سعر ماتركس لافيتا معاقين اتوماتك موديل فوق 2000

[حسام البورسعيدى]

حضرتك الافيتا حاليا فى بورسعيد مش هتقل عن 40 الف .. يعنى ممكن 42 او 43 او 45 وخصوصا انها اتوماتيك.. بس الحالات اللى بتيجى بتبقى غالبيتها زيرو .. وفى عربيات بتيجى بشويه اوبشنز زى الجنوط او يكون فيها كاسيت حلو كده ..

طبعا كركوبه الافيتا جميله واحسن من النوبيرا 2 (والنوبيرا 2 للعلم تبدا اسعارها من 30 الف الى 35 للحالة الشاذه) ..

انصح حضرتك تاخدى فكره فى بورسعيد مش هتخسرى حاجة بس حاولى تبعدى عن السماسره خالص وانا ممكن ادل حضرتك على كذا مكان تروحى عليه على طول علشان تلاقى طلبك باذن الله ...

بالنسبة للميزات الافيتا انها عربية عائلية وواسعه من جوه قعدتها تشبه الفان اكتر .. عيبها الكبييييييييير (من وجهه نظرى انا) هو التابلوه بتاعها .. انا شايف وجود العدادات فى نصف التابلوه ده شئ سخيف بالمره .. وقعده العربية اشبه بالميكروباص شويه واللى قاعدين جوه بيكونوا مكشوفين خالص للى بره لان الازاز مساحته كبيره اوى .. لكن دى مش عيوب ولكنها اذواق .. لكنها كعربية جميله جدا وناعمه ومريحه وصيانتها مفهاش اى مشكله .. ومتفرقش عن اى عربية كورى ..

يا اكون قدرت افيد حضرتك بالرد الكافى ...

تحت امرك يا فندم ..........

[راجية عفو الرحمن]

المشاركة الأصلية كتبت بواسطة حسام البورسعيدى حضرتك الافيتا حاليا فى بورسعيد مش هتقل عن 40 الف .. يعنى ممكن 42 او 43 او 45 وخصوصا انها اتوماتيك.. بس الحالات اللى بتيجى بتبقى غالبيتها زيرو .. وفى عربيات بتيجى بشويه اوبشنز زى الجنوط او يكون فيها كاسيت حلو كده .. طبعا كركوبه الافيتا جميله واحسن من النوبيرا 2 (والنوبيرا 2 للعلم تبدا اسعارها من 30 الف الى 35 للحالة الشاذه) .. انصح حضرتك تاخدى فكره فى بورسعيد مش هتخسرى حاجة بس حاولى تبعدى عن السماسره خالص وانا ممكن ادل حضرتك على كذا مكان تروحى عليه على طول علشان تلاقى طلبك باذن الله ... بالنسبة للميزات الافيتا انها عربية عائلية وواسعه من جوه قعدتها تشبه الفان اكتر .. عيبها الكبييييييييير (من وجهه نظرى انا) هو التابلوه بتاعها .. انا شايف وجود العدادات فى نصف التابلوه ده شئ سخيف بالمره .. وقعده العربية اشبه بالميكروباص شويه واللى قاعدين جوه بيكونوا مكشوفين خالص للى بره لان الازاز مساحته كبيره اوى .. لكن دى مش عيوب ولكنها اذواق .. لكنها كعربية جميله جدا وناعمه ومريحه وصيانتها مفهاش اى مشكله .. ومتفرقش عن اى عربية كورى .. يا اكون قدرت افيد حضرتك بالرد الكافى ... تحت امرك يا فندم ..........

شاكرة لحضرتك جدا على الرد زوق حضرتك يا ريت لو حضرتك عندك حد يكون مضمون و بعيد عن السماسرة تفدنى و اكون شاكرة جدا لحضرتك و يا ريت بالرقام التليفونات لو امكن

[حسام البورسعيدى]

المشاركة الأصلية كتبت بواسطة راجية عفو الرحمن شاكرة لحضرتك جدا على الرد زوق حضرتك يا ريت لو حضرتك عندك حد يكون مضمون و بعيد عن السماسرة تفدنى و اكون شاكرة جدا لحضرتك و يا ريت بالرقام التليفونات لو امكن

مفيش اى مشكله يا فندم .. حضرتك انوى بس وهقول لحضرتك على اماكن تروحى تاخدى فكره فيها .. ولو نويتى تشترى هدل حضرتك على ناس كويسه برضه تروحى ليهم ..

