ازاى تظبط كهرباء عربيتك

[dr_eslam_66]

المشاركة الأصلية كتبت بواسطة Hisham.Elgazzar لأ الحمدلله ان العربيات الإنجيكشن مش بتحتاج الموضوع ده خااااالص كل حاجة الكمبيوتر هو اللى بيعملها وهو اللى بيتحكم فى كل حاجة من الألف للياء

طيب الحمد لله إبن حلال والله الكمبيوتر دا .
وفر علينا وعلى نفسه.

[MAYO CAR]

اللى انا فهمته من كل الكلام ده انه فى نقطة تعتبر اعلى نقطة للبستم ونقطة تعتبر نقطة اشعال البوجيه
طيب بقى المهم دلوقتى ازاى اعرف افرق بين النقطتين واهم حاجة طبعا نقطة الشرارة

[spare parts]

المشاركة الأصلية كتبت بواسطة Hisham.Elgazzar لأ الحمدلله ان العربيات الإنجيكشن مش بتحتاج الموضوع ده خااااالص كل حاجة الكمبيوتر هو اللى بيعملها وهو اللى بيتحكم فى كل حاجة من الألف للياء

كلام جميل جدا بس احب ازود معلومه ان مش كل المواتير الانجكشن كده , يوجد سيارات انجكشن لها اسبراتير الكترونى يتم ضبطه ايضا بهذه الطريقه و على سبيل المثال و ليس الحصر السيارات الهوندا موديلات ال تسعينيات و الاوبل التسعينيات و غيره

[spare parts]

المشاركة الأصلية كتبت بواسطة MAYO CAR اللى انا فهمته من كل الكلام ده انه فى نقطة تعتبر اعلى نقطة للبستم ونقطة تعتبر نقطة اشعال البوجيه طيب بقى المهم دلوقتى ازاى اعرف افرق بين النقطتين واهم حاجة طبعا نقطة الشرارة

كل سياره لها طريقه فى كيفيه الضبط لكن عموما الفكره واحده يوجد سيارات يتم ضبطها بمسدس ضبط الكهرباء و يوجد سيارات يتم ضبطها باجهزه كشف الاعطال المخصوصه و يوجد طرق كثيره ابحث عن افضل طريقه ضبط لسيارتك ولا تنسى ان كل سياره و لها طريقه ضبط و فكره الاشتعال عموما واحده ....

[abokoko]

المشاركة الأصلية كتبت بواسطة mr_astra السلام عليكم ورحمة الله شوفت اكتر من سؤال هنا الاعضاء بيشتكو ان الكهرباء بتاعة العربية ماخرة او مقدمة فقلت اعمل موضوع منفصل خاص بتلك المشكلة اولا اعراض المشكلة فى حالة ان العربية تكون مقدمة كهرباء بتسمع صوت صفع ( تسقيف ) وبيبان اوى وانت بتعدى مطب مثلا والصوت التسقيف دة مضر جدا باجزاء المحرك الداخلية علاوة على عدم الاحساس بالرضى عن سحب العربية والتسارع وايضا سخونة اكثر من اللازم اما فى حالة ان الكهرباء ماخرة بتلاحظ خروج دخان لونة اسود من الشكمان وتهبيب البوجيهات بصفة مستمرة واستهلاك بنزين زيادة عن المعدل الطبيعى وبطا فى السحب وبرجلة على السلانسية الحل: وطبعا الطريقة دى تنفع فى المحركات الكربراتير والاسبراتير العادى الخطوات: جرى العرف ان مصممين المحركات بيعملو علامات لظبط كهرباء المحرك والعلامات دى بتكون موجودة على طنبورة الكرنك وما يقابلها من دليل على جسم المحرك من برة تملى بتكون 3 شرط او زنبة او ما شابة ذلك وطبعا لان المحركات كتيرة ومش معقولة انى اقول كل محرك على حدة فاليكم الطريقة التالية ( معلش هى طريقة ميكانيكية بحتة بس دى الاصح) 1- فك البوجية رقم ( 1 ) الامامى واغلق فتحة الوجية بصباعك الكبير وخلى حد يديلك سنة مرش متقطعة ( تك....تك...تك) لغاية اما تحس بضغط خارج من فوهه فتحة البوجية 2- هات مفك رفيع ودخلة على راس البستم 3- ادى العربية الرابع وزقها فى اتجاة الامام الى ان تصل باقصى ارتفاع للمفك ودى اهم نقطة فى الموضوع لازززززززززززم المفك يكون فى اقصى ارتفاع لة 4-افتح كونتاكت العربية 5- والخطوة دى ليها طريقتين هاسميها رقم 5 و5 مكرر (55) 5- ركب سلك البوجية فى البوجية ولمس جسم البوجية على اى جزء معدن فى جسم المحرك بحيث انك تقدر تشوف الشرارة الخارجة من البوجية 55- ( مكرر) هات لمبة 5 وات بالدواية بتعتها ويكون خارج منها سلكتين واربط سلكة فى الطرف الموجب للموبينة والسلكة الاخرى فى الطرف السالب للموبية 6- فك الاسبراتير بمفتاح 13 ( تهوية المسمار فقط ) 7- لف الاسبراتير كليا يمين او شمال الى ان اما فى الخطورة رقم ( 5 ) تنط الشرارة من قطبى البوجية او اما ان فى الخطوة رقم ( 55 ) مكرر تضىء اللمبة 8- دلوقتى تقدر تربط مسمار الاسبراتير باحكام 9- اربط البوجية رقم ( 1 ) المخلوع 10- دور وادعيلى

الطريقة دى عملها ميكانيكى فكيت الاسبراتير علشان اغير الابلاتين بنفسي ومعرفتش
والتقسيمة اختلفت
فعمل الحركة لحد ما ظبط التقسيمة