احترسوا يا ركيبة الهوندا من علاء حفني

[Ahmed El Khawaga]

الى كل واحد معاه هوندا و من سكان المعادي او بيشتري قطع غياره من المعادي.

يا جماعه انا فضل يتنصب على لمدة سنتين من واحد الله لا يكرمه و دائما يفضحه اسمه علاء حفني في منطقة صقر قريش بالمعادي.

الراجل ده اكتشفت انه بيبيع اي قطعة غيار او اكسسوار بضعف الثمن على الاقل.
و الله ضعف الثمن على الاقل و الحمار اللي زي حالاتي و ميعرفش الثمن الحقيقي يلبس.

للاسف اول مره اركب هوندا و لقيت حاجتي كلها عنده و عمري مافكرت اجيب حاجه من بره لحد ما اكتشفت المصيبه.

في يوم اشتريت من عنده طنابير و تيل و باعلي التيل الرمسا الاسباني ب 170 جنيه و التيل طلع و حش جدا و مبيبطلش تصفير, قلت مش مشكله امشي بيه و بعد 6 اشهر بفحص التيل عند ميكانيكي اسمه محمود (طلع شريك ليه) لقيته خلصان!!! رحت اشتريته من عنده تاني فباعهولي ب 270 جنيه!!.

روحت سألت عليه بره طلع ب 70 جنيه بس. طبعا رجعت و اتخانقت معاه و مع محمود الميكانيكي و اعترف عليه من اول قلم. محمود يبعتك لعلاء و يخليك تغير حاجات سليمه بجديده علشان هو يكسب و علاء يكسب.

و دي قائمه لبعض الحاجات اللي اتنصب عليا فيها مع العلم اني راكب هوندا اكورد 1991 كامله اوتوماتيك خليجي:

اشاره امامي 65 و هو اصلا ب 30 بس
طرمبة بنزين 1400 و هى ب 400 بس
غطاء ريداتير 50 و هو ب 20 بس
وصلة مياه رفيعه 60 و هي ب 15 بي

و كفايه لحد كده علشان ابتديت اتخنق من نفسي و ارجوكم محدش يعلق عليا بالسلب انا مبهدل و متخانق مع نفسي بما فيه الكفايه.

[sherif fersh]

يعوض عليك ربنا
و الحمد لله انك اكتشفت النصابين دول

[Raafat Raslan]

ربنا يعينك و قد الله و ما شاء فعل
تجار فى منتهى الطمع و الجشع

[moslem2]

ربنا يعوض عليك وماتزعلش ربك بيعوض حتى لو مش فى المال وفى نفس الوقت بينتقم من الظالم والحرامى والنصاب مهما طال الزمن ولاانت ماشوفتش المحكمه الدستوريه جمب مستشفى المعادى

[azzat 55]

يا ا/ أحمد متزعلش نفسك وأستعوض ربنا وصدقنى ما فيش حق بيضيع وهيفضل حقك عند الراجل ده ليوم الدين وهناك سيأخذ كل ذى حقاً حقه . والحمد لله عل كل شئ .