طرمبة بنزين خارجية ؟؟
السلام عليكم ورحمة الله وبركاتة
امبارح العربية لقيتها فجأة كدة الاربى ام بينزل لوحدة وبطلت وحلفت طلاق ماهى دايرة تانى
فكيت خرطوم البنزين اللى جاى من التانك لاقيتة مابيجيبش بنزين خااالص
فقولت اكيد طرمبة ركنت العربية ورحت جبت ميكانيكى وبفتح الكونتاكت راح الخرطووم جااب بنزين والطرمبة اشتغلت راح الميكانيكى نزل تحت التانك وخبط خبطتين كدة وقالى خلاص هى كانت معلقة
المهم مافيش 3 دقايق راحت مبطلة تانى وفكيت الخرطوم لاقيت مافيش بنزين برضو
روحت شارى طرمبة خارجى المانى وخرطوم بنزين وكوليهات والميكانيكى ركبهالى وركب الكهربا بتاعتها فردة فى سلك الموبينة وفردة الارضى فى صدرا العربية
المهم دورت دارت ومششيت زى الفل
مافيش عشر دقايق لاقيت العربية بتنتش جامد وراحت مبطلة ادوور مافيش 3-4 مرات كدة وراحت دارت
وحوار النتشة دة بقى بيحصل كذا مرة لو ملحقتهاش وزودت بنزين جامد العربية ممكن تبطل منى
المهم انا اسف للاطالة كان عندى كام استفسار كدة
1- الطلمبة الخارجى دى حل عملى اسيبها على كدة ولا هاتبوظ منى كدة كدة بفعل السخونة بتاعت الحوض وعشان مابتتبردش صح زى اللى فى التانك ؟!
واية سبب التنتيشة اللى بتحصل دى ؟؟؟ هل دة من الطرمبة الجديدة ولا ممكن يكون وساخة فى الكربيراتير مثلا
2 - بالنسبة للطرمبة القديمة مش ممكن بكون الفيوز بتاعها اضرب مثلا او الريلاى اللى علية الفيوزات اللى فى الحوض دى ولو كدة اكشف عليهم ازاى ولا اجيب زيهم منين ؟؟ عشان انا حاسس ان الطرمبة القديمة الاصلى دى لسة سليمة بس بتعلق مثلا من فيوز او الكتاوت بتاتعتها ولا حاجة
|
07-10-2013, 12:06 AM
