نصيحة لوجه الله علشان سلامتكم وسلامه عربياتكم

[sherifabden]

ياريت يا جماعة اي حد هيكون هيشتري تيل فرامل او كاوتش عربية يكون شاريها من مصر مأمون وموثوق ويتاكد ان الحاجات دي تكون اصلية ومن المصنع علشان لو كانت مخشوشة لا قدر الله بتعمل مشاكل ملهاش نهاية على الطريق وممكن تؤدي الى حوادث مميتة لا قدر الله
وبسبب قطع غيار المخشوشة مصر احتلت المرتبة الاولى عالميا في عدد الحوادث
وياريت ياجماعة متستخسروش تدفعوا وتقولوا الارخص افضل لا والله هاتوا الاصلى حتى لو غالي بس هيحافظ على حياتكم
وربنا يكفينا شر الحوادث

[mr_astra]

ما فيش قطع غيار اوريجينال فى مصر اصلا
ممكن اة يابانى او المانى انما اوريجينال ما فيش

[michohat]

فعلا معرفش ليه مصر منتشر فيها الغش في قطع الغيار الحيوية
ويبقى حظي كويس لو قطعه الغيار لقتها تركي
اما لو عاوز الايطالي او الالماني يبقى اخد معايا الميكانيكي او الصنايعي يلف معايا ويمكن كمان فى الاخر ينضحك علينا

[mr_astra]

المشاركة الأصلية كتبت بواسطة michohat فعلا معرفش ليه مصر منتشر فيها الغش في قطع الغيار الحيوية ويبقى حظي كويس لو قطعه الغيار لقتها تركي اما لو عاوز الايطالي او الالماني يبقى اخد معايا الميكانيكي او الصنايعي يلف معايا ويمكن كمان فى الاخر ينضحك علينا

والله ولا ايطالى ولا المانى
زمان فى سنة مثلا 90 كنت بجيب الكبالن الايطالى الواحد بـ 180 جنية
النهردة الفردة بـ 50 جنية
واحسن حاجة فى السوق بـ 90 تقريبا
يبقى ازاى فية المانى او ايطالى
بلد غريبة قطع الغيار المستعملة ( الاستيراد) افضل من الجديدة
لنا الله

[sherifabden]

علشان كدا الواحد بيضطر يروح التوكيل علشان يلاقي قطع غيار اصلية ومضمونة
حسبي الله ونعم الوكيل