العربية البرسونا محدش يشترى العربية دى

[Mohamed Elhasafy]

السلام عليكم
هو حضرتك إشتريتها منين؟!... المفروض إن التوكيل قال إن البيرسونا 2011 لن تصل قبل شهر مارس و مكانش فيه ولا عربية فى التوكيل لإن مشكلة بروتون زى ما حضرتك عارف إن العربيات بتاعتها قليلة
كمان ياريت حضرتك تقولنا عملت إيه علشان تاخد فلوسك لما لقيت المالتى فانكشن و الطنابير بايظة لإن العيوب دى ماسمعتش عن توكيل رجع فلوس علشانها
و سؤال أخير: هى الطنابير كان فيها إيه بالضبط؟
معلش لكتر الأسئلة لكنى بحترم بروتون جداً و كل موديلاتها و طبعاً توكيلها عز العرب عنده قصور زى أى توكيل فى مصر بس مش لدرجة إنه ينصب على الناس و يغير فى تواريخ الموديلات (هو حضرتك كنت شاريها على أنها موديل سنة كام؟)
وفقك الله لما فيه الخير لك

[Mohamed Dahab]

يا ريت تفاصيل اكتر
عربيات بروتون كلها محترمه انا مستغرب جدا الصراحه

[booooy]

بفلوس البيرسونا تجيب اكسنت سبور او accent rb واشترى دماغك وان كان على الشكل كل العربيات حلوة

[v.r.6]

هيا كانت موديل 2010 وعملين عليها عرض. ومكنتش لسا رخصت العربية وبصراحة الناس بالتوكيل كانوا متفهمين معايا ولما طلبت استرجاع الفلوس وافقوا علا طول والله اعلم يمكن 2011 تكون مفهاش عيوب .

[فاطومه المصريه]

شكرا للتنبيه
بس ياريت توضح اللى حصل واللى حضرتك عملته بالظبط معاهم عشان ترجع العربيه بتاعتك
وان شاء الله العربيه الجايه تكون احسن