موضوع معقد شوية و محتاج نصيحه

[zing0]

متفكهاش وخللى فلوسك فى جيبك وهقولك على خمسين سبب يقنعك بس للأسف انا ف الشغل ومش عارف اكتب............... بلاش تفكها طلاما شغالة

كل سنه و أنت و إحنا و جميع أعضاء مصر موتورز و المسلمين بخير
النهارده الجمعه, منتظر سبب واحد لأن الموضوع علشان (مزمن) عاوز أفهم ايه المشكله فى كده
- أنا سألت كذا ميكانيكى و قالو ده تغيير جوان مفيهوش حاجه, زى أى جوان بنشيل القديم و نحط جديد و نضبط تاكيهات و شكراً
و المصنعية من 100-150 بالجوانات (الفرق من كذا صنايعى)
الميكانيكى اللى جنبى بيقولى, هنفك و نشوف الوش, لو اتمسح قبل كده يبقى جوانين, متمسحش يبقى جوان واحد
--- أنا أللى مخوفنى ان الكاتينه عندى كاوتش مش جنزير , فمش عاوز أقلل إرتفاع غرفة الحرق علشان لو لاقدر الله الكاتينه اتقطعت البساتم متوصلش للصبابات, و ربنا يستر, ده السبب أللى أنا خايف منه, و الحذر لا يمنع القدر.

مستنى رأيك و باقى الإخوه الخبراء

[ahmed_eng2001]

متابع ... الله يكون فى عونك

[zing0]

أفيدونا أفادكم الله

[حمدى مخترع مانيوال بدون د]

احتمال سرفو او تاكيه مقفول بس اوعى تفك الوش وخلى بالك لو المنفول مش مربوط كويس يعمل هذة وخلى بالك لو وش الكربربرتير جوانو مش كويس يعمل هزة فالمتور الا2 جوان ليس لهم اى دخل فالهزة

[zing0]

مش شرط ان يكون سبب الرعشة علي السرعة الخاملة قواعد اوضبط الكهرباء او سرعة اللاحمل للموتور لكن لو كل ده سليم وبحالة جيدة والتقيسمة مضبوطة والار بي ام بين 550 و900 لفة/دقيقة طبعا كل السعة اللترية ما بتكون اعلي سرعة اللاحمل بتكون اقل يبقي بيكون العيب ميكانيكي جوه المحرك نفسة وبيكون ياما تهريب من جوان وش الموتور نتيجة تحمصة لزيادة حرارة المحرك او تقفع الوش وانبعاجة وبرضة بيسبب هروب الضغط اوتلف البلوك برضة وبيسرب ضغط لسلندر من السلندرات وممكن تسريب مياة بسيط برضة كذلك عدم احكام الصبابات علي قواعدها بيسرب ضغط وبرضه رعشة الايديل نتيجة عضة اوانثناء الصباب وبرضة لو شنبر او مكبس مكسور نتيجة الحرارة الزائدة للموتور بيسبب نفس العيب انت لو متاكد من الاسباب الاولي تماما يبقي لازم تقيس كبس الموتور والسلندرات ومايكونش الفرق في الكبس بين سلندر واخر اكتر من 1 بار ولال بيكون السبب من السابق ذكرة

ده كان رد أحد الاخوه
بصراحه الراجل كفى و وفى, أروح أشوفلى مكنه استيراد أحسن علشان الرعشة تروح
أو أبيع العربية زى مقولت من الأول
و ربنا يعوض عليا فى كل المصاريف دى

تم إختبار و تغيير الآتى بعد ظهور المشكله ----------------------------------------------- - البوجيهات من التوكيل و ضبط الخلوص على الفيللر - أسلاك البوجيهات - أبلاتين و كوندنسر و ضبط الخلوص عالفيللر - إعادة ضبط التقسيمة أكثر من 3 مرات عند صنايعية مختلفين و كلهم مغيروش و ضعها - سيرفو الفرامل - قواعد الموتور - جوانات المانفولد و قاعدة و نص الكربراتير - تنضيف الكربراتير و ضبط العوامة و مقاسات البيكات و ضبط الهوا و البنزين و الخلاط - الموبينه - تغيير البنزينه و نوع البنزين (92) - التاكيهات - طرونبة البنزين - الشاكمان و الجوان بتاعه - فلاتر هوا و بنزين و لسه بتعاند, و ديتها لميكانيكية فى آخر بلاد المسلمين علشان ناس كتير بتشكر فيهم , و برضة و لا الهوا ناقص أوديها لشيخ يرقيها و لا دكتور نفسانى لأن المشكله مش باين لها علاج عضوى