بالتوفيق يا فندم ..

[راجية عفو الرحمن]

[QUOTE=حسام البورسعيدى;866999]مفيش اى مشكله يا فندم .. حضرتك انوى بس وهقول لحضرتك على اماكن تروحى تاخدى فكره فيها .. ولو نويتى تشترى هدل حضرتك على ناس كويسه برضه تروحى ليهم .
استاذى الفاضل مانا ان شاء الله ناوية لان الجواب معايا و خلاص كل المشكلة انى مش عارفة استقر على نوع كويس و مايتعبنيش فيما بعد
يا ريت لو حضرتك عندك خبرة تفدنى و جزاك الله عنا كل الخير

[حسام البورسعيدى]

المشاركة الأصلية كتبت بواسطة راجية عفو الرحمن اسفة انى بزعج حضرتك بس بجد محتاجة مساعدة من حد فاهم لانى خلاص معايا الجواب و واقفة على الشراء بس محتاجة استقر على نوع عربية مايتعبنيش فيما بعد فالو حضرتك عندك الحبرة لكى تفدنى اكون شاكرة لحضرتك جدا

يا فندم انا تحت امر حضرتك .. مفيش اى تعب ولا حاجة ...

بصى حضرتك بالنسبة للنوع .. فى نوبيرا 2 وكيا شوما ولافيتا وفى عربية جميله اوى ارشحها لحضرتك اسمها هيونداى افانتى بتيجى موديل من 2000 الى 2004 وسعرها فى الاربعينات يعتبر مقارب لسعر اللافيتا (معاقين) .. والعربية دى هى هى الالنترا نفس الموديل مع اختلاف الاسم وممكن بعض الاوبشنز الزياده فى الافانتى .. فمفيش قلق باذن الله من موضوع قطع غيار وكده ..

هى مش بتيجى كتير زى الافيتا والنوبيرا بس موجوده وانصحك بيها .. عربية سيدان شيك وفخمة من جوه وموتورها ممتاز وسحبها حلو وواسعه من جوه ومريحه .. وطبعا برضو الموضوع يرجع ليكى اولا واخيرا ..


عموما الافيتا والافانتى عربيتين حلوين وتقييمهم يعتبر واحد .. الفرق بس اختلاف نوع العربية ما بين سيدان او مينى فان ..

طبعا فى كيا شوما .. عربية حلوه برضو بس قطع غيارها قليلة شويه والهيونداى افضل منها ..

طبعا النوبيرا 2 غنيه عن التعريف عربية شيك وواسعه وقطع غيارها متوفره جدا ورخيصة .. عيبها الفتيس الاتوماتيك ضعيف حبتين .. بس مع حضرتك هيبقى تمام .. طبعا النوبيرا 2 ارخص يعنى اسعارها للحالات النضيفة الاتوماتيك فى حدود 32 الى 35 حسب الموديل ..


عموما هو للاسف الاختيارات مش كتيره فى المعاقين بس العربيا بتبقى معظمها اشبه بالجديد .. بس لما حضرتك تيجى تشترى باذن الله اهتمى بالتأكد من حالة الكاوتش مثلا حالة الصالون والكراسى وكده .. كماليات العربية كلها تكون شغالة من تكييف لانوار للازاز وكل الاوبشنز .. الفوانيس تكون سليمه ونضيفه .. ..تدوير العربية وسماع صوت الموتور لفتره والانتظار لما تسخن كويس وملاحظة العادم من الشكمان .. هى دى الحاجات اللى هتقدرى تراجعيها فى العربية كويس واللى ممكن يكون فيها ملاحظات .. لكن بخلاف ذلك العربيات كلها تقريبا بيكون مفهاش عيوب ..

يا رب اكون افدت حضرتك ولو فى اى استفسارات انا تحت امرك ....