مشكلة ضعف السحب جدا جدا

[drmedo82]

السلام عليكم
الفيديو اللي هحط الرابط بتاعه ده انا جبته من علي اليويتيوب وتقريبا هوا لاخ عزيز هنا في المنتدي او منتدي اخر له جزيل الشكر طبعا وبوضح تسارع الاسبيرانزا a516اللي انا شايفه ما شاء الله تسارع كويس جدا وده رابط الفيديو

[AbOnOrA]

احرق على الغيارات قبل ما تنقل وشوف طريق يكون منزل ولا يكون الهواء فى ضهرك هتعمل فيديو احسن من ده وعامة الاسبيرانزا ديه سحبها ضعيف كده متتعبش نفسك ديه مش عربيه سحب ولا جرى وحتى وزنها التقيل مش كافى للثبات على السرعات

[mr_astra]

المشاركة الأصلية كتبت بواسطة AbOnOrA احرق على الغيارات قبل ما تنقل وشوف طريق يكون منزل ولا يكون الهواء فى ضهرك هتعمل فيديو احسن من ده وعامة الاسبيرانزا ديه سحبها ضعيف كده متتعبش نفسك ديه مش عربيه سحب ولا جرى وحتى وزنها التقيل مش كافى للثبات على السرعات

كدة هازعل منك لانك اكيد ما شوفتش الموضوع دة

سبرانزا 516 انتظرو المفاجاة - مصر موتورز مجتمع السيارات

والثبات كويس جدا

[drmedo82]

السلام عليكم
رحت للميكانيكي النهارده وحطها تاني ع الكمبيوتر وفاللي تمام وحط ايده من ورا علي الشكمان يشوف الهوا اللي طالع منه لقا الهوا سخن والعربيه علي السلانسيه قاللي في سده في الشكمان رحت لبتاع الشكمان وفك العلبه اللي ورا وقاللي مسدوده نضفها وغير كاوتشات وجوان وقفلنا ولقيت فعلا الهواء اللي طالع من الشكمان بقا اقوي وبقا بارد والعربيه علي السلانسيه
المهم طلعنا جربنا العربيه والمفاجاه ان
يبقا الوضع علي ماهوا عليه العربيه علي الغيار الخامس بتجيب 130 بالعافيه ودواسة البننزين مش بتزود سرعتها ولو زادت يبقا بالعافيه المهم بقا المياكانيكي بيقوللي انه طقم دبرياج لان الطقم عندي ضعيف لانه جاب سرعة 80 علي الغيار التاني وكان الار بي ام علي 6000 لفه بيقوللي المفروض يكون علي 5000 لفه بس
بس انا مش مقتنع ان دي مشكلة طقم دبرياج وبجد تعبت وصرفت كتير واتخنقت من العربيه
ياريت يا جماعه تفيدوني بالكلام الصحيح والمفيد

[osa92003]

انت واثق من الميكانيكى ده وهل هو فاهم اوى فى الاسبرنزا ..انا بقترح عليك تروح مركز خدمه ابو رواش وتعرف المشكله فين او مركز المتجده على الدائرى