|
القيادة فن و ذوق كل ما يتعلق بفن قيادة السيارات |
|
أدوات الموضوع |
#1
|
||||
|
||||
طلب من خبراء القيادة......ما هي الطريقة الصحيحة لاستخدام الجير الأوتوماتيك
سلام الله عليكم
أنا متعود على الجير اليدوي وكنت عايز أعرف ما هي الطريقة الصحيحة لاستخدام الجير الأوتوماتيك 1-كيف نستخدمه ؟ وخاصة أني سمعت أنه مش معضلة خالص 2-إلام تشير الترميزات الموجودة عليه p n d 1 2 3 3-هل كل هذه الترميزات موحدة في جميع الجير الأوتوماتيك؟ نريد شرحا تفصيليا وجزاكم الله كل خير |
#2
|
||||
|
||||
رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
كل اللي هتحتاجة انك تتعود علي عدم استخدام رجلك الشمال لان مفيش دبرياج. فقط بنزين و فرامل عند التسارع و التباطئ و ده باستخدام رجلك اليمين فقط. بالنسبة للعلامات ال P : دي اختصار Park يعني و العربية واقفة و طبعا لازم تشد فرامل اليد عشان العربية متحملش علي الجيربوكس ال R : و دي اختصار Reverse يعني الرجوع الي الخلف ال N : و دي اختصار Neutral يعني المور بالعربي و دي بتستخدم لايقاف العربية علي الاسطح المستوية بدون الضغط علي الفرامل مثلا (واقف في اشارة و بتريح رجلك من دوس الفرامل) و طبعا في الاسطح الغير مستوية العربية هتتحرك في اتجاة الميلان. و ممكن تستخدم الوضعية دي في زق السيارة في حالة تعطلها مثلا علي الرغم من ان المقود هيبقي تقيل جدا مع امكانية تعطل علبة الباور (لذا لا يستحسن القيام بهذا) ال D : و ده اختصار Drive و تستخدم للاتجاة الي الامام و بالنسبة لل 1 2 3 فدي ترمز الي الغيارات و تستخدم في حال طلب عزم عالي من السيارة في حالة صعود مطلع صعب او شيئ من هذا القبيل ال P R N D دول موحدين لكن ال 1 2 3 مش شرط ممكن يتواجدوا و ممكن لا و في عندك الستريب ترونك و ده عبارة عن جير اوتوماتيك مع امكانية التحكم اليدوي في النقلات (بدون دبرياج) ده هتلاقي فية علامتين زيادة ال + و ال - زي ده و ده موضوع عنه للافادة http://www.masrmotors.com/vb/showthread.php?t=14423 اتمني اكون افدتك و لو محتاح معلومات زيادة انا تحت امرك
__________________
Sharief Mansy
Farewell my Cayenne, you were the best car i ever had and driven |
#3
|
||||
|
||||
رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
اخي الحبيب جزاك الله كل خير على هذه الإجابات
مش عارف أشكرك إزاي الله يبارك لك بس لي سؤال علامتين - و + اللي في الستريب تروتك ما طريقة استخداتهم يعني إمتى أرجع للسالب وأمتى أزود للموجب وهل هذا الستريب ترونك هو MMT ولا دا نظام تاني وجزاك الله كل حير أخي الحبيب |
#4
|
رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
طبعا الباشمهندس شريف قال فيما فيه الكفايه و عاوز اضيف معلومه صغيره
عربيات اتوماتيك كتير حتلاقي فيها زرار مكتوب عليه over drive او مكتوب od و هيا بنفس المعني علي فكره الزرار دا وظيفته بينقل الفتيس من الغيار الرابع الي الغيار التالت و بيوقف الفتيس علي كده و دا بتستفيد منه لو ماشي علي سرعه 80 مثلا و عاوز تعدي من عربيه بسرعه او عاوز تجميع سريع فجأه فبتضغط علي الزرار دا يقوم الفتيس ناقل من الرابع للتالت و تلاقي العربيه سرعتها زادت بمعدل اسرع . لكن لحد سرعه 120 تقريبا حتلاقي صوت الموتور بقي عالي جدا و السرعه مش بتزيد و ساعتها حتدوس علي الزرار دا تاني تقوم العربيه واخده الغيار الرابع و تكمل زياده في السرعه. و الزرار دا موجود في العربيات اللي فيها في الفتيس ارقام 1 و 2 بس اما لو العربيه فيها 1 2 3 يبقي الزرار دا مالوش لازمه و رقم 3 بيبقي بديل الزرار يعني في العربيات اللي مافيهاش الزرار لما تحب تزود سرعتك و تسحب تقوم جايب الفتيس من الd الي 3 و دا تأثيره حيبقي زي تأثير الزرار بالضبط و لحد ما توصل و تلاقي العربيه صوتها بيعلي من غير زياده في السرعه تروح مرجع الفتيس تاني الي d ارجو انك تكون فاهم الكلام مش متلخبط لان النقطه دي بتلخبط ناس كتير اوي
__________________
حـازم خـضـر
|
#5
|
|
رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
و علامه سالب يعني بتنزل من رابع الي تالت الي تاني الي اول يعني لو انت بالعربيه اول ما تركب حتدوس فرامل و تجيب الفتسي ناحيه ال+ العربيه حتعشق الغيار الاول و بعدين تجري عليه شويه تقوم جايب الفتيس تاني ناحيه الموجب العربيه حتعشق التاني و تمشي شويه و تاخد التالت بنفس الطريقه لما تيجي تهدي تقوم منزل الغيارات بعلامه ال - لحد ما توصل للغيار المناسب للسرعه اللي انت ماشي عليها زيها زي المانيوال بالضبط
__________________
حـازم خـضـر
|
|
|