مشكلة فتيس الاوكتافيا A4 و ِA5 الاوتوماتيك وطرق حلها

[sayif]

عزيزي

المشكلة انة لايتم تغييرة عند الحد الاقصى 30000 كم بسبب ان المطقة جوها حار لذا لايفضل المشي بزيت

الفيتس اكثر من 30000 كم

وكل فيتس اتوماتيك لة زيت خاص بة

تحياتي

سيف

العراق

[lordadel]

والله يا باشا الكلام دوة مضبوط وانا كمان متفق عليه عالشان انا بعمله عندى في الاوكتافيا
بس الموضوع للناس الى مش عارفين موضوع الزيت دوة او الوقت اتاخر عليهم في غيار زيت الفتيس او كانو شاريين العربية مستعمله ومش متاكدين من ان صاحبها غير الزيت ولا لأ

[essam attia]

المشاركة الأصلية كتبت بواسطة lordadel بسم الله الرحمن الرحيم في البداية ارجوا من الادارة تثبيت هذا الموضوع لإفادة اكثر عدد من الاعضاء. طبعاً كلنا اكيد عارفين المشكلة ديه وهيه فى موديلات من 2005 الى الله اعلم لأن باقى الناس لسه مكملتش 60 الف عالشان نقدر نحكم فيه ناس بتقلك لغاية 2008 بس ديه معلومة مش مؤكدة وللى مش عارف المشكلة انا هقولها بإيجاز " هيه بإختصار وجود نتشه خفيفه او كبيرة عند تغير النقلات . طيب وايه السبب السبب هوة جزء في الفتيس بنسمية في مصر عقل الفتيس valve budy ودوة عبارة عن خريطة من المجارى الصغيرة بيتحرك جواها زيت الفتيس الى مع الوقت بتتكون فيه رواسب نتيجة الاحتكاك في الفتيس المهم ان الرواسب دية بتتراكم في عقل الفتيس مما يسبب ضيق الفتحات التى يتحرك بها الزيت ويسبب النتشة" طيب والحل ايـــــــــــــــــــــــ ــــه ببساطة انك تغير زيت الفتيس والفلتر بتاعه كل 60 الف كيلو على الاكثر بس المهم يكون الزيت الأصلى. طبعاً الكلام دوة لو حضرتك جايب العربية معاك من الزيرو وبكده هتحافظ على الفتيس وان شاء الله مش هيكون فيه مشاكل معاك خالص بس انا عامل الموضوع دوة عالشان الناس الى شارية العربية ديه مستعمله ومش متأكدين انها عملت صيانة ال 60 الف وغيرت زيت الفتيس والفلتر بتاعه ولا لأ. احنا عاوزين نحط ايدينا على المشكلة عالشان بصراحة كل واحد بيبوظ عندة عقل الفتيس بيبقى صيده لكل الميكانيكية ومبيبقاش عارف يعمل ايه وفى الغالب بيضحك علية وفى الاخر بيروح التوكيل وبرده التوكيل بيشتغله وبيدفعة مبلغ كبير جدا نتكلم في صلب الموضوع انا بنصح كل واحد اشترى العربية ديه وماكنشى يعرف موضوع الزيت دوة أو انه مش متأكد من ان الراجل الى شارى العربية غيره ولا لأ انه يغير الفلتر بس "انا طبعا قصدى الفلتر بتاع زيت الفتيس" ويمشى بالعربية شوية حوالى 2000 كيلو وبكده يكون حد شوية من موضوع الشوائب الى في زيت الفتيس وممكن يكرر العملية دية مرة كمان حسب حالة الشوائب وبعديها يتوكل على الله ويغير الزيت والفلتر بتاعه وهوة مطمن وكمان وهوة عند الميكانيكى الى بيغيرله زيت الفتيس انه يغيره بالطريقة الصحيحة وهيه كالأتى الاول لازم تعرف ان الفتيس بياخد 8 كيلو زيت ودول كلهم لازم يتزلو فيه قربة بداخل الفتيس بتاخد 3 كيلو والفتيس بياخد 5 كيلو طيب ايه هيه الطريقة الصحيحة لتغيير الزيت هيه كالأتى يفك الطبة بتاعة القربة وهية فى الجنب وينزل كل الزيت الى فيها وبعدين ودية مهمة جدا جدا يفك الطبة بتاعة الفتيس وينزل حوالى كيلو واحد وبعدين يزود زيت ماتور عادى من الرخيص ويكرر نفس الخطوة ديه الى بنسميها غسيل الفتيس يعنى نفضل ننزل كيلو وبعدين نحط كيلو وبعدين ننزل 2 كيلو ونحط كيلو وهكذ لغاية لما الزيت كله ينزل خالص كدا احنا نزلنا الزيت كله بكل الشوائب الى فيه نقوم بقى نحط الزيت الجديد ونركب الفلتر بتاعه وان شاء الله كله هيكون تمام والله الموفق

شكرا على هذا المجهود الرائع والمفيد على وجه الخصوص للى عندة ال a5 استعمال ومش عارف تواريخ الصيانة اللى اتعملتلها من الآخر زى حلاتى كدة ,, لكن السؤال هل حضرتك جربت هذا الحل بنفسك وكانت النتيجة جيدة ,,, ارجوا ان تدلنى على الميكانيكى اللى عمل الموضوع دة أو رقم تليفون حضرتك للتواصل ,,مع الشكر

[lordadel]

السلام عليكم ورحمة الله وبركاته استاذ عصام
انت ممكن تروح عند احمد زاهر فى صقر قريش المعادى على الاوتسوراد
بس الاول خليه يكشفلك على زيت الفتيس الاول هل هوة نظيف ولا فيه شوائب لو نظف اديله 20 جنيه وخليه يقفل المصفحة وتوكل على الله وامشى
اما لو فيه شوائب خليه يغيرهولك وممكن كمان يغسلك عقل الفتيس لو الشوائب كتيره
وشكرا

[حمادة حسنالشربينى فرج]

موضوع جميل جداااااااااااااا