نفسى حد يفهمنى

[كيمو كار]

معلش حد يفهمنى .. سمعت فى حوار للاستاذ عبد المنعم ابو الفتوح انه سيجعل الجيش للدفاع عن البلد فقط وان ميزانية الجيش تاتى من ميزانية البلد .. بمعنى ان كل مشاريع الجيش اللى الجيش عملها علشان يصرف بيها على نفسه من اسلحه وتدريبات وجنود اتخذها البلد ... والبلد هى اللى اتصرف على الجيش .... بمعنى بنزينه الوطنية اتبقى بنزينه تابعه للبلد مثل مصر للبترول .. مزارع الجيش اللى بيأكل بيها الجنود اتبقى قطاع عام... فنادق الجيش اتبقى فنادق قطاع عام .. بمعنى لو الجيش حب يشترى طائرات حربية جديده مثلآ بتتكلف الآف المليارات من الجنيهات ايتقدم بطلب وينتظر لما الميزانية العامه توافق ولا لئه .. وطبعآ الميزانية العامه مش اتسمح ..

حابب اسأل سوال وحد يجاوبنى .. هو فى مؤسسة بتصرف عليها الدولة وطلعه قوية .. مثلآ الشرطه .. امناء الشرطه فى الشوارع بيسنكحوا على سواقين الميكروباصات وبياخدوا منهم فلوس علشان مرتباتهم قليله . الاقسام لم يتم تجديدها من 50 سنه وثانى حاجه الاسلحه عندهم قديمة وسياراتهم من 50 سنه ومففيش تجديد ..
ثانيا التعليم المدارس تعبانه المدرسين بيعطوا دروس خصوصيه طول النهار والليل علشان مرتباتهم تعبانه ..

الجيش كمؤسسه مصارفها كتير جدآ محتاجه ميزانية لوحدها ومينفعش الدولة تصرف عليها فقط ..
خلاصه الكلام لو الجيش ميزانية اتبقى من ميزانية الدولة فقط من غير المشاريع اللى بيعملها علشان يصرف بيها على نفسه ايوقع ..

وعندى سوال تانى .. حسنى مبارك ترك كل مؤسسات مصر ضعيفه باستثناء المؤسسه العسكرية .. قوم اللى ايجى ايوقع المؤسسة القويه مش ايعالج المؤسسات الضعيفه ..
واكرر مشاريع الجيش لازم تبقى للجيش علشان الجيش يعرف يصرف على نفسوا .

وحرام اللى يجرب يجرب فى الجيش يروح يجرب فى مؤسسه تعبانه زى الشرطه اهى كده كده وقعه .........

[ابو فاروق]

في حاجات كتير ومعلومات كتييييييييييير ناقصة عندك يا كيمو لازم تقراها وتثقفف نفسك اكتر من كدا بكتير . دية نصيحة اخ ليك .
وهرد علي جزء صغير من اسئلتك
--

مفيش حاجة اسمها يكون للجيش مؤسسات خاصة بية .
عمرك شفت عسكري امريكي واقف بيخبز عيش ! ولا بيطرب تحت البهيم !!
ولا واقف بيعملي سخان او بوتجاز ؟
بعدين يا مستر كيمو الجيش كل مصاريفو من الدولة اساسا . يعني انت فكرك المشاريع دية بتجيب ربع مصاريفو ؟! او حتي 5% من مصاريفو ؟؟؟؟
بعدين مفيش سلاح فالعالم سعرو الاف المليارات !!!! عشان تكون الطيارة ألي هنشتريها بكدا .

بعدين الجيش دة مش ملك لحد دة ملكنا كلنا . ولازم نقوية ونديلو كل ألي عايزو انشالله لو طلب الميزانية كلها . بس نعرف هتروح فين ..
يعني عايز اقلك اني الاكل والشرب ألي بتقول علية مال سايب . والعساكر فالمطبخ بياخدوة البيت بالهبل وساعات بيسترزقو فية كمان . كل حاجة جوة الجيش ببلاش .. هي فالحقيقة بفلوس . والمال السايب يعلم البوظان .
بعدين مبارك . بيقولو انة واخد 3% من ثفاقات السلاح الي عملها للجيش المصري . وشوية طلعت 10% وشوية قالو دية 11 مليار جنية ! .. هنا بقا اسمو فساد . لانك مش عارف فالاصل هيا ماشية ازاي ! فكل حاجة غلط هتعرف تداريها .

