المياه بتغلي جوه القربه رغم تغيير كل حاجه ف دوره التبريد !!!!

[savant]

الف الف شكر يا رجاله ع ردودكم العظيمه
بالنسبه للاستاذ world of kill : شكرا و ان شاء الله هركب الثيرموستات بكره ع طوووول
الاستاذ bmkbmk : انا فعلا لسه مغير حساس الحراره من 5 ايام بالظبط جديد اصلي كوووري
الاستاذ borio1704 : انا فعلا ان شاء الله هغير الميكانيكي الحيوان ده .... بس لما اظبط كل حاجه و بكره باذن الله هقشط وش السلندر للاحتياط و هركب الثرموستات ... بالنسبه للهوا انا خدته فعلا ... بس مش متاكد برضو من الطريقه ... سالت الميكانيكي الحيوان قالي العربيه دي مبتاخدش هوا .... ساعتها بس اتاكدت انو حيوان سلبندر ..... انا كنتدورت العربيه و سبتها تسخن 5 دقايق و بعد كده فتحت الغطا و زودت بنزين جااااامد طلعت نافوره صغيره كده و شويه بقاليل ... بس ف طريقه اتنيه ؟؟؟؟؟

[savant]

الاستاذ world of kill : يعني معني وجود غليان او دفع بخار المياه للقربه ده بسبب الغليان الطبيعي للمياه ؟؟؟ و ان مدام مؤشر الحراره مش بيرفع ف ده طبيعي ...!!! .... و السبب ف كل ده الثرموستات ...!!!! و اني كده معنديش مشاكل ؟؟؟؟ و للحتياط اركب الثرموستات ؟؟؟

[borio1704]

المشاركة الأصلية كتبت بواسطة mr_astra السلام عليكم يا استاز هشام لو حضرتك قارنت بين الردياتير الموجود الالمونيوم وبين النحاس هتلاقى فرق شاسع بنهم من حيث الحجم دة 3 اضعاف دة تقريبا .......فبالتالى المروحة مش بتقدر تبرد الكمية الكبيرة الموجودة بالردياتير + الموتور وبتدخل على الموتور تانى وهى سخنة مولعة انما لو الثرموستات راكبة وشغالة حجم المياه المراد تبردها اقل بكتير بكتير الوضع كان يبقى صح لو اتشال الثرموستات وجاب ردياتير نحاس 3 ماسورة الردياتير دة بياخد كمية مياة كبيرة وبتفضل تلف فى المواسير من جواة وبالتالى بتبرد لانها بتاخد وقت اطول جوة الرداتير وانا بصراحة مستبعد ان مروحة التبريد يكون فيها مشكلة لان لو هى بايظة اولا هاتعمل صوت وثانيا هتلاقى المياة فى الردياتير باردة جدا وجوة الموتور سخنة جدااااااااااا الراجل صاحب المشكلة هو حلها والله بس مش عارف هو متلخبط لية لما قال ان على الطوالى العربية بتبرد والمؤشر بينزل يبقى كدة الموتور سليم ووش السلندر سليم والردايتر سليم وتبقى المروحة فقط هى اللى مش قادرة تبرد المياة جوة الرداتير الاخ رامى اعتقد ان موتور الاكسنت مروحة التبريد على سير الكاتينة وليس سير منفصل .....دة اعتقاد ومش متاكد منة

بعد إذن حضرتك... بس أنا لاحظت إن فيه شوية مفاهيم شايفها متلخبطة شوية في الرد بتاعك..



أولا.. فكرة استخدام النحاس وأو الألومنيوم في الرادياتير هي نفس فكرة استخدامهم في أواني الطهي... لإنهم بينقلوا الحرارة بسرعة .. بمعنى إنهم بيسخنوا ويبردوا بسرعة.

