|
#146
23-05-2010, 05:38 AM
|
||||
|
||||
رد: ممكن حد يساعدني لأني بجد تايهة :(
والله انا من راى الاستاذ حازم فى انك تسيبك من موضوع التأمين ده الا لو كنتى جايباها بالتقسيط وطبعا البنك مش هيديكى جواب التجديد السنوى الا بوثيقة تأمين فانتى تعملى الوثيقة علشان تجددى بس
لكن ومع احترامى للجميع التامين فى مصر دول شوية لصوص حرامية وانا شخصيا وقعت فى الشركة النصابة اللى فى العباسية اللى جنب عمر افندى ناسى اسمها (اعتقد الجمعيه المصرية للتامين) وفكرة التامين ببساطة كده عبارة عن جمعيه بيعملوها مثلا 50 شخص وبيقبضها 10 من هنا تكسب الشركة وطبعا الكلام جميل ومعسول وانتى بتعملى الوثيقة لكن لما يحصل حاجة لاقدر الله تلاقى الوش التانى والتصليح فى التوكيل يستوجب خصم من القاتورة 25% رغم انه غير منصوص عليه فى الوثيقة بل منصوص انك تصلح فى المكان اللى يعجبك والايرباج تدفع ربع تمنه غير ان الفاتورة يشيلو منها حاجات يقوللك التامين لايشملها رغم ان الوثيقة تشمل كل العربية زى ايه الطاسات والمرايات والمساحات وخزان الميه بتاع المساحات وغيره يعنى مطلوب من الباشا اللى بيعاين انه يشيل 25% تانية وفى الاخر يطلع لك شيك بما قيمته نص الفاتورة طيب مش هتدفع وهما يحاسبو الناس يقول لك مفيش الكلام ده غير انهم يعذبوك ويغلبوك على م تصرف الشيك والشيك بيتراجع والشيك بيتمضى والشيك مش عار ف ايه واصلا على الباشا مينزل معاينة قبل الاصلاح ويبدا الاصلاح ثم ينزل الباشا مرة تانية معاينة بعد الاصلاح وعلى ميوصلوك لانك تستلم الشيك مجرد استلامه مش تصرفه دى وحدها شهور ومع احترامنا للجميع اللى بيقولو الشيك بيتصرف من 5 الى 8 ايام كلام جميل لكن استلام العربية نفسه بيعطلوه شهور لحد ميوصلوك للشيك علشان تحرم تخبطها تانى وطبعا طالما سلمت العربية ياحلو متقدرش تاخدها تانى وتفضل زى حالاتى صاحب عربية وبتتنقل مواصلات وكلهمم بلا استثناء فى منتهى السوء يمكن الاستثناء الوحيد شركة امريكيه اسمها اليانز غالية شوية بس محترمين ولو العربية اتاخرت عن اسبوع تقريبا بيركبوك عربية غيرها وده كلام سمعته من مندوب الشركة وانا اعلم تماما ان 80% من بتوع المبيعات كدابين لكن الشركة نفسها معروف انها محترمة اخيرا لازم تفهمى ان كل بتوع التامين فى مصر شوية.............. ومحدش يزعل دى تجربة شخصية الكلام هيبقى حلو جدااااااااا فى الاول وبعد كده ربنا يستر عليكى الطريق لو حصل حاجة انا والعذاب وهواك وانتى نفسك ليكى تجربة شخصية يبقى تأمنى بحيث تاخدى جواب التجديد من البنك وده معناه تامنى عند اى حد لانك مش ناوية تعتمدى عليهم اصلا او تشوفى شركة محترمة زى اليانز ودول اغلى من غيرهم كتير لكنهم محترمين وملتزمين وده رابط لموقع لشركة بس النسخة العربى بيجددوها والنسخة الانجليزى هيا اللى شغالة لكن انتى ممكن من الموقع تاخدى تليفوناتهم وعناوينهم وتكلميهم http://http://www.allianz.com.eg/ 
|
|
#147
23-05-2010, 06:03 AM
|
||||
|
||||
|
رد: ممكن حد يساعدني لأني بجد تايهة :(
وانا كمان رايك يا استاذ خليفه
