|
#1
19-04-2012, 01:49 AM
|
|||
|
|||
أساسيات صيانة سيارات الجيب و الربع نقل...
الموضوع ده مش عن ماركة جيب تحديدا....
دا عن أي عربية دفع رباعي أو ربع نقل (دفع خلفي) كتير أوي مننا راكب العربيات ديه و ميعرفش ايه الصيانة المطلوبة عشان تخلي العربية دايما في حالة ممتازة... عملا بمبدأ الوقاية خير من العلاج.... الجيب و الربع نقل... من العربيات اللي بتحتاج للصيانة و المتابعة بصفة دورية و على فترات قريبة جدا..... مثلا....من أهم النقاط.... عملية الغسيل و التشحيم..... و ديه مش بتتعمل رفاهية بقدر ما هي بتتعمل للأهمية... لأن التشحيم ده بيكون لصلايب الكرادين و بلي العجل الأمامي..... و دول من أكتر الحاجات اللي عليها ضغط..... عشان أجزاء متحركة على طول..... العملية ديه لازم تتعمل مرة كلر شهر و نص.... شهرين بالكتير أوي..... ملحوظة هامة: بعض السيارات الأمريكية لا تحتوي صلايب الكردان بها على مشاحم..... وجهة نظري أو تجربتي الشخصية.... أني كنت بغير الصلايب الأمريكاني بياباني (نفس المقاس) بس يكون فيهم مشحمة....... تاني نقطة.... زيوت الفتيايس و الكوارين ناس كتيرة جدا مش بتاخد الموضوع ده في الاعتبار.....و بيعتبروا الزيت طالما مش ناقص يبقا كويس... طبعا الزيت بيفقد خواصه مع الوقت والاستعمال و الاحتكاك و الحرارة.....و ده بيخليه يكون زي عدمه خصوصا في آلات الجر.... عشان كدا لازم كل سنة و نص تقريبا نغير زيوت الفتايس و الكوارين..... الفتيس بيتحطله زيت درجة لزوجته 90 و الكوارين فيه بعض العربيات 90 و بعضها 140 .......... و العملية ديه بتتعمل عند ميكانيكي كل سنة و نص..... لازم يكون فيه أجندة مكتوب فيها الصيانات بالتاريخ و الكيلومتر.... عشان الواحد يقدر يتابع..... و مننساش طبعا النقطة الأساسية.... و اللي هي تغيير زيت الموتور.... و الفلاتر (فلتر زيت + فلتر بنزين - أو غسيل مصافي إن وجدت) و السيور بالكيلومتر النقط اللي فاتت ديه كلها مجرد صيانات دورية بسيطة بس تضمن أن العربية تكون دايما في حالة جيدة جدا.... و لو احتجتها في سفر طويل تقدر تاخدها بدون قلق............. و اخيرا.... اللي يحب يسأل في أي شيء مما سبق أو فيما يخص الصيانات عامة..... ياريت يسأل و ان شاء الله أفيد قدر استطاعتي..... تحياتي للجميع.... :-)
__________________
من ظن في نفسه أنه بلا عيب فقد حوى في ذاته سائر العيوب 
|
|
#3
19-04-2012, 09:41 AM
|
|||
|
|||
رد: أساسيات صيانة سيارات الجيب و الربع نقل...
بس دايما بعد تغيير زيت الفتايس و الكوارين بيوم أو يومين لازم تراجع اذا كان فيه أي ترشيح أو تسريب من أي من الفتيسين أو الكرونتين.....عشان تقدر تلحقه..... بالنسبة للكوارين... كتير من الميكانيكية بيحطوا 140.... و أنا شايف أن ده مش صح... الميكانيكية اللي بيفهموا بيحطوا 90 أنا رأيي عشان نكون في الأمان أفضل اختيار هو زيت متعدد درجات اللزوجة 85-140 و ده بيغير درجة لزوجته بحسب حرارة التروس.... كل ما تسخن أكتر.... كل ما يتقل.... بس ده منصحكش بيه في الفتيس...... كوارين بس.....
__________________
من ظن في نفسه أنه بلا عيب فقد حوى في ذاته سائر العيوب
|
|
#4
19-04-2012, 04:38 PM
|
|||
|
|||
رد: أساسيات صيانة سيارات الجيب و الربع نقل...
|
|
#5
22-04-2012, 03:04 PM
|
||||
|
||||
|
رد: أساسيات صيانة سيارات الجيب و الربع نقل...
مينا باشا
كلامك مظبوط 100 % ... و انا بس احب اضيف معلومة انت قلتها لى قبل كدة و نسيت تذكرها ... لازم تشوف العامل الى بيشحم بنفسك ... علشان ساعات كتير بيكسل يشحم بعض الصلايب لاعتقاده انها مش مهمة و خاصة صلايب كردان الغرز و المشحمة الى فى الكردان نفسه انا غيرت صلايب الكردان الامامية و الخلفية علشان الشحم نشف فيها اخر مرة كنت عند الميكانيكى ( من كام شهر فاتوا ) بشتكى من زنه فى الفتيس على الغيار الاول و التانى و بتختفى على الغيار الثالث ..... بعد الفحص .. الميكانيكى نصحنى بتغير زيت الفتيس و استخدام زيت 240 و وصفلى واحد اغير عندة الزيت فى المنيب جنب محطة المترو !!!!! انا استغربت جدا بس مش حخسر حاجة ... نزلت الزيت القديم و حطيت الزيت الى قال عليه 240 .. الزنة راحت و الفتيس صوته وطى تانى
__________________
|
 |
|
|
