دستور مصر المسودة الأولى لدستور لجنة الـ50 المعدل

[ahmed_eng2001]

المشاركة الأصلية كتبت بواسطة SUPER MARIO لو تسمحلى يا استاذ احمد نكمل كلامنا من حيث وقفنا انا على قدر معرفتى ان المقصود باستراتجيات تحقيق امن البلاد هى الخطط المستقبلية و طويلة الامد زى استرتيجيات التعامل مع الفكر التفكيرى و اعادة دمجهم فى المجتمع لكن الوسيلة بتاعت تحقيق الامن هى القبض عليهم و ملاحقتهم و الاستراتيجية هى المراجعات الفكرية ليهم اتمنى اكون موفق فى توضيح فهمى لهذه النقطة و ده مثال على انا فهمته و اللى قدرت اوصله فى الفهم و البحث و اتمنى اسمع رد حضرتك طبعا يا استاذ احمد هناك فرق كبير بين موازنة و ميزانية كلنا كنا بنسمع ان مشروع الموازنة بتاع الاخوان كان يهدف الى 140 مليار جنيه عجز فقط فى الميزانية الفعلية الموازنة هى توقع مستقبلى لميزانية تحاول تحققها و تلتزم بيها قدر امكانك مجلس الدفاع الوطنى هيناقش ميزانية القوات المسلحة لكن الميزانية مش عارف و سؤالى هل موازنة القوات المسلحة تختلف عن ميزانيتها و هو ده زى ما بيقولوا هيبقى مربط الفرس و اللى هيوضح لحضرتك الاشكالية ديه ليا و ليك

شكر يا باشا على شرح الفرق
و بصراحة باين ان حضرتك تعبت على ما فهمت الموضوع ده ... بس اخوك مش بيفهم الكلام الجامد ده

موازنة القوات المسلحة ( و الله اعلم ) هى الخطة المستقبلية للأنفاق داخل القوات المسلحة
الفواتير .. و الحاجات الى فى المخازن .. هى دى الميزانية
الناس اشترت ايه فعلا ... و بكام
و كما ذكرت للاستاذ سلفرلايت .... لم ارى كلمة ميزانية فى دستور 2012 و لا 2013 ... و ارجو تصحيحى لو كنت مخطأ

و بصفة عامة دستور 2013 ... فى باب القوات المسلحة .... باستثناء المادة 234 .. فهو افضل من دستور 2012

[tamer.koko]

المشاركة الأصلية كتبت بواسطة AbOnOrA اونطة ايه بس يا تامر انا اول مرة اشوف نص دستورى يقعد وزير دفاع مدتين رئاسيتين والرئيس ميقدرش يغيره ياراجل ديه بقت مسخرة وونبى يا عم احمد متتكلم عن الاخوان والعسكر متخلينيش احطلك اخبار وصور ومواقف وفيديوهات تملى 100 مشاركة عن صفقات الاتنين مع بعض عامة كل طرف فيكم مبقاش شايف الا نفسه وكتر الكلام ممنوش فايدة انا بس عايز اقول انى رافض الدستور ومقاطع للاستفتاء وما سيترتب عليه

انت عارف يا ابو نورا من اول الثوره اني كاره لحكم العسكر
بس لما توصل المرحله انهم يبقوا هم والاخوان بس
يبقي طبعا حكم العسكر في سبيل اباده للاخوان لاي فعلا مبحبهمش نهائي
وهاتلي بطه بلدي في مواجهه الاخوان هنتخبها وبطه بلدي في مواجهه العسكر مع عدم وجود الاخوان برده هنتخبها
ولو ماده واحده في الدستور مش عاجباك فده شئ طبيعي لان مينفعش نتفق كلنا علي حاجه واحده
وياعم وائل انا عارف انك مش عاجبك اللي احنا فيه بس نعمل ايه قدر وواقع لازم نتقبله لحين التغيير

[ahmed_eng2001]

