#31
|
||||
|
||||
رد: هو زيت موبيل وان بينقص مع الاستعمال
الموضوع اللي حضرتك ناقله سليم ولكن فيه بعض النقط غير الدقيقة أولا: مش معنى إن الزيت المعدنية أثقل إنها "تقصف عمر الموتور"... المسألة أساسا متعلقة بالخلوصات في المواتير الجديدة اللي بقت صغيرة وبالتالي محتاجة زيوت أخف... والزيوت الخفيفة ممكن تلاقيها زيوت معدنية (ماهياش حكر على الزيوت التخليقية) هي فين الزيوت المعدنية الخفيفة ؟؟؟ ثانيا: التحويل من معدني إلى تخليقي مشكلته الأساسية في الجوانات والأويلسيلات، ويفضل لو الموتور قديم إنك تغير كل الجوانات والأويلسيلات اللي ممكن ييجي عليها الزيت، لإن الزيوت التخليقية فيها مواد مذيبة (إسترات) علشان تقبل الإضافات اللي بتتزود عليه، والإسترات دي أول حاجة هتعملها إنها تكشف إي شقوق أو شروخ في الجوانات... وهتبص تلاقي الموتور جايب زيت من كل حته يا باشا.. التخليقية بالكامل هي المجموعة الرابعة والخامسة ودي غالية جدا جدا.. ياريت تراجع النص تاني ده غير بعض الاحتياطات أثناء التحويل علشان الزيت هيدوب الرواسب الموجودة جوه الموتور، فلازم نتخلص منها قبل ما نحط الزيت التخليقي ثالثا: كل البنزين في مصر حاليا خالي من الرصاص (الـ80 والـ90 والـ92 والـ95)... والموضوع ده تم من سنة 1996.. يبقى إزاي الزيوت التخليقية بالكامل ما ينفعش في مصر؟؟؟ يا باشا.. التخليقية بالكامل هي المجموعة الرابعة والخامسة ودي غالية جدا جدا.. ياريت تراجع النص تاني آخر حاجة: الزيوت التخليقية أكيد أحسن من المعدنية... بس لو بتمشي على أساس سليم وعلمي... الزيت المعدني كفاءته مقبولة جدا (أنا عامل عمرة لموتور للعربية عند 340 ألف كيلو... وكان ممكن أزود.. وما حطيتش في العربية زيت تخليقي). ربنا يبارك في عربيتك.. بس اقرا الموضوع بتركيز تاني.. وحتلاقي الاجابات موجودة ...[/QUOTE] تحياتي
__________________
مشترك في جروب اسبيرانزا للجميع على الفيس بوك https://www.facebook.com/groups/233345930132046 |
#32
|
|
رد: هو زيت موبيل وان بينقص مع الاستعمال
الزيوت المعدنية الخفيفة موجودة... المشكلة إنها مستوردة، عشان كده مش هتلاقيها بسهولة طيب هو قبل ما الزيوت التخليقية يخترعوها في السبعينات... ما كانش فيه زيوت خفيفة أبدا؟؟؟ بصراحة الموضوع أنا قريته أكتر من مرة ومش لاقي حاجة كنت فاهمها غلط!!! بالنسبة لموضوع التحويل من معدني إلى تخليقي (المجموعة IV بالذات) ولإن المجموعة دي زيت الأساس فيها بيبقى PAO، والزيت ده مش بيقبل الإضافات... فاللي بيحصل إن الإضافات بيدوبوها في إستر وبعدين الإستر بيدوب في الزيت... وحضرتك ممكن تتأكد من المعلومة بنفسك على النت. أنما لما اتكلمت عن البنزين إنه خالي من الرصاص... ده معناه إننا ممكن نحط زيت تخليقي بالكامل في مواتيرنا ... والموضوع ده مالوش علاقة بسعر الزيت... اللي عايز يتدلّع يدفع... ولا حضرتك شايف إيه؟؟ ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
|
|