دولة المؤسسات تعني ان كل مؤسسة مسئولة عن تخصصها .
الجيش عمود من اعمدة الدولة لا يزيد اهمية عن الدخلية ولا يقل .
لذالك علية ان يعمل علي تقوية وتحصين نفسة لا يعمل علي خبز العيش !

بعدين انا زعلان منك لانك شايف اني الدخلية مش مهمة زي الجيش . طبعا بالعكس .
تعرف اني اي دولة فالعالم مبنية علي 6 اعمدة .. من ضمنها عمود الدخلية ..ألي لو سقط تسقط اعمدة الدولة الاخري كالقضاء وخلافة ..
الداخلية في نظري اهم من الجيش فالوقت الحالي . لاني انا اعدائي دلوقتي مش من خارج مصر . بالعكس اعدائي من داخل مصر . والمسئول عن حمايتي داخلياً هيا الداخلية مش الجيش .
فلا نقلل ولا نجرب

انا ضد ابو الفتوح . لكن مش ضد الفكرة

----
مثال علي معلوماتك ألي تحتاج للمراجعة والتدقيق .

- في عصر مبارك الداخلية كانت اقوي وصاحب نفوذ اكثر بكثير من الجيش
- في عصر مبارك كان الجيش ليس بذو القوي .. في ثفقات اتعملت بحوالي 40 مليار جنية غير معروفة للان اين الاسلحة او اين الاموال .
- في عصر مبارك وعلي مدار ال 30 عام لا يوجد ميزانية للدولة لا يوجد بها عجز مفتعل ! وفالنهاية يندرج تحت مصاريف سرية .
- الداخلية تقوم بشراء سيارات سنوية وجديدة وماشاء الله الثورة خلت كل الاقسام تتنضف لانها اتعملت من جديد تقريباً


تقبل تحياتي

[كيمو كار]

سيدى الفاضل ابو فاروق تحياتى لك وشكر على التوضيح والنصيحة ... لكن عندما يكون عندك ابناء وواحد منه مصاريفوا كتير قام اشتغل وصارف على نفسوا .. انت رحت قلتوا لا هات مرتبك وانا اصرف عليك زى زي اخواتك ..

باختصار كل المؤسسات اللى بتصرف عليها الدوله من غير ما تكون ليها دخل تانى من نفسها مؤسسات فقيرة غير قادرة على تحديث نفسها .. وضربت لحضرتك امثله بالشرطه والتعليم ...

دلوقتى لما يجىء رئيس ويأمن مشاريع الجيش وتصرف الدوله على الجيش .. الجيش ايبهدل زى الشرطه وزى التعليم ..

حسنى مبارك فعلآ بوظ كل مؤسسات الدوله باستثناء المؤسسه العسكرية لانه عمل لها دخل تانى تصرف منه بجانب الميزانية ..وهنا لا اتكلم عن الفساد لان الفساد طايل كل المؤسسات بما فيهم المؤسسه العسكريه انا بكلم عن القوه وليس الفساد .. بديل عندما ضربت الفوضى البلاد كل المؤسسات تقريبآ سقطت باستثناء المؤسسه العسكرية ...

وهنا اقول بان المؤسسة العسكرية تمثل امن قومى سقوطها معناه سقوط مصر ..

ثانى حاجه ميزانيه الجيش لازم تبقى سريه مش كل الناس تعرف اسرار الجيش عندوا كام طيارة ومدرعه وبيجيب مصاريفوا منين ويصرفها ازاى .. يعنى فى حساب اكيد لكن الكلام ده لا يناقش فى البرلمان علانية كده لازم يبقى فى لجنه متخصصه على اعلى مستوى من السريه .. لجنه تبقى رئيس الجمهورية والمجلس العسكرى مع الساده المختصين فقط..

لكن استاذ عبد المنعم عاوز يناقش ميزانية الجيش فى جلسه علانية بالبرلمان زيه زى غيره من المؤسسات على اعتبار ان الجيش مش على راسه ريشه زى ما علق الثوار على وثيقه السلمى ..
معلش ده رائى ان الجيش يمثل امن قومى ولازم نحافظ عليه ومنبهدلوش واللى ميعيرفش قيمة الجيش ولا يعتبره امن قومى لا يصلح يبقى رئيس ...