خبر سىء جدا:البرادعى ينسحب من سباق الرئاسه !!

[Saif eldien]

اقول لكم خلاصة الموضوع البردعى راجل كويس 100% رغم انة مش ملاك لا يخطى
وانما عصر عبد الناصر وتشبة بة مينفعش
ولو انت فعلا قلبك على البلد وعايز تفيد البلد فدها من اى مكان مش لازم تبقى رئيس
ولو لازم يبقى متبعش الناس وتصدم علشان البلد ال انت بتقول انك هتغير فيها حجات الى الاحسن
يعنى تبقى قد مسؤلية 85 ملون نسمة ولا تنسحب
كما فعل كل الروساء المحترمين زى جمال عبد الناصر والسادات ولا تتشبة بعبد الناصر
دة خلاصة الكلام من غير نقل معلومات ولا خطب لة ولا اى شى
ولو قلنا انك حد كويس وكنت ناوى تترشح فى الرئاسة مش هقول انت ناوى من كام سنة انما هقول بقالك سنة عملت اية زى مانت بتحاسب المجلس العسكرى خلال السنة دة انت عملت اية برضة وفدت البلد ازاى
يا جماعة ال عايز يفيد البلد يقدر يفدها من غير ميكون رئيس جمهورية

[esafegypt]

يا ناس يا هووووو كلامى مباشر هو اسرائيل عندها نووى وال لا ؟ عندها والكل عارف
ليه عم البرادعى الشريف متكلمش ايام مكان فى منصبة عن النووي اللى داخل اسرائيل ؟ كل اللى كان همه العراق العراق ومسمعناش منه اى كلمة على اسرائيل ده كافى انه يكون عميل .............

[silverlite]

وصفت صحيفة «لوس أنجلوس تايمز» الأمريكية اليوم انسحاب محمد البرادعي من سباق الترشح فى الإنتخابات الرئاسية المصرية انه بمثابة «نكسة استراتيجية» بالنسبة إلى الناشطين الليبراليين والعلمانيين في مصر.
وأوضحت الصحيفة في تقرير أوردته على موقعها الإلكتروني أن الليبراليين والعلمانيين في مصر علقوا آمالا كبيرة على ترشح البرادعي رئيس الوكالة الدولية للطاقة الذرية السابق للرئاسة المصرية لعبور مصر نحو الإصلاح.

[حازم شاهين]

المشاركة الأصلية كتبت بواسطة esafegypt يا ناس يا هووووو كلامى مباشر هو اسرائيل عندها نووى وال لا ؟ عندها والكل عارف ليه عم البرادعى الشريف متكلمش ايام مكان فى منصبة عن النووي اللى داخل اسرائيل ؟ كل اللى كان همه العراق العراق ومسمعناش منه اى كلمة على اسرائيل ده كافى انه يكون عميل .............

للتوضيح فقط إسرائيل ليست عضو فى الوكالة الدولية للطاقة النووية و غير موقعة على إتفاقية حظر الإنتشار النووى

و بالتالى الوكالة لا سلطة لها قانونا على إسرائيل و أنشطتها النووية

فى حبن إن إيران و العراق و كل الدول العربية أعضاء فى الوكالة و موقعين على الإتفاقية و بالتالى بيخضعوا لسلطة الوكالة بموجب الإتفاقية

أما تصوير إن رئيس أو مدير الوكالة يستطيع أن يحرك أنشطة الوكالة و سياستها وفق رؤيته و سياسته فهذا التصور فيه سذاجه لإن سياسات الوكالة و أنشطتها رهن بإتفاق رغبات و إجماع أعضاء الوكالة من الدول المختلفة و بالتالى تتحرك الوكالة و إدارتها وفق ما تقتضيه التوازنات الدولية و الظروف السياسية لكل حالة على حدى .

برامج ومهام الوكالة مهام الوكالة توجهها مصالح وحاجات الدول الأعضاء، الخطط الاستراتيجية والرؤية المجسدة في النظام الأساسي للوكالة. تحدد برامج وميزانيات الوكالة من خلال هيئات صنع القرار بها والتي تتشكل من 35 عضو من مجلس المحافظين والمؤتمر العام من جميع الدول الاعضاء. تقوم الوكالة بإصدار تقارير دورية عن أنطشتها بشكل دوري أو عن قضايا أو مسائل المفوضة إلى مجلس الامن والجمعية العامة للامم المتحدة. تعمل على تشجيع الاستخدامات المأمونة والسلمية للطاقة الذرية مع توقي استخدامها المدمر. تعمل على أن تكون المحفل العالمي لتقاسم المعارف والتقنيات النووية بين البلدان الصناعية والنامية على حد سواء. هنالك ثلاثة محاور رئيسية -أو مجالات للعمل- تساند وتؤيد مهمة الوكالة: السلامة والأمن، العلوم والتكنولوجيا، الضمانات والتحقق.

الإقتباس منقول من ويكيبديا

[silverlite]

علاء الاسوانى وتحليل لاسباب قرار البرادعى
http://www.youtube.com/watch?feature...&v=RQqocTz6mSQ