معلومة على السريع

[mr_astra]

النهردة شوفت ميكانيكى بيعدل او بيسقط للاسبرانزا مواتير جولف 3 1800 سي سي
والموتور بيركب بدون تعديل فى القواعد لكن بيعمل شوية تظبيط فى اتياش الدبرياج
الباور تمام والتكييف تمام
سعر الموتور بفتيسة 4000 جنية
الـ 3 عربيات اللى مسقطين مكن كلهم تاكسي
والاجمل بيشيل الـ انجاكشن بتاع الجولف وبيجيب كربراتير بتاع جولف وبيركب عادى جدا
يبقى كدة سواق التاكسيى بعد عن مشاكل حساسات
يحط بنزين 80
بيشكرو فى المكنة دى جدااااااا بيقولة بتمشى العربية احسن من مكنتها الاصلية

طب يا جماعة لية ما تسقطوش مكن لانسر 1600 زى ماهو متبع
الاجابة
الجولف اقوى واقتصادى فى التشغيل وكمان قطع الغيار وطبعا بنزين 80 وعاوزين نبعد عن مشاكل الحساسات والقصة دى

موتور الـ لانسر بـ 10000 جنية

الكلام دة سمعتة من سواقين عملت التعديل بالفعل بقلهم 3 شهور

[hazem_khidr]

فكره كويسه
بس مشكلتها في العدادت و هتشتغل ازاي
عداد السرعه في الاسبرانزا كهربا من غير واير
و الجولف 3 انالوج بيبقي فيه سلك لعداد السرعه بيخرج من الفتيس علي العداد
دي طبعا مشكله كبيره علاوه علي القرايه المختلفه لعداد البنزين و الحراره
دا غير المشكله الكبري مع المرور في اثبات الموتور ..
بالنسبه لموتور اللانسر كده غالي اوي
انا عندي هنا تاجر في المحله بيبيع موتور البومه ال 2000 كامل ب 8000 جنيه و دا بدايه الكلام ...
شكرا علي النقل للتجربه مستر استرا

[mr_astra]

دا غير المشكله الكبري مع المرور في اثبات الموتور ..

تصدق ما فيش اى مشاكل وبيتثبت فبسال السواق بيقولى انة اخد الافراج وراح ثبتة لان اسبرانزا ملهاش مواتير استيراد

عداد السرعه في الاسبرانزا كهربا من غير واير و الجولف 3 انالوج بيبقي فيه سلك لعداد السرعه بيخرج من الفتيس علي العداد دي طبعا مشكله كبيره علاوه علي القرايه المختلفه لعداد البنزين و الحراره

كل العدادات تعمل وحضرتك كمان نسيت تقول ان ما فيش واير للاكسراتير فى اسبرانزا

بالنسبة للسعر هو اجتهاد منى ومن اللى كنت بتكلم معاة

[mhamdy75]

فعلا التعديل لموتور لانسر يكلف مش أقل من 7000

بالضفيرة والكومبيوتر

ال2000 سى سى بيبقى أرخص

السؤال هل ممكن التغيير بموتور جولف وفتيس أتوماتيك ؟

[mr_astra]

الموضوع خاص بسواقين التاكسي والاوتو ما ينفعش فى التاكسي عشان تيل الفرامل والطنابير
لكن النهردة ما بقاش فى حاجة صعبة واكيد بينفع