا قارنتها باللوجان بس لقيت اللوجان عالية ومش سابتة وشكلها معجبنيش بصراحة, بس انا من المنصورة وفي جامعة سيناء وهسافر بيها ان شاء اللة ياريت حضرتك تعرف تفدني عشان انا بجد محتار شكرا مقدما ويا ريت لو تعرف اسعرها واسعار قطع الغيار تفدني وعوما سوري انا عارف اني هتعبك معايا

اولا انا اسف جدا على تأخيرى فى الرد
اولا لو انتا شاب وبتاع سفر يبقى ال1600 ولو بتحب الشد اوى يبقى مانيوال لو مش اوى يبقى خليك فى الاتوماتك
بالنسبة لقطع الغيار متوفرة جدا المانى ويابانى ومش صينى
اا هقولك بالنسبة للى غيرتة
تيل فرامل امامى ب160 جنية تركى وفيه منه المانى بس 350 جنية
موجود عند محلات الجولف
فانوس امامى ب550 جنية جلبة مقص ب30 جنية

[khaledazizeg]

المشاركة الأصلية كتبت بواسطة Ahmed Mohamed Elhalafawy طب هيا احسن و لا الماتريكس ؟؟

بص اقول لحضرتك حاجة انا العربية عندى اول حاجة ابصلها الامان
الماتريكس مافيهاش اى انظمة فرامل وديه عن تجربة والى هيتعامل مع الانظمة ديه صعب انه يركب عربية مافيهاش اظمة
بالنسبة للبودى فيه دعامات فى الباب بحرف x وكمان ايرباج
وبالنسبة للثبات انا شايف من وجهة نظرى لصالح الfrv وذلك لوجود شاسية الجولف 4 المتميزة بالثبات وشاسية يدعم الثبات
بالنسبة لتسارع الموتور لصالح الماتريكس طبعا