خلوص تاكيهات نصر 127 الأستاندرد 900 سي سي

[ahmed_eng2001]

متابع

[hotmoud]

طب هو كدة مش ممكن ان الموتور يسخن و يسحب بنزين ولا انت متاكد ان الظبطة دى فعلا مريحاك لان انا سالت ميكاينيكى قالى 30 كويس او ممكن كمان اربعين ؟

[Hisham.Elgazzar]

25 عادم و 25 بنزين ماتفرحش انك محمل التاكيهات وان صوتها منخفض العربية هتفرفر منك فى الصيف

[bikerloser]

أشكر كل من اهتم و قام بالرد على موضوعي .

من خلال استخدامي للعربيه بعد الظبطه الجديده و هي 15 هوا و 20 عادم لاحظت:
أولا:
- نعومه و سحب رائع لم أعهدهما في عربيتي .
- صوت أهدأ للموتور.
- توفير ملحوظ في البنزين.

ثانيا:
بالنسبه للسخونه فأنا سافرت مشوار 200 كيلو في وقت الظهرأول امبارح و العربيه سخنت مني جدا لدرجة اني اضطريت اريح في الطريق 5 مرات!
لكن قلت ان السخونه دي سببها :
- العربيه لسه خارجه من عمره .
- الرادياتير نوعه رديء و اكتر من صنايعي متخصص رادياتير نصحني بتغيره.
- أنا سافرت في يوم الجو كان فيه حر .
سوف أقوم بتغيير الرادياتير قريبا ان شاء القدير و سأخبركم بالنتيجه.

ثالثا:
قيم الخلوص دي أنا جبتها من كتالوج المصنع .