بيسموا الكلام ده: التوصيل الحراري.. وبيتقاس بوحدة اسمها (وات لكل متر لكل درجة حرارة)

النحاس والألومنيوم يعتبروا تاني وتالت أفضل معدن بينقل حرارة على سطح الأرض بعد الفضة.. ومش أي نحاس كمان... لإن النحاس الأصفر "Brass" (وده المستخدم بكثرة) بينقل الحرارة أبطأ من الألومنيوم

دي مقارنة صغيرة لمعاملات نقل الحرارة في المعادن
الفضة: 405 - 430 (وات لكل متر لكل درجة حرارة)
النحاس (الأحمر) : 350 - 400
الألومنيوم: 200 - 250
النحاس (الأصفر): 90 - 120
الحديد: 35 - 80

الرادياتيرات الألومنيوم مش أكبر من الرادياتيرات النحاس... هي أبعادها اللي مختلفة.. وغالبا بتلاقيها واخدة مساحة كبيرة بس سمكها العام بقى أقل.. بمعنى إنها بقت فارشة أكتر من الرادياتيرات النحاس... وده معناه كفاءة أعلى في التبريد.

استخدام الألومنيوم حاليا في الرادياتيرات سببه اقتصادي أولا وأخيرا.. إن الألومنيوم أرخص ومتوفر بسهولة.. لإن النحاس مبقاش موجود بسهولة في المناجم.

بالنسبة للفرق بين الرادياتير العادي والـ3 ماسورة ..فالمية مش بتلف جواه ولا بتمشي مدة أطول في الرادياتير الـ3 ماسورة ولا حاجة..

فكرة نقل الحرارة هنا معتمدة على سمك المادة... وكل ما كانت المسافة اللي بتتنقل فيها الحرارة أقل كل ما كانت المدة اللي بتتغير فيها درجة الحرارة كمان أقل بكتير

هي دي الفكرة الأساسية من عمل الرادياتير الـ3 ماسورة... هي تصغير الماسورة اللي ماشية فيها المية علشان المية نفسها تبرد أسرع، وبالتالي بدل ماسورتين كبار تبقى 3 صغيرين.. يعني تبريد أسرع لنفس كمية المية.



بالنسبة لتاثير وجود ثرموستات الكوعة على كمية المية اللي بتدخل الرادياتير... فتأثيره في الحقيقة معدوم... لإن المية لو سخنة فعلا.. الثرموستات مش هيحجز أي مية في البلوك وهيسمحلها تروح للرادياتير بالكامل طول ما درجة حرارتها أعلى من درجة حرارته...

الموضوع هنا بالعكس.. الثرموستات بيقلل المية بس لما تبرد زيادة عن اللزوم.


آخر حاجة .. فمروحة التبريد في عربيات الدفع الأمامي لا يمكن تكون على سير... لإن ببساطة 99.99% من سيارات الدفع الأمامي (على كبالن) موتورها بالعرض... يعني السيور اللي ممكن تركب عليها المروحة موجودة في جنب العربية .. وغالبا بتبقى لازقة في الفخد من جوه.. ماهياش مواجهة للرادياتير.



...

[ramy safwt]

ما تخرطش الوش بلاش لعب تانى فى الموتور

انا مش مستوعب ليه ما غيرتش ثرموستات الكوعة ؟؟؟؟

البرس سبيكة من سبائك النحاس معروفة من 3000 الاف سنة بتستخدم فى صناعة سبطانات المدافع و ملاعق المنجانيق بتستخدم فى الراديتير النحاس لعمل العلب العلوية و السفلية عشان تستحمل الخبطات و يكون عمرها اطول

انبيب الراديتير بتتصنع من النحاس او الالمونية و الريش بتتصنع نحاس او المونية ممكن تلاقى رايديتر نحاس بعلب بريس و ريش نحاس احمل و انابيب المونية و ممكن تلاقى راديتير كله نحاس و ممكن تلاقى رادييتر المونية بعلب فيبر زى الى انكسر عندى

تصميم الراديتير بيختلف من موتور و التانى و اختيار نوع السبائك بيعتمد على التشبع الحرارى للراديتير والفقد الحرارى لكل نوع موتور

ممكن تغير حسابات التشبع بتاعة الراديتير و التشتيت الحرارة بتاعته بأستخدام مراوح اقوى او تغيير مائع التبريد او تقصيد زمن تدخل المروحة بأستخدام حساس حرارة اسرع من 67-80 بدل 80-90

و صدقنى الدورة بتاعتك واخده هواء لازم يتشفط الهواء منها بعد ما تخلص تظبيطاتك و مش منطقى توصل الحرارة لدرجة الغليان

[atgps]

