#11
|
||||
|
||||
رد: هو الجواز بقى موضة قديمة ولا انا اللى قديم
حاجة تانية لازم تاخدوا بالكم منها
الدلع بيبوظ العيل وآخرتها لما هيمسك قرش هيبيع أهله لازم يحس بقيمة القرش مش كل طلباته تتنفذ صحاب السوء مش بتوع سجاير ومخدرات وبنات بس لألألأ صحاب السوء اللى ممكن يتعلم منهم خصال دنيئة ومتردية تنطبع فى شخصيته طول العمر خللى بالكم من الموضوع ده اوى اوى كان ليا صحاب زمان كانوا كدا والحمدلله ربنا بعدهم عنى والفضل لربنا ثم لأمى ربنا يبارك فى عمرها ويحفظها واللى حصل مع صديق انه كان صحابه بتوع مصلحتهم واتعلم منهم الكذب والنفاق وقلة الأصل وف الآخر بعد لما مسك وظيفة ساب البيت لأهله واتجوز وعصى ابوه وامه بعد ماتعبوا وشقيوا عليه تعب السنين موضوع صعب |
#12
|
||||
|
||||
رد: هو الجواز بقى موضة قديمة ولا انا اللى قديم
العالم بيتهيأ لحدث الله اعلم بيه و زيى ما قال الاستاذ هشام الصح اننا نهتم بعيالنا و نصادقهم و نكسب ثقتهم و نشغلهم بالرياضة و العبادة و الاخلاص رغم انى مختلف معاه فى موضوع ان مفيش انتشار الحاد لأ للاسف منتشر جدا جدا و بالفعل انا اعرف ناس كتير و ربنا يهديهم و يهدينا و متفق معاه ان الاسلام الصح بينتشر غصب عن المتطرفين جميعا دا كلام ربنا و ربنا يعينك على كل خير لصالح المنتدى
__________________
سبحانك لا علم لنا الا ما علمتنا |
#13
|
||||
|
||||
رد: هو الجواز بقى موضة قديمة ولا انا اللى قديم
الأب مهتم بالملايين بتاعته والام طول ال24 ساعة ف ال48 ساعة حمامات شمس وكريمات ومغربى والذى منه انما الناس العاديين اللى زينا ربنا يوفقنا فى اداء مهمتنا حتى لو ماكملتش ربنا اعلم بالنوايا ونصيحتى او بمعنى أدق انا مش بتكلم او بنشر اى حاجة تخص الدين او السياسة سواء بالإيجاب او بالسلب حاجة كمان عاوز أقولها ان لاعزة إلا بالإسلام ولو كره المشركون التهديد اللى بنقابله فى طبقتنا احنا بالذات انى على سبيل المثال من 6 الصبح ل 8 او 10 بالليل برا البيت ويمكن ناس كتير اوى زى حالاتى لكن ايه العمل ..... تربية الأولاد مش سهلة والعيشة صعبة والمصاريف ما بتخلصش والله المستعان |
#14
|
||||
|
||||
رد: هو الجواز بقى موضة قديمة ولا انا اللى قديم
موضوع متشعب ومعقد جداً
بدايته الاهتمام بكلام الناس : من ناحيه اى فتاه تأخر زواجها لازم ان يتم الزواج فى فندق .... لابد من الاشتراك فى نادى .... لابد من مدرسة ..... لابد من رحلات .... داخليه وخارجيه والكارثه المختلطه دراما وسينما تبث كل ما هو فاسد فى المجتمع مع عمل الشو الكافى من الرفض ليحدث الاهتمام بعد عن الدين وصل حتى اصبح الصلاه فى المساجد تهمه تسبب الس وج دوامه الحياه وغول الاسعار والسعار المجتمعى بكل اسف كل من يستطيع التحكم يمارس ابشع الوسائل مع من يتحكم به ولا يكفى بوست او صفحة او مجلد اللهم يسر علينا بفضلك ورحمتك وعفوك اللهم ارنا الحق حقاً وارزقنا اتباعه وارنا الباطل باطل وارزقنا اجتنابه اللهم مثبت القلوب ثبت قلوبنا على ديينك اللهم صل وسلم وبارك عليك يا سيدى وشفعيى معلمى وحبيبى يا رسول الله
__________________
|
#15
|
||||
|
||||
رد: هو الجواز بقى موضة قديمة ولا انا اللى قديم
الموضوع دة شائك
مش هتصدق ان السبب الرئيسي ...العند او القولبة سواء البنت او الولد ال 2 سقف طموحاتهم عالي وصغيرين بقي والدنيا بمبي ميرضاش يتنازل عن فكرة معينة في دماغه وهي كمان ولما تبتدي تكسر الحواجز شوية تتنازل عن حاجة واحدة بس وهكذا لحد ما في الاخر بعد مرحلة معينة تقرر متتنازلش خالص اية الي يخليه ( ا ) بمرور الوقت يستغني عن روتين حياته او يلخبط الخطة اليومية بتاعته اية الي يخليه يتنازل عن جزء من املاكه لحد وللاسف كل ما تزيد المدة بتبقي دايرة ترجع للبداية تاني خلاص منظم الحياة بطريقة معينة وكاره للتغيير للاسف فعلا كل شخص بيكره التغيير وبعدين هيتجوز لية مثلا والحياة سهلة والدنيا مفتوحة ومفيش مشاكل وكل مدي الدنيا بتتطور وحاجات كتير تشغل الوقت يبدا يصدق نفسه ويقتنع انه معندوش وقت للجواز لان في هدف وقتي او لحظي مهم دنيا ..دوامة .. وكل ما يطلع علي عيوب النفس البشرية يزهد اكتر ويطلع عيوب اكتر في كل الاشخاص رغم ان هو شخصيا بشر واكيد فيه عيوب الفكرة ان البيت المصري بقي تفكيره ان اهم حاجة وسلاح الشخص الشهادة والعلم وبيفهموا الطفل كدة من صغره فيركز اوي في الشغل والعلم والدنيا ويحس ان الزواج بقي عقبة وبيعطل عن تحقيق الاهداف والطموح الحل طبعا الالتزام والاهتمام بالدين والام تفهم ولادها ان من صغرهم الزواج دة هدف اساسي والحاجة الغريبة بقي ان فعلا فكرة تزويج الاولاد في سن صغير بجد اعظم شئ اولا مرحلة العند لسة ماتكونتش ثانيا هيتطبع بصفات الطرف الاخر بسهولة ثالثا بقي مفيش حاجة اسمها ضعف امكانيات اللي عايز يحوز عياله مش هيدق في حاجات ملهاش لازمة لو لقي الشخص كويس يعني ايجار ؟ اية المشكلة دهب ؟ عفش ... كل واحد بيتجوز بالمتاح له وربنا بييسرها من حيث لا يحتسب بمجرد النية المشكلة الحقيقية في العند او القولبة عشان كدة كمان نهي النبي صلي الله عليه وسلم ان يبيت الرجل منفردا يعني بعد وفاة الزوجة.. النبي صلى الله عليه وسلم حث علي الزواج لية ؟ عشان ميتعودش عالعزلة لانها للاسف زي المرض او اعوذ بالله السرطان. ..لما تبتدي...تتوغل والخلاص منها صعب او مستحيل مفيش حد عانس في حد من الاخر ابتدت رجله تنزلق وعجبه الوحدة وقرر يستمر اولا واخيرا هو رزق من الله يؤتيه من يشاء احنا بناخد بس باسباب دنيوية
__________________
بسم الله الرحمن الرحيم
وما كان ربك نسيا صدق الله العظيم |
|
|