اقوال ابو الفتوح ف حق الرئيس مرسى

[أدهم صبرى]

المشاركة الأصلية كتبت بواسطة crime ياباشا ده مش عايز حد يحاسبه ولا يقوله انت رايح فين وجاى منين ده مبارك معملهاش

ياباشمهندس أيمن هنحاسبه على إيه ؟!!!
ده لسه ماسك البلد من شهور.
إحنا نستنى عليه بعد أما يخلص فترته وبعد كده نحاسبه.
اللى يضحك فعلاً إنه بعد إعلان النتيجه مباشرة بدقائق كان فيه ناس بتقول هو مرسى عمل إيه.
مرسى مش ملاك نازل من السما. وله أخطاؤه ولازم نستحمل شوية وأى واحد غيره كان برده هيبقاله أخطاء.
وبعدين فيها إيه لما الريس يتعلم على الشعب. ولا عاوزنا نوديه كوالامبور مثلاً يقضى فترة تدريبه هناك وإحنا نقعد من غير ريس !!!

[crime]

المشاركة الأصلية كتبت بواسطة أدهم صبرى ياباشمهندس أيمن هنحاسبه على إيه ؟!!! ده لسه ماسك البلد من شهور. إحنا نستنى عليه بعد أما يخلص فترته وبعد كده نحاسبه. اللى يضحك فعلاً إنه بعد إعلان النتيجه مباشرة بدقائق كان فيه ناس بتقول هو مرسى عمل إيه. مرسى مش ملاك نازل من السما. وله أخطاؤه ولازم نستحمل شوية وأى واحد غيره كان برده هيبقاله أخطاء. وبعدين فيها إيه لما الريس يتعلم على الشعب. ولا عاوزنا نوديه كوالامبور مثلاً يقضى فترة تدريبه هناك وإحنا نقعد من غير ريس !!!

ياباشا احنا مش هنسفره بعثه لاكوالامبور و لا للسويس حتى بس احنا على الاقل من حقنا رئيس مؤهل يمسك البلد ويقودها نحو التقدم والرقى مش ديكتاتور جديد وعصر جديد من الشقاء

[أدهم صبرى]

المشاركة الأصلية كتبت بواسطة crime ياباشا احنا مش هنسفره بعثه لاكوالامبور و لا للسويس حتى بس احنا على الاقل من حقنا رئيس مؤهل يمسك البلد ويقودها نحو التقدم والرقى مش ديكتاتور جديد وعصر جديد من الشقاء

ماحدش يقدر يبقى ديكتاتور. لا مرسى ولا غيره.
ويوم ما هيحب يعيش الدور هنطلع التحرير ومش هنرجع إلا وهو فى طره.
عمره ماهيكون أصعب من مبارك اللى اتخلع فى كام يوم
بس نسيبه ياخد فرصته لحد مايثبت نفسه أو نختار حد غيره فى انتخابات الرئاسه اللى جاية.
وبعدين إقالة النائب العام دى كانت مطلب من مطالب الثورة وأحسن حاجه عملها بعد إقالة المشير.

[crime]

المشاركة الأصلية كتبت بواسطة أدهم صبرى ماحدش يقدر يبقى ديكتاتور. لا مرسى ولا غيره. ويوم ما هيحب يعيش الدور هنطلع التحرير ومش هنرجع إلا وهو فى طره. عمره ماهيكون أصعب من مبارك اللى اتخلع فى كام يوم بس نسيبه ياخد فرصته لحد مايثبت نفسه أو نختار حد غيره فى انتخابات الرئاسه اللى جاية. وبعدين إقالة النائب العام دى كانت مطلب من مطالب الثورة وأحسن حاجه عملها بعد إقالة المشير.

مرسى او غيره اهم حاجع يبقى راعى ومسئول عن رعيته ويهتم بينا احنا الاول بعد كده ندور على غزه

[أدهم صبرى]

المشاركة الأصلية كتبت بواسطة crime مرسى او غيره اهم حاجع يبقى راعى ومسئول عن رعيته ويهتم بينا احنا الاول بعد كده ندور على غزه

أتفق معك فى الجزء الأول من كلامك وأختلف معك بشده فى الجزء الثانى وكنت أرجو أن لا يصدر هذا الكلام من أى أحد.
غزة جزء من الأمة الإسلامية والعربية قبل أن تكون جزء من فلسطين وواجبنا الدفاع عنها وعن سوريا والأحواز المحتلة والشيشان وبورما وكل أراضى المسلمين.
طبعاً حضرتك هتقولى بس ظروفنا واقتصادنا ومشاكلنا.
طيب تخيل معى أن إسرائيل إحتلت سيناء أو أى جزء من مصر وفعلت في أهله مثل ماتفعله فى غزة وجاءت الدول العربية وقالت مثل ماقلت حضرتك "وهم أيضاً عندهم مشاكلهم الداخلية" . تخيل ماذا سوف يكون رد فعلك.
ثانياً: غزة تعتبر يد لنا ضد إسرائيل.
بمعنى أننا لو سلحنا غزة بأسلحة حديثة "فقط مضادات طائرات وصواريخ ومضادات دبابات" وبالإمدادات اللوجيستية فإنها ستصبح مصدر قلق لإسرائيل وسيخف الضغط على مصر وستكون ورقة رابحة لنا فى المفاوضات ولعبة السياسة الدولية.
وستكون حقل إختبار مصرى لتجهيزات إسرائيل العسكرية.
مثلاً : إسرائيل أنتجت نوع دبابات لايؤثر فيه الأر بى جى فمصر ستقوم بإنتاج مضاد للدبابات الحديثة ولكن كيف سنعرف أنه مؤثر ؟!!! إلا إذا تمت تجربته.
وطبعاً قس على ذلك القوة الصاروخية ومضادات الطائرات وغيرها.
ببساطه: كيف عرفنا ونحن فى مصر أن القبة الحديدية بتاع إسرائيل طلعت مخرومه زى إيد إكرامى؟!!! طبعاً عرفنا بعد أن صدت القبة 400 صاروخ وعدى منها 600 وشوية وأجهزة مخابراتنا والمحللين العسكريين المصريين بالتأكيد عرفوا نقاط الضعف وبالتالى هنطور صواريخنا فى مصر أكتر ولو قامت حرب بينا وبين إسرائيل هنكون جاهزين وعارفين نقط ضعفهم وهنضربهم فيها.
يعنى من الأخر غزة بتحارب بالنيابه عننا. يعنى إحنا محتاجينهم زى ماهم محتاجينا.