المشاركة الأصلية كتبت بواسطة borio1704 بعد إذن حضرتك... بس أنا لاحظت إن فيه شوية مفاهيم شايفها متلخبطة شوية في الرد بتاعك.. أولا.. فكرة استخدام النحاس وأو الألومنيوم في الرادياتير هي نفس فكرة استخدامهم في أواني الطهي... لإنهم بينقلوا الحرارة بسرعة .. بمعنى إنهم بيسخنوا ويبردوا بسرعة. بيسموا الكلام ده: التوصيل الحراري.. وبيتقاس بوحدة اسمها (وات لكل متر لكل درجة حرارة) النحاس والألومنيوم يعتبروا تاني وتالت أفضل معدن بينقل حرارة على سطح الأرض بعد الفضة.. ومش أي نحاس كمان... لإن النحاس الأصفر "Brass" (وده المستخدم بكثرة) بينقل الحرارة أبطأ من الألومنيوم دي مقارنة صغيرة لمعاملات نقل الحرارة في المعادن الفضة: 405 - 430 (وات لكل متر لكل درجة حرارة) النحاس (الأحمر) : 350 - 400 الألومنيوم: 200 - 250 النحاس (الأصفر): 90 - 120 الحديد: 35 - 80 الرادياتيرات الألومنيوم مش أكبر من الرادياتيرات النحاس... هي أبعادها اللي مختلفة.. وغالبا بتلاقيها واخدة مساحة كبيرة بس سمكها العام بقى أقل.. بمعنى إنها بقت فارشة أكتر من الرادياتيرات النحاس... وده معناه كفاءة أعلى في التبريد. استخدام الألومنيوم حاليا في الرادياتيرات سببه اقتصادي أولا وأخيرا.. إن الألومنيوم أرخص ومتوفر بسهولة.. لإن النحاس مبقاش موجود بسهولة في المناجم. بالنسبة للفرق بين الرادياتير العادي والـ3 ماسورة ..فالمية مش بتلف جواه ولا بتمشي مدة أطول في الرادياتير الـ3 ماسورة ولا حاجة.. فكرة نقل الحرارة هنا معتمدة على سمك المادة... وكل ما كانت المسافة اللي بتتنقل فيها الحرارة أقل كل ما كانت المدة اللي بتتغير فيها درجة الحرارة كمان أقل بكتير هي دي الفكرة الأساسية من عمل الرادياتير الـ3 ماسورة... هي تصغير الماسورة اللي ماشية فيها المية علشان المية نفسها تبرد أسرع، وبالتالي بدل ماسورتين كبار تبقى 3 صغيرين.. يعني تبريد أسرع لنفس كمية المية. بالنسبة لتاثير وجود ثرموستات الكوعة على كمية المية اللي بتدخل الرادياتير... فتأثيره في الحقيقة معدوم... لإن المية لو سخنة فعلا.. الثرموستات مش هيحجز أي مية في البلوك وهيسمحلها تروح للرادياتير بالكامل طول ما درجة حرارتها أعلى من درجة حرارته... الموضوع هنا بالعكس.. الثرموستات بيقلل المية بس لما تبرد زيادة عن اللزوم. آخر حاجة .. فمروحة التبريد في عربيات الدفع الأمامي لا يمكن تكون على سير... لإن ببساطة 99.99% من سيارات الدفع الأمامي (على كبالن) موتورها بالعرض... يعني السيور اللي ممكن تركب عليها المروحة موجودة في جنب العربية .. وغالبا بتبقى لازقة في الفخد من جوه.. ماهياش مواجهة للرادياتير. ...

معاك فى كلامك ده وحتى لو الرادياتير النحاس حجمه ضعف الرادياتير الألومنيوم (فرضا) فالـ flow quantity هى هى يعنى المياه ستمكث فترة أكبر فى الرادياتير الأكبر وده حيساعد على تبريدها مع عدم قدرة المروحة على التبريد ولكن نتيجة وجودها لفترة أكبر ستتمكن المروحة من عملية التبريد.

أما موضوع عدم وجود سيارات دفع أمامى وموتور بالعرض مع مروحة تعمل بالسير، للأسف يوجد سيارات قد تعتبر قديمة ولكن النظرية موجودة مثل سيارات البيجو 204 304 405 وبعض سيارات الرينو.