انا مريت بتجربه سيئه الي حد ما مع شركه كونتاكت و فضلت في التوكيل يوم بحاله مش عاوزين يستلموا العربيه الا لما المندوب يجي و اتصل بيهم من عشره الصبح لحد 5 بالليل علي ما المندوب جه و ما جاش غير لما اتصلت شتمت و هزقتهم و لعنت فيهم و في الاخر البيه جاي بره التوكيل و قعد يشطب في الفلوس اللي المفروض تدفع و يخفض منها بره باب التوكيل و مش عاوز يدخل التوكيل و يقولي اديهم الفاتوره و هما حيفهموا قولتله حضرتك انا ما صدقت انك تيجي اتفضل جوه معايا و فهمهم فلقيته مستفز و بيقولي انا عندي شغل قمت ماسك باب عربيته و رازعه و قولتله و دا برضه شغل اتفضل قدامي حاجه تفرس و الله كأننا بنشحت منهم. المهم العربيه اتعاينت و اخدت العربيه و روحت لان كان فيها تغيير اكصدام و مش مستاهله تبات و روحت بعدها بيومين ركبت الاكصدام و دفعت الفلوس و اتصلت بالبيه يجي يعاين و روحت قابلته في الاتوستراد علشان انتهي و اخد الفاتوره و خليته يمضي علي صوره الفاتوره و استني بقي الشيك اسبوع و اتنين و تلاته مافيش اتصل بيهم يقولوا طب حاضر و برضه مافيش طب يا جماعه هو فين يقولك انا حروح للمندوب البيت و اشوف الفاتوره عنده!!!! طب بالذمه دا اسمه كلام يعني المهم فضلت في الموار دا شهرين او اكتر لحد ما نزلت لهم القاهره و رايح و مستحلف لهم قابلتهم يقولوا الفاتوره ضاعت و هات لنا فاتوره من العباسيه و يا ريت عليها ختم مدفوع قولتلهم ازاي يطلعوا ختم مدفوع مرتين دا هبل يقولوا طب هاتها المهم جبتها قالوا قسط العربيه قرب يتسدد فالسيستم حيرفض يطلع شيك لك قولتلهم انا دافع القسط من يومين يقولوا خلاص مش مشكله نخصم قسطين قولتلهم و هو لو اتخصم قسطين حتنقصوا حاجه من الفوايد قالوا لاء طبعا قولت يبقي ليه يعني ادفع لكم قسطين مره واحده هو انا لاقي الفلوس دي هو ايه شغل النصب دا فين اللي ماسك الفرع هنا انتوا شويه نصابين و انا مش حسيبكم و حعملكم مشاكل و فلوسي حاخدها و عليت صوتي ولا حد عارف يسكتني هههههههه المهم المدير طلع و فيه ايه و فهمته بالراحه قالي خلاص ادفعهوملك من معايا قولتله انت مش حتبقشش عليا انا ليا حق و حقي حاخده بالذوق و الادب حاخده و بالعافيه حاخده و انا ليا قريبي بيشتغل في......... و حيخليكم تجيبوا الفلوس لحد عندي و غصب عنكم كمان و عاوز كده حد يعترض لاني ساكت من الصبح المهم هو اتلخبط شويه و بعدين اتصل بالحسابات و طلع الشيك و اخدته و مشيت شفتوا بقي شركات التأمين عامله ازاي
__________________
حـازم خـضـر
|
|
#148
23-05-2010, 07:00 AM
|
||||
|
||||
|
رد: ممكن حد يساعدني لأني بجد تايهة :(
على فكرة الكلام ده بيبقى مقصود يعنى يحاولو يعطلو العميل بقدر المستطاع لان كل يوم عطلة له قيمة محاسبية يعنى هو لو صرف الفلوس بكرة يبقى افضل من النهاردة لان الفايدة اليومية للبنك هتعوض جزء من اللى هيدفعوه ولو دفع لك بعد اسبوع يبقى الفايدة بتاعة البنك اللى مودعه فيه فلوس الشركة هتعوض اكتر وهكذا بالاضافة الى محاولة تقليل كم التعويضات بقدر المستطاع خلال السنة الماليه علشان متظهرش فى الميزانية وبالتالى يقلل حجم المصروفات الى حجم الارباح والمبيعات فتكسب الشركة
