المشاركة الأصلية كتبت بواسطة عاوز عربية
الف الف مبروك ربنا يديك خيرها ويكفيك شرها انا انشاء الله استقريت على لوجان بلاك لاين وبخلص فيها وعارف انها اخت السانديرو عاوز اطمن على كم حاجه للي يقدر يفيدني 1- قوة التكييف 2- عفشة العربية 3- صوت الموتور 4- بيقولولي فيها كومبيوتر رحلات مش فاهم يعني ايه معلش سامحوني اصلي طوول عمري راكب 131 فيات ماليش في الفرنساوي اوي
|
بص يا باشا
1- قوه التكييف - مقدرش احكم دلوقتي لأني لسه محملتش عليها بس أنا جربته كام مره كدا __ ممتاز
2- العفشة ناعمه جدا جدا جدا
3- صوت الموتور - عالي نسبيا ... يعني انا نازل من 128 بس طبعا مش نفس علو الصوت لكنه مش هادي زي الهيونداي
4- كمبيوتر الرحلات دا يا باشا بيحسب عدد الكيلوميترات من بداية الرحله و متوسط استهلاك البنزين و كمية البنزين المستهلكة من بداية الرحله و كذلك كمية البنزين الباقية في التانك تمشيك كام كيلو و متوسط السرعه و متوسط استهلاك البنزين لكل 100 كيلو