رابطة مالكي الكيا سيفيا فيد واستفد ( صداقة - نقل خبرات )

[wessamsp]

السلام عليكم يا خبراء السيفيا انا شاري عربية كيا سيفيا موديل 2000 بس عندي مشكلة الن الكستبنات بتاعت الماتور صوتها عالي ( عاملة زي صوت مكنة الخياطة ) علما ان كبس الموتور كويس والموتور مبيكلش زيت--من فضلكم افيدوني ماذا افعل -- وشكرا لحضرتكم

[sameh_saso]

المشاركة الأصلية كتبت بواسطة wessamsp السلام عليكم يا خبراء السيفيا انا شاري عربية كيا سيفيا موديل 2000 بس عندي مشكلة الن الكستبنات بتاعت الماتور صوتها عالي ( عاملة زي صوت مكنة الخياطة ) علما ان كبس الموتور كويس والموتور مبيكلش زيت--من فضلكم افيدوني ماذا افعل -- وشكرا لحضرتكم

انا اعرف انهم بيتغيروا وتكلفتهم في حدود الف جنية
بس هما ساعة تسخين العربية بيبقي صوتها عالي وبعد التسخين بيروح مع المشي.
وبصراحه ماسمعتش انهما بيتصلحوا.

[sameh_saso]

المشاركة الأصلية كتبت بواسطة sharooo السلام عليكم اعمل صيانه كامله (زيت وفلتر زيت.. وفلاتر بنزين وهوا وبوجيهات..) راجع على فيشه المباين وفيشه حساس الكرنك راجع على وصله البنزين الكوتش الي مدخله بنزين للرشاشات وووصلات فلتر البنزين.....لو مش محكومين ممكن يدخلو هوا يعمل المشاكل ده وممكن يكون حساس ايدل او( تي بي اس)

+++++++111111111111
بالاضافه ان من ضمن عيوب الرشاشات يا باشا دائما تخلي العربية بتغيب في الدواره وخصوصا الصبح عند التسخين

[wessamsp]

شكرا يا استاذ سامح علي الرد -- بس هل لو سبت الكستبنات بصوت دي علي طول في مشكلة هتحصل او بتحصل من حيث استهلاك الوقود او التاثير علي عمر المحرك سريعا او ان تكون تؤثر علي اي شيء اخر-- وشكرا يا استاذ سامح

[black_louts2006]

المشاركة الأصلية كتبت بواسطة Sameh Ragih صباح الخير أولاً على الجميع.. خدوا الجديد بقى يا جماعة... النهاردة الصبح و أنا جاي الشغل حسيت برجرجة متوسطة عند الوصول للسرعة بين 45 و 50 كم/ساعة و تختفي إذا عديت هذه السرعة أو رفعت رجلي من على البنزين.. ملحوظة: السيارة أوتوماتيك و كمان قليت عقلي و قلت أجرب التكييف صحته عامله إيه.. فوجئت ببرجلة جامدة و العربية راحت مبطلة فوقفت و نقلت على الـp و دورت تاني فقعدت تنتش شوية بعد ما نقلت على الـ d و بعدين مشيت كويس وصلت الشغل فنقلت على الـ r و أنا باركن فحصلت نفس الحكاية.. برجلة و العربية وقفت فدورت تاني و مشيت برضه كويس وأخيراً إستهلاك البنزين الغير طبيعي على الإطلاق.. يكفي أقول إن التنك وصل للنص و أنا لسه ماكملتش 90كم!!!!!!!!!!! مع ملاحظة إني عملت صيانة كاملة للسيور و الفلاتر أول ما أخدتها لو حد عنده حلول أو حتى تفسيرات لكل المشاكل اللي بتحصلي دي يا رييييييت يساعدن

بص يا سيدي موضوع البنزين الكتير والبرجله ده مالوش غير حاجه من اتنين
اولاً : حساس الشكمان يكون باظ وعلي فكره انه يكون بايظ مش معناه ان لمبة التبلوه بتاع الماتور تكون منوره لانه ممكن يكون بايظ ومن غير اللمبة ما تنور لان المبه بتنور لو الحساس مش موجود انما ممكن يكون بيبعت قراءه غلط للكنترول يونت وطبعا الكنترول يونت بيخلي البخاخات ترش بنزين بزياده وطبعا البوجيها مش هاتعرف تولع في كل البنزين ده مره واحده فا بيخلي العربيه تبرجل بس خد بالك لان في بعض الاوقات بيكون فيه طرف من اطراف حساس الشكمان بيكون مقطوع وده ممكن يسبب المشكله دي
ثانيا ً : وده بقه من خلال تجربتي انا الشخصيه ان يكون فيشة الكنترول بتاع الفتيس الاتوماتيك تكون بتعلق او تكون مزرنخه نتيجة المياه والاتربه ودي حله سهل وهو انك تنفضها وتغسلها بمنظف جاف
جرب ولاغيني انا عربيتي علمتني كل انواع الاعطال وبعدين انا بصلح كل حاجه بنفسي لان زهقت من سرقت الميكانيكيه والكهربائية