يعنى ايه الكلام ده هو عنده مطالبات لالف عميل مثلا يفضل يماطل فيهم فيصرف خلال السنة ل300 منهم بس او 400 وبالتالى تبقى مصروفاته العملا دول فقط لكن لو طلع محترم وصرف مباشرة هيصرف للالف كلهم وبالتالى حجم المصروفات يزيد والحقيقة ده عقم فى التفكير وسياسة واحد واقف بعربية فول فى الشارع مع احترامنا للجميع طيب ليه لانه لو طلع محترم م انا هقوللك وانت هتقوللى وتحصل سمعه كويسة للشركة لكن بالطريقة دى كل بنسب ونلعن فيهم وبالتالى اللى بيأمن المضطر فقط ومع مخالفة التامين لاحكام الشريعة لكن مش الكل هيبصو لاحكام الشريعه و فى كتير هيفضل التامين طالما الناس محترمة لكن بطريقتهم دى بيخسرو كتير جدا مش بيكسبو زى م هما فاهمين وانا قابلت مرة فى القطار راجل دكتور فى جامعة تبوك فى السعودية وقال ما اذهلنى قال فى السعودية الشركات حرامية زى مصر طيب ليه فقال 2 خابطين بعض انت مأمن وهو مأمن وممكن تكونو مأمنين عند نفس الشركة فالشركة تفضل تماطلكو انتو ال2 وتقنعكو تصلحو بعيد عنها لانه هتتاخر عندهم وهناك هما اغنياء مش زينا ممكن يكون راكب عربية وممعاهوش فى جيبه جنيه فيقتنعو ويصلح كل واحد على حسابه طيب لو اصرو يعذبوهم فى استلام وتسليم العربية كل الكلام اللى فات ده عادى لكن اللى غاظنى بقى هو اللى جاى بيقول سافرت امريكا فى عام 1998 وكان معايا عربية وقتها موديل 1992 وعملت حادثة وانا مكانى اتصلت بشركة التامين فسالونى مكانك فين فشرحتلهم بيقول بعد 5 دقايق لقيتهم بيتصلو بيا وقالو ادامك حوالى 25 دقيقة وتوصلك عربية هتشيل عربيتك تاخدها التوكيل وحضرتك هتوصل اقرب مكتب ايجار سيارات وعنوانه كذا وتليفونه كذا هتأجر سيارة لمدة اسبوع ومتدفعش لهم حاجة مجرد توريهم اثبات شخصيتك هيدوك السيارة وتمشى وبيقول بعد تسليم سيارتى وصلت لمكتب ايجار السيارات اللى قالو عليه وبمجرد الاطلاع على جواز السفر كنت راكب عربية موديل 2000 رغم ان عربيتى موديل 1992 الا انهم مهتموش بالنقطة دى المهم قبل نهاية الاسبوع اتصلو بيه والو له بعد اعتذار لما سببوه له من الم نفسى لانه سايب عربيته وراكب غيرها اللى هيا احدث منها استأذنوه انه يأجر اسبوع كمان على حسابهم ووعدوه انهم المرة دمش هيتاخرو والتاخير راجع لان عربيته قديمة نسبيا و فى قطع غيار مش لاقيينا بعتو يستوردوها من اليابان او من الوكيل فى ولاية تانيه حاجة زى كده طيب انا متغاظ ليه ياشباب لان محدش يقول لى اصل امريكا اغنيا طيب م السعودية اغنيا والكويت اغنيا ومع ذلك بيماطلو المسألة فى احترامم آدمية الانسان ومعاملته باحترام لانى انا هحترمك هنا وانتى هتحترمنى فى مكان تانى وهكذا هو ده اللى يغيظ رغم اننا بلاد الاسلام والاسلام هو اول من تحدث عن حقوق الانسان وانه لافرق بين الناس الا بالتقوى والعمل الصالح لكن فى بلاد الاسلام المحروسة لايطبقو احكام الاسلام
|
|
#150
25-05-2010, 04:17 PM
|
|||
|
|||
|
كورولا 2009
السلام عليكم ...........
انا كان معايا تويوتا كورولا 2009 خليجى وعملت بيها حادثة جامدة وانا مامن مع مصر للتامين وكهنولى العربية وقدروها ب 110000 على اعتبار ان ده سعر السوق بتاعها انا عاوز اعرف ازاى ممكن نرفع المبلغ ده ؟؟؟؟؟؟؟؟؟؟؟؟؟؟؟؟؟ وعاوز اعرف اذا كان ليا حق اشتكى شركة تويوتا ولا لا عشان ساعة الحادثة العربية اتخبطت من قدام والايرباج مفتحش مع ان الحزام اتشد بس انا مكنتش لابسه ؟؟؟؟؟؟؟؟؟؟
|
 |
| الكلمات الدليلية |
| تأمين سيارات مصر, حادث سيارة |
|
|