المشاركة الأصلية كتبت بواسطة tamer.koko انا مقدرش ازعل منك يا بشمهندس احمد انت اخ وصديق عزيز وشخصيه محترمه فعلا وانا اللي اتشرف بالحوار مع حضرتك ومينفعش ازعل منك بجد والمشاركه بتاعتي اللي هي كاريكاتير نزلت مني وهي مش مقصوده فعلا كانت لموضوع تاني والله وانت اللي اوعي تزعل مني وفي انتظار اي سؤال نتناقش فيه سوا كلنا كمجموعه محترمه لبقه تهتم بالدستور وببلدنا مصر الحبيبيه وتحياتي لمعاليك يا بشمهندس

و الله دى شهادة اعتز بيها جدا من شخصية زى حضرتك
ده انا الى بتشرف بالحوار مع حضرتك
... و زى ما الناس القديمة ما كانت بتقول ... ربنا يديم المعروف
و ان شاء الله النقاش يقربنا من بعض اكتر و اكتر
ولا يهمك فى البوست بتاع حضرتك .... حضرتك مش محتاج تعتزر و لا حاجة

[SUPER MARIO]

المشاركة الأصلية كتبت بواسطة ahmed_eng2001 شكر يا باشا على شرح الفرق و بصراحة باين ان حضرتك تعبت على ما فهمت الموضوع ده ... بس اخوك مش بيفهم الكلام الجامد ده موازنة القوات المسلحة ( و الله اعلم ) هى الخطة المستقبلية للأنفاق داخل القوات المسلحة الفواتير .. و الحاجات الى فى المخازن .. هى دى الميزانية الناس اشترت ايه فعلا ... و بكام و كما ذكرت للاستاذ سلفرلايت .... لم ارى كلمة ميزانية فى دستور 2012 و لا 2013 ... و ارجو تصحيحى لو كنت مخطأ و بصفة عامة دستور 2013 ... فى باب القوات المسلحة .... باستثناء المادة 234 .. فهو افضل من دستور 2012

فعلا انا مش عارف هل ميزانية القوات المسلحة بتناقش و لا لا بس اكيد بتناقش بس ايه الدليل انا مش عارف
و اللى قصدته بالشرح اللى فى الاول انه انت عندك ارهاب فى سيناء ايه هو سبيل تحقيق الامن هو مواجهة العناصر الارهابية و القبض عليها و الاسترتيجية مواجهة الارهاب هى انى اعمل معاهم مراجعات فكرية علشان اثنيهم عن الفكر المتطرف ده و اضمن انه ميرجعوش تانى ليه لتحقيق استراتيجيتى لحقيق الامن فى المستقبل
و الجزئية بتاعت ميزانية القوات المسلحة انا قاعد لحد دلوقتى عمال ادور بس عايز لما اكتب راى فيها يكون عندى سند قوى قاطع عشان مبقاش بقول كلام و خلاص
تحياتى لك

[ahmed_eng2001]

المشاركة الأصلية كتبت بواسطة SUPER MARIO استاذ احمد اسمحلى اختلف معاك فى الرأى كثيرا "اختلاف الراى لا يفسد للود قضية" طيب ما شيخ الازهر غير قابل للعزل و كل اللى هيعمله الرئيس انه هيصدق على تعيينه و كذلك بابا الكنيسة طالما فتحت الباب ان كل واحد يختار قيادته اللى تخدم مصالحه و تنميه و اقرت بحق الناس فى ده ليه بقى عايز تاخد و تسحب الحق ده من ابناء القوات المسلحة انا راى المتواضع ان المادة ديه لازم تبقى مستمرة ان القوات المسلحة او المجلس الاعلى لها يشترط موافقته على وزير الدفاع بشروط و ضوابط قبل تعيينه و تبقى مستمرة على طول مش لمدتتين فى الرئاسة فقط تحياتى لك

انا بأكد على جملة حضرتك ... اختلاف الراى لا يفسد للود قضية

انا مش موافق على موضوع ان شيخ الازهر غير قابل للعزل و لا النائب العام غير قابل للعزل ......
انا موافق ان يكون فيه ضوابط و قوانين للاختيار .... بس حتة غير قابل للعزل دى .!!! انا مش موافق عليها تماما
نتكلم فى النقط دى لما نوصلها ان شاء الله