العربيه اخرها 160؟؟؟؟؟؟؟؟؟؟؟؟؟؟؟؟؟ ليه؟محتاج مساعدة الخبراء

[drmedo82]

اولا كل عام وانتم بخير ورمضان كريم اعاده الله عليكم وعلي الامه الاسلاميه كلها بالخير واليمن والبركات


السلام عليكم اناالعربيه حاولت اجري بيها علي الطريق الدولي بتاع دمياط مفروض ان زي ما الناس هنا بتقول عن العربيه ان تجميعها كويس بعد سرعة 60 وفعلا تجميعها كويس لحد سرعة 100 وبعدين بيقل التجميع جدا جدا وبعد مجهود جبار جابت 160 بالعااااااااااااافيهومرضي تش تجيب اكتر من كده هل ده طبيعي؟
عربيتي a516موديل 2008 عداد 66000 كم ومغير بوجيهات جديده بوش 3 شمعه وزيوت وفلاتر
هل ده طبيعي ولا ايه اللي بيحصل؟
المشكله التانيه بقا
معلش بتقل عليكم بس محتاج فعلا مشورة اهل الخبره
كنت باسمع صوت زي تكتكه كده لما اكون باخد يوتيرن يمين او شمال
ورحت للعفشجي وقال كبالن وغيرت كوبلن يمين وكوبلن شمال بس الصوت ماراحش
ايه بقا المشكله؟هل ممكن تكون كبالن داخليه؟لان هوا غير الخارجي وسالته علي الداخلي قاللي سليم انتم ايه رايكم؟
ياريت اهل الخبره يفيدوني

[mr_astra]

لا طبعا السرعة اللى حضرتك حققتها مش هى سرعة العربية
شوف موضوعى فى قسم الـ 516 هتلاقى صورتين واحدة منهم على 220 كم/ساعة
لكن
حضرتك عارف ان كل قطع الغيار مضروبة بما فيهم الزيت
اكيد البوجيهات مضروبة
بالنسبة للطقطقة المفروض يكون الصوت راح نهائي طالما غيرت الكبالن الخارجية
لان الكبالن الداخلية تعمل صوت طقة فى الطوالى او صوت دردرة برضة فى الطوالى
العيب اللى عندك ممكن يكون بيضة الطرف بس دى بتتعرف بالاختبار بالايد سهلة يعنى مش صعبة بتكون مبوشة وخفيفة خالص مفهاش المقاومة المعروفة فى بيض الطرف

[drmedo82]

تسلم للرد الوافي يا مستر استرا بجد استاااااااااذ وكلنا بنستفيد من خبراتك
بس المشكله بقا ان البوجيهات المفروض انها اصليه ومش معقول اللي قبلها برده مكنتش اصليه والعربيه بتسحب كويس لحد سرعة 120 لو انا علي الغيار الرابع لكن لو جبت الغيار الخامس السرعه بتزيد بالعافيه والميكانيكي مش عارف فيها ايه وبيقول انها كويسه ومفيهاش حاجهبس كده علي كلام حضرتك فيه مشكله
توقعات حضرتك ايه للمشكله دي؟