تقرير صيانه عربيتى رينو كليو 2004 عند الاستاذ حمدى (مخترع مانويل بدون دبرياج)

[M0hamed Hasan]

Untitled Document
enjoy

المشاركة الأصلية كتبت بواسطة M0hamed Hasan Untitled Document enjoy

http://www.donkennedy.co.uk/Clio/BleedNipple.jpg



http://truckparts365.com/uploads/3/0...30_orig.jpg?76
This Coolant is a conventional green-colored -containing inhibitors providing protection from overheating, rust and corrosion when used as recommended.
Must Test Regularly
Must Change when needed. ~~!!

ahmed_eng2001, nktis

[M0hamed Hasan]

الحمد الله تمت عمليه الصيانه بنجاح و تغيير اشياء اخرى بعد جوان وش السلندر
العربيه اتظيت فى السلانسيه و لكن فاجاه رجعت تبرجل تانى فى السلانسيه و كده الاستاذ حمدى قالى لا سبهالى على رواقه اشوفها براحتى قلتله امين و قضيت اليوم معاه بتفرج عليه و هو بيشتغل فى عربيات تانيه اكنى صبى هههههه الصراحه الفرجه عليه و هو بيشتغل ممتعه و بتعلم حاجات جديده و كان الاسطى راشد بيفج المتور بتاعى تانى و اتكلت انا على الله الساعه 6 المغرب و كنا متفقيين ان العيب من بوابه البنزين و الهوا كده او من حاجه جوه المتور المهم انا قلتله فك علشان انا شاكك فى المتور قالى ماشى و انا حكلمك اضمنك
المهم كلمنى الساعه 3 الصبح للاسف معرفتش ارد كنت مقتول نوم
و كلمته تانى يوم قالى فى 2 صباب فى ميله بسيطه و 6 منملين عايزيين يتعملوا قالى حتعملوا عند الخراط و ملكش دعوه المهم انا قلتله اغير الطقم كله قالى لا ملهاش لازمه و حرام فلوس على الفاضى المهم قلتله ماشى اتكل على الله اشتغل بعد شويه كلام فى الجزئيه دى انا كنت عايز اغير و هو كان عايز يصلح و فى الاخر كلام الاستاذ حمدى هو الصح لانه عارف حيعمل ايه المهم نخش فى قطع الغيار
1- بليه سير الكاتينه على ما اعتقد بى 75 جنيه صينى
2- جلد صباب بى 120 جنيه فرنساوى و دخت عليهم و لقتهم عند واحد بس فى التوفيقيه
علشان قصه طويله لان شركه رينو فاجاه بعد ما نزلت اول دفعه من الكليو موديل 2004 فرنساوى قررت تنزل بقيه الدفع من السياره تركى فى نفس السنه و دى شى غريب المهم كل ما اجيب حاجه للعربيه تتطلع مش هى و اروح اغيرها تانى و مشاوير كتير بقيت كل ما اشترى حاجه للعربيه اقول كليو 2004 1.2 فرنساوى حتى فلتر الزيت مختلف حاجه تجنن
المهم عم حمدى خلص النهارده و روحت استلمت العربيه اقدور اقول و الله العربيه بدون مبالغه حاله المتور و صوته و السحب افضل من حالتها اول ما اشتريتها من الراجل و كان لسه عملها سرفس و تشك فى التوكيل و كله سنه و انت طييبين و عيد سعيد
ان شاء الله فى فيدوهات للعربيه فى اول دواره و تجربه لم اجبهم من الاستاذ حمدى حنزلهم فيهم الاسطى راشد الفنان القادم من السودان
و كمان انا مشيت بيها حوالى 5 كيلو و انا مروح مشاء الله العربيه مش بتسخن و كل حاجه تمام و العربيه سحبها ممتاز ما شاء الله و احب اقول كلمه اخيره للناس الى بتقول ان ورشه عم حمدى مش اد كده و فى مكان شعبى الورشه بالناس الى فيها مش بالمكان ولا الشكل و يا عمى لو عايز واحد ياخد العربيه منك و يقولك يا باشا اتفضل و يجبلك لمون بالنعناع يبقى روح التوكيل و اقعد هناك و ابقى سلملى عليهم معاك
معلش كانت كلمه فى نفسى اقولها

[محمد فيصل]

1000 مبروك اتمام صيانه سيارتك
بارك الله لك فيها وحفظك الرحمن
بارك الله للعبقرى حمدى وكل العاملين معه فى العلم والصنعة
اللهم يسر وذلل لعبادك كل صعب يا ارحم الراحمين