رحله تجديد رخصة القيادة

[acer]

الاخوة الاعزاء

حبيت انى اشارك بتجربتى فى تجديد رخصة القيادة معاكم طبعا فى البدايه اخذت اجازة مخصوص ونزلت الساعة 9 صباحا لمرور مدينه نصرعلشان دة بتاع ساكنى مصر الجديدة ومدينه نصر علشان شهادة المخالفات طبعا الاختراعات والفتاوى بتاع المرور لازم تقف فى طابور طويل بتاع النيابه علشان تتطلع شهادةالمخالفات وتدفع 5جندى بدل مايخلوا شباك لتجديد السيارت وشباك لتجديد رخص القيادة عاملين كله مع بعض المهم بعد ساعة خلصت
وطلعت على مستشفى رابعة العدويه عملت شهادتين باطنه وعيون 50جنيه وبعدين تختم الشهادات من عندهم والموضوع كله فى ربع ساعة
وتطلع بقى على وحدة المرور بتاع رخص القيادة اللى فى التجمع الخامس طبعا بعد استفسارات وتوجيهات الصحاب علشان اقدر اوصل ليها فهى بقى كالتالى حتطلع الدائرى من اى حته فى اتجاة المعادى وحتخش من مدخل التجمع الخامس واول ماتلاقى دون تاون على شمالك دة مول كبيرة جدا وسهل انك تلاحظه حتخش فى اول شارع يمين حتفضل ماشى فيه لاخرة حتلاقى مدرسه الشويفات على يمينك وفى وشك سور القطاميه هايتس وحتلاقى تقاطع حتعديه وتخش شمال وتفضل ماشى حتلاقى سور القطاميه هايتس ماشى معاك لغايه ماحتلاقى مدخل يمين ومكتوب على اوله وحدة المرور الخاصة برخص القيادة تخش وتفضل ماشى على طوال لاخر الشارع وتخش شمال على طوال فى يمين حتلاقى وحدة المرور فى وشك
حتخش وفى المدخل على اليمين حتلاقى وحدة تصور المستندات حتصور البطاقة وتشترى ملف تجديد وتخش الوحدة حتديهم الملف وحيدوك ايصال دفع الضربيه 52جنيه حتدفع فى الخزينه وتشترى طلب تجديد حتملى الطلب وحترجع تديهم الطلب وايصال السداد حتطلع حتلاقى وحدة التصوير على اليمين حيصورك وتطلع برة الوحدة فى كشك بتاع تسليم الرخص ربع ساعة وحتلاقى نفسك خلصت
وعقبال العشرة سنين اللى جاين بقى هو المشكله كلها فى بعد المكان بس بس العمليه سهله واعتقد انة لازم تبعد عن يوم السبت لانه بيبقى زحمه

[نبيل عبدالرحمن]

مبروك وياريت لو يعملوها كل 20 سنه !!!!!!!!!!!!!!!

[acer]

لى فكرة فى تونس الرخصة والبطاقة بتطلع مرة واحد فى العمر بس هنا لازم تجدد كل اوراقك بطاقة شخصيه كل 7سنيين والرخصة كل10سنين ورخصة العربيه كل سنه حضرتك تعتقد الحكومه حتعمل ايه فى الموظفين اللى عندها لو عملوا قرار باالحاجه دى تطلع مرة واحدة فىالعمر ؟؟؟؟؟؟؟؟؟