فعلا من مناظرة النهاردة عمرو موسي رجل دولة من الطراز الأول

[nktis]

[khaabas]

المشاركة الأصلية كتبت بواسطة nktis

علشان حاطط رجل علي رجل بقي فرعون موش تحامل بزيادة علي الرااجل هههه
وفي النهاية الشعب هو اللى هيقول كلمته

[miam0502788391]

يا سلام على عمرو موسى فى المناظرة
لما تكلم عن ذمته المالية الراجل قال عدد من الافدنة فى بلدتى ( لا قال عددها ايه ولا بلده تطلع فين ) والراجل دخله الشهرى دخل معقول ( يعنى كام جنيه يعنى ياعم الحج )
الذمة الصحية زى الفل واحسن كمان ( على اساس ان 76 سنة ليس لديه امراض شيخوخة)
فى الدول المحترمة هناك تخصص فى الطب فريد لا يدرس هنا بشكل مستقل وهو طب المسنيين اللى السيد عمرو موسى ينتمى ليهم بالطبع
ده غير الألاطة اللى باينه فى ردودوه تدل فعلا ان من طبقة ارستقراطية عمره ما شاف سكان المقابر ولا الى بيقفوا فى طوابير العيش .....الخ
الخلاصة احسن حاجة تاخدها من عمرو موسى الكلام , الراجل بيتكلم كويس ودبلوماسى كويس جدا لكن تاخد منه فعل مفيييييش

[hossamdoaaaa]

ياباشا يعنى تشيل ذنب نفسك نقول ماشى لكن تشيل ذنب اى حد بتحرضه على انتخاب الفلول يبقى خلى بالك من نفسك وربنا يرحمك برحمته الواسعه ده فلول خمورجى عن جداره كلامنجى ومتشوفش منه الا كلام


انتخبو عمرو موسى فلول من الماضى القريب وحرامى المستقبل القريب

[كيمو كار]

المشاركة الأصلية كتبت بواسطة nktis

فعلا انا حسيت فى الجزء اللى رأيته فى المناظرة أن عمرو موسى كان متكبر جدآ وبيكلم وراسه فوق ومنخيره فى السماء وكأنه مش عاجبه حد وكان دايمآ يريد التحقير من الطرف الاخر وبيكلم بعصبيه بصراحة معجبنيش خالص وكويس انى رايت هذه المناظرة قبل الانتخابات.. على عكس عبد المنعم كان متواضع ولم يظهر اى تعالى على الطرف الاخر وبصراحة المناظرة دى خلتنى اثبت على عبد المنعم ابو الفتوح ... وصرفت النظر نهائيا عن عمرو موسى