محتار ومحتاج مساعدة ارجوكم

[mohammed sayed mohammed]

انشاء الله نويت اما اشترى لوجان او لانوس بس محتار جدا انا مستريح للوجان اكتر بس خايف من كذا ميكانيكى قالى انا مبعرفش اشتغل فى اللوجان لكن الانوس كل الناس شغاليين فيها
وكمان سعر قطع الغيار اللوجان غالية والانوس رخيصة وكتيرة

فمش عارف هل فعلان مفيش ميكانيكية فى اللوجان وان قطع الغيار غالية

محتار يا شباب ومش عارف اعمل ايه ساعدونى

[joso]

ياباشا مفيش ميكانيكيا في مصر كلها في اي نوع كله فهلوه وشغل تلزيق انتا بتشتري عربيه جديده وعليها اقبال وانتشرت خلاص اتوكل على الله وصلي استخاره وهات اللوجان كل حاجه فيها حلوه وربنا يكرمك و حافظ على الصيانه بتاعتها واحترم السياره تحترمك واهن السياره تهينك وده في اي نوع حتى المرسيدس انا انصحك باللوجان ولاتنسى صلاة الاستخاره

وفقك الله لما فيه الخير ان شاء الله ومبروك مقدمااااااا

[Ahmed.gunners]

لو هتابع في التوكيل وهتصرف كتير علي العربية خليك في اللوجان

[محمد فيصل]

طبعا الوجان بدون تفكير ولكن عليك وعلى التوكيل
لا تنسى رد joso
اللهم وفق عبادك لكل خير الدنيا والفوز بالجنه انشاء الله

[ringoo]

نفسى اعرف فين اللى حتدفع على اللوجان
انا عامل 13000 كيلو ما صرفتش عليها غير 400 جنيه صيانة ومنهم تمن الزيت
ولسة على ال 15000 كيلو عندى صيانة مجانا ... وربنا يحينا حتى صيانة ال 20000
يعنى تبقى عامل 20000 كيلو ب 400 جنيه صيانة والله يا بلاش