تشبيع غيار الاسبيرانزا a113 ومشكلة السحب والمطالع

[Eng . Mano]

انا برده العربية عاملة كده معايا ، سحبها ضعيف شوية و فعلا على المطالع بتبقى حنينة اووووووووووى .
بس طبعا انا متأكد ان ده كله حيتعالج بعد صيانة الالف لانهم فى الصيانة دى بيظبطوا الموتور على الكمبيوتر و بيغيروا زيت التليين ده ، فبأذن الله كل ده حيروح بعد الالف كيلو الاولى ؛؛

[ابن فنان]

الف مبروك وربنا يكفيك شرها

[maxxatta]

اولا مبروك على العربية
ثانيا انا كانت عندى نفس المشكلة لكن بعد الصيانة 1000 بقت حاجة تانية وممكن تشوف كل مشاركاتى حتلاقى كل اجوبة لكل المشاكل ان وجدت بس موضوع الغيار دى صعب اوى
تغير بعد ال6 كفاية بعد 4 فى الاربى ام عشان براحة على العربية وطول عمرها وبعدين عشان صوت العربية وبلاش اجهاد ليها وموضوع المطالع هيتحل بعد صيانة الالف هتشوف اداء اخر وعلى العموم اى سؤال انا تحت امرك

[سيف الدين سعيد]

المشاركة الأصلية كتبت بواسطة maxxatta اولا مبروك على العربية ثانيا انا كانت عندى نفس المشكلة لكن بعد الصيانة 1000 بقت حاجة تانية وممكن تشوف كل مشاركاتى حتلاقى كل اجوبة لكل المشاكل ان وجدت بس موضوع الغيار دى صعب اوى تغير بعد ال6 كفاية بعد 4 فى الاربى ام عشان براحة على العربية وطول عمرها وبعدين عشان صوت العربية وبلاش اجهاد ليها وموضوع المطالع هيتحل بعد صيانة الالف هتشوف اداء اخر وعلى العموم اى سؤال انا تحت امرك

بالظبط كده . زى ما قال أخونا Maxxatta . العربيه دى مش بتاعة لعب وطيش شباب . هى شبابيه بس محترمه جدا . وخليك حنين معاها عشان تقددرك . اصبر فى التليين وخليك على ال 60 او ال 80 لو انت فى طريق مفتوح . وخصوصا اننا لسه فى جو حار . وبعد الألف والصيانه العمليه حاتتحسن معاك . وبعد ال 5000 حاتلاقيها زى الفريره . انا زى ما قلتلك . كنت باجيب بيها ال 140 مرتاحه على الصحراوى . بس ماتنساش موضوع الفرامل دا مهم جدا جدا جدا .
وربنا يكفيك شر طريقك وطريقها .

[مادا]

أولآ شكرآ ليكم على الرد والافادة وعلى اخلاقهم العليا فى الرد لكن ممكن سوال تانى هى الصيانة الدورية بتتكلف كام انا سمعت ان قطع الغيار غليا وتغيير سير الكاتينة والتكييف فى صيانة ال30000 بيعدى الالف جنية وصيانة العشرة تلاف بتكلف 700جنية الكلام ده صح